आजको कार्टून !

रक्तचन्दन अब धुलो पारेर तस्करी

ध्रुव दंगाल/सिन्धुपाल्चोक (नयाँ पत्रिका)

चौर नै भरिने गरी रक्तचन्दनका गोलिया कहिले थानकोटमा बरामद हुन्थे, कहिले सिंहदरबारमा देखिन्थे । तर, अब धेरै घाटा लागेपछि तस्करले पनि बुद्धि पुर्‍याए, गोलिया काठ होइन, अब धुलो बनाएर रक्तचन्दन तस्करी सुरु भएको छ । चोरीका विभिन्न तरिका सार्वजनिक हुँदै गएपछि तस्करले नयाँ अभ्यास अपनाएका हुन् । कन्टेनर र अन्य सवारीसाधनमा लुकाएर चीन पुर्‍याइने प्रतिबन्धित रक्तचन्दन अब धुलो बनाएर लगिन थालिएको छ । प्रहरीले बलेरो जिपबाट १५ किलो रक्तचन्दन धुलो बरामद गरेपछि यो रहस्योद्घाटन भएको हो । बा६च २७८७ बलेरो जिपबाट सोमबार राति यो धुलो बरामद गरिएको थियो । इलाका प्रहरी कार्यालय बाह्रबिसेले राति नौ बजे ढाटमा बलेरो रोकेर खानतालसी लिँदा बोराभित्र रक्तचन्दनको धुलो भेटिएको सिन्धुपाल्चोकका डिएसपी प्रमोदकुमार खरेलले बताए । प्रहरीले बलेरो तातोपानी-९ घर भएका त्यसका चालक निमदोर्जे शेर्पालाई नियन्त्रणमा लिएको छ ।

रुवान्डाबाट केही सिकौँ हामी पनि

विश्वास हमाल/तान्जानिया (मेरो संसार)

१९९४ को नरसंहारपछि रुवान्डाले अति नै विकास गरेको रहेछ। सबैभन्दा मुख्य कुरा यहाँ फेरि पनि त्यस्तै इतिहास नदोहोरियोस् भनेर प्रत्येक नागरिकलाई सजग र सचेत बनाइएको रहेछ। कानुन अति नै कडा छ। अनी कार्यान्वयन पनि उति नै कडा छ। यहाँको सरकारले कडा रुपमा विदेशी शक्तिरास्ट्रलाई भनेको रहेछ- सहयोगको भावनाले आउँछौ भने स्वागत छ, होइन भने हाम्रो देश हामी आफै बनाउँदै छौ, बिथोल्न नआऊ। सरकारले भ्रष्टाचार कम गर्नको लागि पनि अति नै कडा कानुन ल्याएको रहेछ। मैले भेटेका प्रत्येक मानिसहरु रुवाण्डेली भएकोमा गर्व गर्छन्। अनि छिमेकी मुलुकहरु युगान्डा र तान्जानियामा जस्तो सरकारको आलोचना गर्दैनन्। सरकारी पैसामा हाम्रो देशमा जस्तो नेताहरुको राज छैन। नेता, मन्त्री अनि वरिष्ठ सरकारी कर्मचारीहरुले ५ वर्ष अगाडि नै महंगा गाडी चढ्न छाडेर सामान्य गाडी चढ्छन्।

अमेरिकामा तयारी पोसाक निकासी शून्य

विज्ञान अधिकारी/काठमाडौं (नागरिक)- 

नेपाली तयारी पोसाकको प्रमुख बजार अमेरिकातर्फको निकासी दुई महिनादेखि बन्द भएको छ। एक दशकभन्दा बढीको पोसाकको इतिहासमा यस्तो घटना पहिलो पटक भएको हो। कुनै समय १६ करोड अमेरिकी डलर बराबरको तयारी पोसाक निकासी हुने अमेरिकामा गत अक्टोबर र नोभेम्बरमा निकासी भएको छैन। निकासीको मात्रा उल्लेख गर्ने परिमाणमा नभएपछि तयारी पोसाक उद्योग संघले तथ्यांकसमेत राखेको छैन्। संघले अक्टोबर र नोभेम्बरमा निकासीको तथ्यांक नआए पछि सार्वजनिक नगरेको हो। सन् २००० मा अमेरिकातर्फ सबैभन्दा बढी १६ करोड अमेरिकी डलर बरारबरको तयारी पोसाक निकासी भएको थियो। 'यो अवधिमा कुनै माग नआएकाले यस्तो अवस्था आएको हो,' संघका प्रथम उपाध्यक्ष उदयराज पाण्डेले भने, 'तयारी पोसाकको कुनै 'सिपमेन्ट' नभएकाले तथ्यांक आउन नसकेको हो।' उनका अनुसार अमेरिका निकासी हुने तयारी पोसाक उद्योग अहिले लगभग छैनन्।

आजको कार्टून !

पश्चिम सेतीमा चिनियाँ लगानीको सम्झौता

दिनेश कार्की (नागरिक)- 

पश्चिम सेती जलविद्युत आयोजनामा चीन सरकारले गर्ने भनेको १५ प्रतिशत लगानी बढाएर आधाभन्दा बढी पुर्‍याउने भएको छ। चिनियाँ वाणिज्य मन्त्रालयअन्तर्गतको कम्पनी चाइना नेसनल मेसिनरी एन्ड इक्विपमेन्ट इम्पोर्ट एन्ड एक्सपोर्ट कर्पोरेसन (सिमेक)ले पश्चिम सेतीमा ५१ प्रतिशत लगानी गर्ने समझदारीपत्रमा सोमबार बेइजिङमा हस्ताक्षर भएको छ। यो चीनको सरकारी तवरबाट लगानी गर्ने ठूलो र शक्तिशाली कम्पनी हो। ७ सय ५० मेगावाट क्षमताको जलाशययुक्त जलविद्युत परियोजनामा ५१ प्रतिशत लगानी गर्नेसम्बन्धी समझदारीपत्रमा सिमेकका अध्यक्ष जिया झिक्याङ्ग र वेस्ट सेती हाइड्रो लिमिटेडका अध्यक्ष हिमालयबहादुर पाण्डेले संयुक्त हस्ताक्षर गरेका छन्। परियोजनामा यसअघि सिमेकको १५ प्रतिशत स्वामित्व पुँजी रहने भनिएको थियो। बेइजिङस्थित नेपाली दूतावासमा चीन भ्रमणमा रहेका प्रधानमन्त्री माधवकुमार नेपालको उपस्थितिमा हस्ताक्षर भएको अध्यक्ष पाण्डेले जनाएका छन्। चीन भ्रमणमा रहेका अर्थमन्त्री, ऊर्जामन्त्री, परराष्ट्रमन्त्री र उच्च सरकारी अधिकारीको पनि उपस्थित थियो। सिमेकले परियोजनामा १५ अर्ब रूपैयाँ (२० करोड डलर) लगानी गर्ने भएको हो। पाण्डेले भने, 'अब परियोजना बन्ने विश्वास अत्याधिक बढेको छ।' यसबारे जनवरी अन्त्य वा फेब्रुअरी सुरुमा अन्तिम सम्झौता हुने उनले जानकारी दिए। 

चिनियाँ गाडी नेपालमा ल्याउन समझदारी

नारायण सापकोटा/बेइजिङ (नागरिक)- 

जापानी प्रविधिमा चीनमा तयार पारिएका गाडी नेपालमा बिक्री गर्न बेइजिङ अटो वर्क्स र आइएमइ समूहबीच मंगलबार समझदारीपत्रमा हस्ताक्षर भएको छ। समझदारीपत्रमा आईएमइ समूहका अध्यक्ष चन्द्र ढकाल र चिनियाँ कम्पनी अन्तराष्ट्रिय विकास विभागका जनरल मेनेजर वागं ह्यापेंगले बेइजिङमा हस्ताक्षर गरेका छन्। भारतीय ठूला गाडी ट्रक, ट्रिपरको बिक्री गर्दै आएको आइएमईले चीनका ठूला साना दुबै गाडी नेपाल लैजाने जनाएको छ। केही दिनभित्र गृहकार्य गरी गाडी नेपाल लगिने ढकालले नागरिकलाई बताए। जापानी प्रविधिबाट बनेको पिकअप, भ्यान, माइक्रोबस,जिप, एम्बुलेन्स आइएमइले नेपाल लैजाने जनाएको छ। जापानी भन्दा चिनियाँ गाडी सस्तो हुने भएकोले चिनियाँ गाडीले बजार लिने विश्वास ढकालले व्यक्त गरे। चीनमा विएडब्लु दोस्रो ठूलो कम्पनी हो। यसमा सरकारको स्वामित्व छ। सन् १९५८ देखि यो कम्पनी चिनमा संचालनमा छ। सन् २००७ देखि यो कम्पनीले विदेशमा गाडी निर्यात गर्न थालेको हो।

संसदमा संविधानको सातौं संशोधन प्रस्तुत/संशोधन परमानन्द झा कै लागिः कानुन मन्त्री

काठमाडौं (कान्तिपुर) - 

कानुन मन्त्री प्रेमबहादुर सिंहले पद निस्कृय रहेका उपराष्ट्रपति परमानन्द झाले सपथ लिने आशयले नै संविधान संशोधन विधेयक संसदमा प्रस्तुत गरिएको बताएका छन् । मधेसी जनअधिकार फोरमका सभासद जेपी गुप्ताले सपथ सम्बन्धी व्यवस्थाको संशोधन गर्न संसदमा प्रस्तुत भएको संविधान संशोधन प्रस्तावले पद निस्कृय रहेका झालाई सपथ लिएपछि सक्रिय हुन दिन्छ वा दिन्न भन्ने जवाफ माग गरेपछि कानुन मन्त्री सिंहले उक्त कुरा बताए । 'परमानन्द झा अहिले सपथ ग्रहण नगरिएको उपराष्ट्रपतिको हैसियतमा हुनुहुन्छ, पारित भएपछि उपराष्ट्रपतिले सपथ लिने आशयका साथ यो बिद्येयक ल्याइएको हो' कानुनमन्त्री सिंहले भने । उनले विधेयक पारित भएपछि यसलाई अविलम्ब कार्यन्वयनमा लगिने उल्लेख गर्दै संसदले विद्येयक पास गरेर मार्ग प्रशस्त गर्ने अपेक्षा सरकारले गरेको समेत बताए । यसअघि गुप्ताले विद्यमान भाषा सम्बन्धी संविधानको संशोधन बिद्येयकले उपराष्ट्रपतिको निस्कृय पदलाई क्रियाशील गराउने नदेखिने हुँदा त्यसैलाई तत्काल फिर्ता लिइ नयाँ विधेयक प्रस्तुत गर्न आग्रह गरेका थिए । 

भारतीय सेनाप्रमुखको भनाई पछाडि लाग्न जरुरी छैनः शान्तिमन्त्री

एक सातापछि अयोग्य लडाकू निकालिने

दिनेश गौतम/बाँके (नागरिक)- 

शान्तिमन्त्री रकम चेम्जोङले माओवादी अध्यक्ष प्रचण्डलाई भारतीय सेना प्रमुख दीपक कपुरले नेपालमा सेना समायोजन गर्नु हुँदैन भनी दिएको अभिव्यक्तिको पछि नलाग्न आग्रह गरेका छन्। "कसले के भन्छ भन्दा पनि हामी के गर्छौं , त्यो महत्वपूर्ण हुन्छ,"मन्त्री चेम्जोङले थपे, " कपुरको भनाईले माओवादी सेना समायोजनमा कुनै प्रभाव पार्दैन। अरुको भनाईको पछि लाग्नु ठीक होइन।" प्रधानसेनापति छत्रमानसिंह गुरुङसितको भेटमा कपुरले नेपाली सेनामा माओवादी सेना समायोजन गर्न नहुने अभिव्यक्ति दिएको समाचार आएपछि माओवादी अध्यक्ष प्रचण्डले नयाँ बानेश्वरमा भएको सभामा आक्रोश पोखेका थिए। उनले संसदमा पनि यसबारे सरकारको आधिकारिक धारणाको माग गरेका थिए। कपुरको भनाईबारे सरकारका मन्त्रीबाट आएको यो पहिलो अभिव्यक्ति हो। मन्त्री चेम्जोङले चार महिनाभित्र सेना समायोजन गरिने जानकारी दिँदै माओवादी सेनालाई क्षमता अनुरुप केहीलाई नेपाली सेना, सशस्त्र तथा जनपदमा समायोजन गर्न सकिने बताए।

एक सातापछि नै माओवादीका अयोग्य लडाकुको बहिर्गमन कार्य शुरु हुने उनले बताए। उनले अयोग्य लडाकुलाई बाटो खर्च दिएर पठाउने तयारी भएको जानकारी दिए। सिन्धुलीको सिन्धुलीस्थित दुधौली शिविरबाट माओवादी अयोग्य लडाकुको यहिं पुस २३ गतेदेखि बहिर्गमन कार्य शुरु गरिने बताउँदै त्यसका लागि माओवादीलाई सहयोग गर्न उनले आग्रह गरे। नेपालगन्जमा मंगलबार सञ्चारकर्मीसँग कुरा गर्दै मन्त्री चेम्जोङले एक महिनाभित्र सम्पुर्ण अयोग्य लडाकुको बहिर्गमन कार्य सकिने धारणा ब्यक्त गरे। अनमिनले माओवादीका सात मुख्य शिविरमा बस्दै आएका ४ हजार ८ जनालाई लडाकुलाई अयोग्य भएको ठहर गरेको थियो। 

आजको कार्टून !

तारे होटलमा स्वदेशी तरकारी/ उत्पादन बढेपछि मूल्य घट्यो

काठमाडौ (कान्तिपुर)-

उपत्यकाका ठूला होटलको तरकारी माग स्वदेशी उत्पादनबाटै पूरा हुन थालेको छ । कृषकहरू हाइबि्रड तरकारी खेतीतर्फ आकषिर्त भएपछि होटलले तोकेको मापदण्डअनुरूपको उत्पादन स्वदेशमै हुन थालेको छ । यसले माग धान्न थालेपछि आयातित तरकारीको परिमाणसमेत घटेको छ ।  'कति परिमाणमा प्रयोग हुन्छ, त्यसको निश्चित तथ्यांक राखिएको छैन,' कालिमाटी फलफूल तथा तरकारी बजारका कार्यकारी निर्देशक तुलसीदास गौतमले भने, 'प्रायः स्वदेशी नै प्रयोग हुन्छ । केही मात्र भारत र अन्य मुलुकबाट आयात हुन्छ ।'  होटलहरूले एउटै आकार र राम्रो गुणस्तरको उत्पादन मात्र प्रयोग गर्ने भएकाले विगतमा धेरै मात्रामा तरकारी बाहिरबाट आयात हुने गथ्र्यो । हाल बाहिरी मुलुकबाट आयात हुनेमा प्याज, आलु, ठूलो टमाटर र लसुन प्रमुख छन् । यीमध्ये प्याज ९५ प्रतिशत, ठूलो टमाटर ६० प्रतिशत भारतबाट आयात हुन्छ । त्यस्तै स्वदेशी उत्पादनले अपुग भएमा भारत र भुटानबाट आलु नेपाल  भित्रन्छ । विशेष गरी साउनदेखि मंसिरसम्म भुटानको आलु प्रयोग हुने व्यापारीहरूले बताए ।

प्रचण्डलाई भेटेको दुई घन्टामै दिल्ली उडे सुद

नेत्र पन्थी/काठमाडौं (नयाँ पत्रिका)

एकीकृत माओवादीका अध्यक्ष प्रचण्डले भारतसँग वार्ता गर्न औपचारिक रूपमै पाँच एजेन्डा अघिसारेका छन् । प्रचण्डका पाँच बुँदाबारे आफ्नो सरकारको धारणा ल्याउन भारतीय राजदूत राकेश सुद आइतबार दिल्ली उडेका छन् । आइतबार अपराह्न नयाँदिल्ली प्रस्थान गर्नुअघि राजदूत सुदले नयाँबजार पुगी माओवादी अध्यक्ष प्रचण्डसँग एक घन्टा छलफल गरेका थिए । बिहान नौ बजे भेटवार्ता सकिएपछि सुद ११ बजे विमानस्थल पुगेका थिए । प्रचण्डलाई भेटको समय मिलाउन सुदले शुक्रबार फोन गरेका थिए । उनकै अनुरोधमा आइतबार बिहानको समय मिलाइएको माओवादी स्रोतले जनाएको छ । प्रचण्डलाई भेट्न सुद आइतबार बिहान आठ बजे नयाँबजार पुगेका थिए । दूध र चिनीको गिलासमा चियापत्ती (टी-ब्याग) चोपेर सुरु भएको वार्ता करिब एक घन्टा चलेको थियो ।

किष्टको 'ड्रिम प्रोजेक्ट’

प्रभात भट्टराई/काठमाडौं (नयाँ पत्रिका)

निजी क्षेत्रका वाणिज्य बैंकहरूमा शाखा र पुँजीको हिसाबले सबैभन्दा ठूलो बन्ने घोषणा गरेको किष्ट बैंकले राजधानीमा १४ तलाको प्रधान कार्यालय (कर्पोरेट अफिस) बनाउन थालेको छ । अनामनगरमा निर्माणाधीन सो कार्यालय ३० करोडको लागतमा पूरा हुने प्रबन्ध सञ्चालक कमलप्रसाद ज्ञवालीले जानकारी दिए । निजी क्षेत्रका वाणिज्य बैंकमध्ये सबैको भन्दा ठूलो प्रधान कार्यालय निर्माण गर्न लागेको उनले बताए । डेढ लाख वर्गफिट क्षेत्रफलमा सो भवन निर्माण भइरहेको हो । 'अत्याधुनिक सुविधासम्पन्न भवन निर्माण गर्न लागेका हौँ,' उनले भने, 'हाम्रो व्यवसाय विस्तार जुन गतिमा भइरहेको छ त्यसअनुसारको सुविधा प्रदान गर्न सकियोस् भन्ने हेतुले डि्रम प्रोजेक्टको रूपमा यसलाई अघि बढाइरहेका छौँ ।' प्रधान कार्यालयअन्तर्गत हुने मुख्य शाखामा २६ वटा टेलर काउन्टर हुनेछन् । गाउँगाउँसम्म शाखा पुर्‍याएर व्यवसाय विस्तार गर्दा हुने ग्राहक चाप सहज गर्न काउन्टर धेरै राख्न लागेको उनले जानकारी दिए । 'सकेसम्म कसैले पनि लाइन झेल्नु नपरोस् भन्ने हाम्रो ध्येय हो,' उनले भने ।

समुद्रपार पुर्‍याउन सकिएन

माधव घिमिरे/विराटनगर (कान्तिपुर) -

गुणस्तर, प्राविधिक कठिनाइ तथा बजारमा उत्पादकको पहुँचको कमीले नेपाली चियाले विदेशको बजारमा सन्तोषजनक पकड कायम गर्न सकेको छैन । भारततर्फ निर्यात बढे पनि बढी लाभ हुने तेस्रो मुलुकको बजार भने नेपाली उत्पादनले लिन सकेको छैन । उत्पादित चियामध्ये समुद्रपार निकासीको परिमाण वर्षेनिजस्तो घटबढ हुने गरेको छ । व्यापार प्रवर्द्धन केन्द्रका अनुसार वाषिर्क सरदर ६ लाख किलो चिया निर्यात हुने गरेको छ । आर्थिक वर्ष २०६६/६७ को पहिलो तीन महिनामा करिब ५० हजार किलो चिया समुद्रपार निर्यात भएको छ । यो गत वर्षको यही अवधिको भन्दा बढी भएको केन्द्रले जनाएको छ । नेपाली चिया आयात गर्नेमा चेक रिपब्लिक, जर्मनी, दुबई, पाकिस्तान, युएई तथा अमेरिका छन् । यसैगरी पाकिस्तान, जर्मनी र जापानले पनि नेपाली चिया लिने गरेका छन् । चियाको अन्तर्राष्ट्रिय बजार सन्तोषजनक नहुनुमा गुणस्तरका साथै केही प्राविधिक कठिनाइ पनि कारक रहेको जानकारको भनाइ छ । कृषिजन्य उत्पादनबारे काम गर्ने इन्टरनेसनल डेभलपमेन्ट इन्टरप्राइजका कार्यक्रम संयोजक चियाविज्ञ चन्द्रभूषण सुब्बाका अनुसार चियाका खरिदकर्ताले उच्च गुणस्तरको माग गर्ने तर निकासी प्रक्रियाका कारण गुणस्तर खस्कने गर्छ । अमेरिकी सहयोग नियोग -युएसएआइडी) को सहयोगमा उक्त संस्थाले कृषिजन्य उत्पादनहरूमा किसानलाई सहयोग गर्नुका साथै बजार खोजीमा सघाउने गरेको छ ।

आजको कार्टून !

दुई वर्षभित्र नेपाल डिजेलमा आत्मनिर्भर बन्ने

काठमाडौँ (नागरिक)- 

आयातित इन्धन डिजेलमाथिको निर्भरता अन्त्य गर्न युनिटी लाइफ इन्टनेशनल लिमिटेडले सजीवनबाट दुई वर्षभित्र स्वदेशमै एक अर्ब लिटर बायोडिजेल उत्पादन गर्ने भएको छ। कुनै उपभोगमा नआइ खेर गएको जमिन र सामुदायिक वन क्षेत्रको २ लाख ४० हजार हेक्टरमा सजीवन रोप्ने तयारी भइरहेको युनिटीका प्रबन्ध निर्देशक विष्णु क्षेत्रीले जानकारी दिए।  उनका अनुसार यसका लागि हाल देशका विभिन्न ठाउँको १० हजार हेक्टरमा सजीवनको बिरुवा तयार गरिएको छ। मुलुकमा हाल वार्षिक करिब ५१ करोड लिटर डिजेल खपत हुने गरेकोमा त्यति नै परिमाणमा स्वदेशमै बायोडिजेल उत्पादन गर्न सकिने बताउँदै उनले अब डिजेल हामीले खरिदबाट नभई झाडीबाट निकाल्न सक्छौँ भने। यसैबीच सो लिमिटेडले पूर्वाञ्चलस्तरीय मेडिकल कलेज निर्माण गर्न झापाको गौरादहमा २० बिघा जमिन खरिद गरिसकेको पनि बताइएको छ। 

- रासस

दार्जिलिङमा के हुँदै छ ?

भीम चापागाईं/दार्जिलिङ (नयाँ पत्रिका)

गोर्खाल्यान्ड राज्यको माग गर्दै भारतको पश्चिमबंगालमा आन्दोलनरत गोर्खा जनमुक्ति मोर्चाले 'रगत बगाएरै' भए पनि निर्धारित समयमा गोर्खाल्यान्ड ल्याएरै छोड्ने चेतावनी दिएको छ । गोर्खाल्यान्ड प्राप्तिका लागि जस्तोसुकै हिंसात्मक आन्दोलन पनि गर्न सकिने गोर्खा जनमुक्ति मोर्चाले जनाएको छ । सुरुदेखि नै आन्दोलनलाई गान्धीवादी धारबाट अगाडि बढाएको मोर्चाले अब आन्दोलन दबाउन खोजिए रगत बगाउनसमेत आफूहरू पछि नपर्ने चेतावनी दिएको हो । गोर्खाल्यान्डका विषयमा हालसम्म भएका सबैखाले वार्तार् भारत सरकारले आफूलाई भुल्याउनका लागि मात्र गरिरहेको मोर्चाको आरोप छ । राजनीतिक तहको वार्ताका लागि पटक-पटक आग्रह गर्दा पनि हालसम्म भएका चार चरणका वार्ता सचिवस्तरमा मात्रै टुंगिएपछि मोर्चाले त्यसका लागि थप दबाब दिन आगामी २६ तारिखदेखि पुनः आन्दोलनका कार्यक्रमलाई अझै सशक्त बनाउने भएको छ । २६ डिसेम्बरदेखि पहाडका सबै सरकारी कार्यालय बन्द गर्ने र आमरण अनसनमा बस्ने पनि मोर्चाले जनाएको छ । सोमबार दार्जिलिङमा भएको बहुप्रतीक्षित त्रिपक्षीय वार्ता पनि भारतीय सरकारले मोर्चालाई भुल्याउनका लागि मात्रै गरेको मोर्चाका अध्यक्ष विमल गुरुङले बताए । वार्तापछि चौरस्तामा आयोजित आमसभामा उनले 'रगतको बदला रगत नै दिइने' बताए । 'हामी रगतको बदला रगत दिन्छौँ तर बंगाल सरकारको गुलाम कदापि गर्दैनौँ,' उनले भने, 'सरकारसँग कुरा नमिले १७ मार्च २०१० सम्ममा आफैं गोर्खाल्यान्ड घोषणा गर्छौं ।'

ज्वालासिंहको कार्यसमिति विघटन

नवीन झा/काठमाडौ (कान्तिपुर) -

स्वतन्त्र तराई राज्यको माग गर्दै आएको ज्वाला सिंह नेतृत्वको जनतान्त्रिक मधेश मुक्ति टाईर्गस तराईको केन्द्रीय कार्यसमिति सहित सवैं भातृ संगठनको विघटन भएको छ । गएको ९ गते देखि ११ गते सम्म सप्तरीको अज्ञात स्थलमा बसेको केन्द्रीय सदस्यहरुको आपतकालीन बैंठकले पार्टीको सैनिक संगठन बाहेक सवैं संगठनहरु विघटन गर्ने निर्णय गरेको उक्त संगठनले जनाएको छ ।  बैंठकले अध्यक्ष ज्वालासिंहलाई सर्वमान्य नेता घोषणा गर्नुका साथैं भगत सिंहलाई पार्टीको वरिष्ठ नेताको सम्मान दिने निर्णय गरेको छ । बैंठकले अर्जुन सिंहको संयोजकत्वमा सात सदस्यीय सचिवालय समेत गठन गरेको संगठनद्धारा जारी विज्ञप्तिमा उल्लेख गरिएको छ । प्रवक्तमा क्रान्ति, आर्थिक विभागमा राघवन, ओमराय यादवलाई प्रधानसेनापति, सुभाषलाई विदेश विभाग र मनिषलाई संगठन विभागको जिम्मेवारी दिईएको प्रवक्ता क्रान्तिले कान्तिपुरलाइ बताए । पार्टीले आन्दोलनको गतिलाई अगाडी वढाउन नसकेको भन्दै पटकपटक व्यर्होदैं आएको फुटको श्रृखलालाई रोक्न आफूहरुले यस्तो कदम चालेको संयोजक अर्जुनसिंहले बताए । 'पार्टी भित्र असमझादारी को साथैं नेतृत्व पनि कमजोर देखियो' सिंहले भने 'यसलाई सामाधान गर्न हामीले यस्तो निर्णय गरेका हौं ।' बैंठकमा पार्टी अध्यक्ष ज्वालासिंहको उपस्थिति नभएपनि उनीसंग यसवारे छलफल भएको दावी क्रान्तिले गरे ।

नेपाली उत्पादनलाई भन्सार छुट दिन चीन तयार

लेखनाथ पाण्डे/काठमाडौँ (नागरिक)- 

चीनले नेपालबाट निर्यात हुने झन्डै ५ सय उत्पादन सामग्रीमा भन्सार छुट दिने भएको छ। प्रधानमन्त्री माधवकुमार नेपालसँगको भेटमा तिब्बत जनसरकार प्रमुख र कम्युनिष्ट पार्टी सचिवले नेपाली उत्पादनलाई शून्य भन्सारमा चिनियाँ बजारमा पहुँच दिने बताएका हुन्। प्रधानमन्त्री नेपालसँग तिब्बत जनसरकारका प्रमुख बा फुन्चो र तिब्बतस्थित कम्युनिष्ट पार्टीका सचिव चाङ क्विग्लीले छुट्टा-छुट्टै भेटेका थिए। उनीहरू दुवैले नेपाली उत्पादनलाई बिनाभन्सार चिनियाँ बजारमा पहुँच उपलब्ध गराउन तिब्बत प्रशासन र केन्द्र सरकार सरकार सकारात्मक भएको जानकारी गराएका थिए। 'नेपालबाट चीन निर्यात हुने ४ सय ९७ उत्पादनमा भन्सार छुट दिन हामी तयार छौं' भेटवार्तामा सहभागी ल्हासास्थित नेपाली महावाणिज्यदूत नईन्द्र उपाध्यायले फुन्सो र क्विग्लीलाई उद्यृत गर्दै नागरिकसँग टेलिफोनमा भने, 'हामी यो निर्णयमा पुग्न केन्द्र सरकार (बेइजिङ) सँग कडा परिश्रम गरिरहेका छौं। छिट्टै टुङ्गोमा पुग्नेछौ।' नेपालले उत्तरी छिमेकसँग बढ्दो ब्यापार घाटा न्यूनिकरणका लागि यहाँबाट निर्यात हुने तेल, गहुँ, मैदा, चाउचाउ, बियर, हस्तकला, निर्माण सामग्रीसहित ४ सय ९७ किसिमका उत्पादनमा भन्सार नलगाउन चीनसँग पटक-पटक आग्रह गर्दै आएको छ। यी सामग्री विशेषगरी तिब्बत हुँदै चिनियाँ बजारमा पुग्छन्।

नेपालमा पहिलोपटक स्वाइन फ्लुले मृत्यु

अतुल मिश्र/काठमाडौ (कान्तिपुर)- 

नेपालमा स्वाइन फ्लु लागेर पहिलो पटक एकजनाको मृत्यु भएको छ । चिकित्सा विज्ञान राष्ट्रिय प्रतिष्ठान वीर अस्पतालमा उपचार गराइरहेका ५५ वर्षीय व्यक्तिको मृत्यु भएको हो । स्वाइन फ्लुले जटिल निमोनिया भएर उनको मृत्यु भएको अस्पातलका प्रध्यापक डा.विजय शर्माले बताए । फ्लुले संक्रमित ति व्यक्ति आन्द्रा सम्बन्धी रोगको पनि उपचार गराइरहेका थिए । मृतकको परिचय गोप्य राखिएको छ । यसअघि स्वाइन फ्लुको संक्रमण देखिएपनि फोक्सोको जटिल समस्या देखिएका एकजनालाई भेन्टिलेटरमा राखिएको थियो । पछि उनी पूर्ण स्वस्थ्य भएका थिए । स्वाइन फ्लुले कतारमा १ र दिल्लमा १ गरी दूई जना नेपालीको यसअघि मृत्यु भइसकेको छ । दुई महिनाअघि नै सरकारले स्वाइन फ्लु समूदायमा फैलिसकेको जनाएको थियो ।  विश्व स्वास्थ्य संगठनका अनुसार विश्वव्यापी रुपमा २ सय ८ मुलुकमा प्रयोगशालाबाट प्रमाणित स्वाइन फ्लुको महामारी देखिएको छ । हालसम्म विश्वमा ११ हजार ५ सय १६ र दक्षिण एशियामा ९ सय ९० जनाको स्वाइन फ्लुबाट मृत्यु भइसकेको छ । 

तिब्बती सहयोग सामाग्री अन्यौलमा/ सरकारी अधिकारीले भाषा नबुझ्दा कठिनाइ

काठमाडौ, २०६६ पुस ८ - तिब्बतले सीमावर्ती क्षेत्रका नेपालीलाई उपलब्ध गराउने भनेको सहयोग लिन नेपाली अधिकारीहरुले तिब्बती भाषा नबुझेपछि सहयोग सामाग्री अन्यौलमा परेको छ । फोनमा संवाद गर्दा भाषा नबुझिएकाले पनि सहयोगबारे थप अन्यौल भएको नेपाली अधिकारीहरुले बताएका छन् । सोलुखुम्बुको तिब्बतसँग जोडिएको सीमावर्ती नाम्चे, खुम्जुङ र चौरीखर्क गाविसलाई तिब्बतले चिनी र नुन सहयोग उपलब्ध गराउने भएको छ । गत कात्तिक ११ गते खासामा भएको सीमावर्ती जिल्लाका प्रमुख जिल्ला अधिकारीहरुको बैठकपछि चीनको स्वशासित क्षेत्र तिब्बतले सिमा जोडिएको जिल्लालाई जिल्ला स्तरीय सहयोग गर्ने बताएको थियो । पाँचवर्षसम्म निरन्तर सहयोग गर्ने बताएको तिब्बतले सन २००९ अथार्त यो वर्षमात्र नेपाली ३६ लाख रुपैंया सहयोग गर्ने भएको प्रमुख जिल्ला अधिकारी प्रतिपराज कडेंलले जानकारी दिए । 'डिसेम्बर ३० तारिख भित्र हामीले सामान बुझिसक्नु पर्छ' उनले भने । 

दलहरुले बाँडेका पैसा ३ दिनभित्र फिर्ता गर्न अल्टिमेटम

गजेन्द्र बोहरा, दाङ पुस ८-  नगर विकास समितिको १० लाख ५६ हजार रुपैंयाँ भागबण्डा गरेका बोर्ड प्रतिनिधिलाई स्थानीय सङ्घर्ष समितिले ३ दिनभित्र सबै रकम फिर्ता गर्न समयसीमा दिएको छ। एक महिनासम्म भागबण्डा प्रकरणमा मुछिएका सबै आरोपीसँग छलफल सकेर सङ्घर्ष समितिले आरोपीलाई उक्त समयसीमा दिएको हो/दिनभित्र सबै आरोपी रकम फिर्ता गर्नका लागि सङ्घर्ष समितिमा नआए उनीहरुविरुद्ध सामाजिक बहिष्कारसम्मको आन्दोलन गर्ने समितिका संयोजक पूर्ण खनालले बताए। आरोपीहरुलाई सोधपुछ सकेर विज्ञप्ति जारी गर्दै भागबण्डा प्रकरण बाहिर ल्याउने राष्ट्रिय जनमोर्चाले नै छानविनका क्रममा सहयोग नगरेको भन्दै आपत्ति पनि जनाएको छ। 

एक महिनाअघि भालुवाङ नगर विकास समितिमा प्रतिनिधित्व गर्ने राजनीतिक दलका प्रतिनिधिले सार्वजनिक जग्गा बेचेर १० लाख ५६ हजार रुपैंयाँ आपसमा भागबण्डा गरेको तथ्य सार्वजनिक भएको थियो। नगर विकास समितिको बोर्डमा प्रतिनिधित्व गरेका राष्ट्रिय जनमोर्चाका प्रतिनिधि लालमणि शर्माले आफ्नो भागमा परेको १ लाख रुपैंयाँको बिटो सार्वजनिक गर्दै भ्रष्टाचारको तथ्य बाहिर ल्याएका हुन्।

तर अहिले भने सङ्घर्ष समितिले घटना बाहिर ल्याउने तिनै राजमो जिल्ला उपाध्यक्षसमेत रहेका लालमणि शर्माले सहयोग नगरेकोमा आपत्ति जनाएको हो। विज्ञप्तिमा नगर विकास समितिका तर्फबाट डेलिगेशन जाँदा पैसाको चाँजोपाँचो मिलाएका ऋषिराम बस्नेत र भ्रष्टाचारलाई सार्वजनिक गरेका शर्माले सङ्घर्ष समितिलाई सहयोग नगरेको आरोप लगाइएको छ। संयोजक शर्माले निकालेको विज्ञप्तिमा पटकपटकका बैठकमा शर्मा उपस्थित नभएको र त्यसबारेमा कुरै गर्न नचाहेको पनि उल्लेख छ।

यो भागबण्डा प्रकरणमा नगर विकास समितिका अध्यक्ष गोरखनाथ कशौधनलगायत् वन मन्त्रालयका सचिव र वन विभागका महानिर्देशकसम्म मुछिएका छन्। मन्त्रालयका कर्मचारीबाहेक आरोपमा मुछिएका एकीकृत नेकपा माओवादी, नेपाली कङ्ग्रेस, एमाले, फोरम तथा राप्रपाका प्रतिनिधिसँग समितिले पटकपटक सोधपुछसमेत गरेको थियो। केही दिनअघि भएको बैठकमा राष्टिय जनमोर्चाका प्रतिनिधि (भागबण्डा बाहिर ल्याउने) शर्मा पनि उपस्थित थिए। बैठकमा सबैले सार्वजनिक माफी माग्ने र रकम पनि फिर्ता गर्नेबारे कुराकानी भएको थियो तर शर्माले आफूले नै भ्रष्टाचारको काण्ड बाहिर ल्याएको भन्दै माफी नमाग्ने अडान लिएका थिए। 

माओवादीको दिल्ली साइनो

भोजराज भाट, काठमाडौं, पुस ८- माओवादी स्थायी समिति बैठकले भारतविरोधी आन्दोलन छेड्ने निर्णय गर्नु र त्यसको तीन दिनपछि अध्यक्ष पुष्पकमल दाहालले पहिलोपटक उसलाई 'विदेशी प्रभु' किटानी गर्नु संयोग मात्र थिएन। कम्युनिष्टहरू जे निर्णय गर्छन्, त्यहीमात्र बोल्छन् भन्ने परम्परागत मान्यतालाई यसले पुष्टि गरेको छ।
 पुस ४ गतेको स्थायी समिति बैठकमा माओवादी उपाध्यक्ष बाबुराम भट्टराई, वर्षमान पुनले अहिले भारतलाई 'प्रोभोक' गर्नु हुन्न भन्ने मत राखेका थिए। यद्यपि, बहुमत स्थायी समिति सदस्यका कारण भारतविरूद्ध आन्दोलन गर्ने निष्कर्ष माओवादी पुग्यो। दाहालको अभिव्यक्ति त्यसै सिलसिलामा आएको हो।

तीन दिने आमहड्तालको पूर्वसन्ध्यामा कोपेनहेगन रहेका प्रधानमन्त्री माधवकुमार नेपालले आफूलाई भारत तथा चीन सरकारको 'पूर्ण समर्थन' भएको दाबी गरेका थिए। त्यसलगत्तै भारतीय सेना प्रमुख दीपक कपुरले माओवादी लडाकूलाई नेपाली सेनामा सामुहिक समायोजन गर्न नहुने सल्लाहले माओवादीलाई भारतविरुद्ध अभियान संचालन गर्ने निर्णय गर्नुपर्ने नैतिक दबाब पर्‍यो।

तीन चरणको आन्दोलनबाट पनि माओवादी नेतृत्वमा सरकार बन्ने कुनै छाँटकाँट नदेखेपछि उनीहरूले भारतको भण्डाफोर गर्दै अनिश्चितकालिन आन्दोलनको घोषणा गरेका हुन्। भारतीय पक्षले माओवादीलाई पेलेर जानुपर्छ भन्ने निर्देशन दिएको सुइँको पाएपछि दाहाल भारतप्रति सार्वजनिक रुपमै आक्रामक अभिव्यक्ति दिएको स्रोतको दाबी छ। आमहड्तालको अन्तिम दिन दाहालले शान्तिसम्झौंता भाड्न भारतीय सेना प्रमुखले निर्देशन दिएको आरोप लगाए।

दाहालले कालापानीबाट भारतीय सेना हट्नुपर्ने, सुस्तालगायत सीमा समस्या समाधान हुनुपर्ने, सुगौली सन्धि खारेज हुनुपर्ने, नयाँ पारवाहन सन्धि हुनुपर्ने माग राखेका छन्। माओवादीका यी माग नयाँ भने होइनन्। २०५२ फागुन १ देखि जनयुद्ध थाल्नुअघि माघमा तत्कालीन प्रधानमन्त्री शेरबहादुर देउवासमक्ष राखेका ४० बुँदे मागमा एक तिहाइजति यिनै भारतविरोधी नारा थिए।

२०५२ सालपछिका घटनाक्रममा माओवादीले भारतविरोधी बेग्लाबेग्लै तुरुप देखाउँदै आए। २०५२ सालदेखि २०५७ सालसम्म उनीहरूले संसदीय पार्टी विरुद्ध कार्यक्रम लक्षित गरेका थिए। दरबार हत्याकाण्डपछि माओवादीको मुख्य एजेण्डा दरबारविरुद्ध केन्द्रित भयो। भारतमा बसेर उसकै विरोध गर्नु भौतिकरूपमा असुरक्षित हुने माओवादी हेडक्वार्टरको आँकलन थियो।

२०६० मा भारतले सिलगढीबाट मोहन वैद्य, चेन्नाइबाट सीपी गजुरेल र पटनाबाट एक दर्जन केन्द्रीय नेताहरूलाई गिरफ्तार गर्‍यो। त्यसैबेला दिल्लीमा बस्दै आएका दाहाललाई भेट्न आएका नेतात्रय मात्रिका यादव, सुरेश आलेमगर र उपेन्द्र यादवलाई पक्राउ मात्र गरेन, यादव र आलेमगरलाई नेपाल सरकारसमक्ष सुम्पियो।

सिलसिलेवार पक्राउपछि माओवादी अध्यक्ष दाहाल, बाबुराम भट्टराईसहितको हेडक्वार्टर र अन्य क्षेत्रीय हेडक्वार्टर पश्चिम पहाडतिर फर्कियो। २०६१ साउनमा रोल्पाको फुन्टिबाङ बैठकले भारतविरुद्ध सुरङ युद्ध र राष्ट्रिय मुक्ति आन्दोलन गर्ने घोषणा गर्‍यो।

माओवादीको इतिहासमा फुन्टिवाङ एक त्यस्तो वैठक हो, जसमा दाहालले राष्ट्रियताको नाममा सेनाका केही जनरलहरूको माध्यमबाट तत्कालीन राजा ज्ञानेन्द्रसँग रोल्पाको थवाङ वा अन्य कुनै सुरक्षित स्थानमा वार्ता गर्नुपर्ने धारणा राखेका थिए। दाहालको यस कुराप्रति भट्टराईले विमत्ति देखाउँदा एकअर्काले 'भारतपरस्त' र 'दरबारपरस्त' को संज्ञा गुथाए।

'माघ १९' पछि त्यो समीकरण बद्लियो, सुरूङ युद्धको कुरा एकाएक हरायो। माओवादीभित्र भारतको सहकार्यमा दलहरूसँग मिलेर मिलेर जानुपर्ने अर्को सहमति बन्यो, जो चुनवाङ बैठक नामका चिनिन्छ। चुनवाङ बैठकले राजतन्त्रको विरुद्धमा सात पार्टीसँग एकता गरेर संघर्ष गर्ने, जनआन्दोलनको बाटो अवलम्बन गर्ने, नयाँ जनवादी बाटो छोडेर संघीय लोकतान्त्रिक गणतन्त्र लाइन लिने निर्णय गर्‍यो।

युद्धकालमा भारतप्रति माओवादीको तीन प्राथमिकता थिए, पहिलो, त्यहाँका भाइचारा पार्टी, दोस्रो, साम्राज्यवादी विरोधी समाजवादी वा अन्य कम्युनिष्ट पार्टी अनि मात्र त्यहाँको शासक वर्ग। राज्य सञ्चालनमा भारतको रणनीतिक सहयोग चाहिन्छ भन्ने नीतिअन्तर्गत उनीहरूले विभिन्न सूत्रमार्फत् साउथ ब्लकसँग सम्बन्ध राख्ने नीति बनाएका थिए।

नीतिमा जेसुकै भए पनि व्यवहारतः उनीहरूले साउथ ब्लकसँगको सम्बन्धलाई मुख्य प्राथमिकतामा राखेको पाइन्छ। माओवादी र कांग्रेस आईबीच सम्बन्ध बढाउने सेतुको भूमिका भारतीय नेतृ स्व. निर्मला देशपाण्डेले खेलेकी थिइन्। शान्तिसम्झौता हुनु केही महिनाअघि निर्मलालाई भेट्न दाहाल सुटुक्क बुटवलसमेत पुगेका थिए। यही वेला दाहाल र भट्टराई भारतीय संस्थापन पक्षसँग भेटवार्ता गर्न सिलगढीसम्म पुगेका थिए।

माओवादीको भारतसँग सम्बन्धलाई समुधर गर्न त्यहाँका नेता सरद यादव, डीपी त्रिपाठी, प्राध्यापक एसडी मुनिले पनि सहयोगी भूमिका खेलेका थिए। भारतीय कम्युनिष्ट पार्टीका पोलिट्ब्यूरो सदस्य सीताराम यचुरीले त्यहाँको सरकारकै तर्फबाट माओवादी नेतृत्वसँग थुप्रै औपचारिक बैठकसमेत भएको थियो।

१२ बुदे सहमति, विस्तृत शान्तिसम्झौंतादेखि अन्तरिम संविधानसम्म भारतले 'पोजेटिभ रोल' खेलेको दाहालले विभिन्न अन्तर्वार्तामा बताएका छन्। ०६३ माघमा जब मधेश आन्दोलन चर्कियो, त्यो भारतकै इसारामा भएको माओवादी बुझाइ थियो। संघीयताको नारामा भारतले आफूविरुद्ध मधेसीलाई उक्साएको माओवादी आरोप थियो।

०६४ जेठको बुद्धनगर बैठकले मधेश आन्दोलनमा भारतको प्रत्यक्ष संलग्न भएको विश्लेषण गर्दै आन्तरिक र बाह्य राष्ट्रियताको मुद्दा दर्‍होसँग उठाउने निर्णय गर्‍यो। आन्तरिकरूपमा संघीय राज्यहरू घोषणा गर्ने र बाह्यरुपमा भारतको विरुद्ध लड्ने माओवादीको योजना थियो। माओवादीले एक मधेशको नारालाई क्रस गर्न समग्र तराईलाई विभिन्न भागमा टुक्र्याइ स्वायत्त राज्य घोषणा गर्‍यो। यही वेला उनीहरुले कोचिला राज्य घोषणा, मधेशभित्र पनि मिथिला, भोजपुरा र अवध उपराज्य छुट्टाए भने दाङदेखिको पश्चिम तराईलाई थारुवान बनाए।

०६४ साउनमा बसेको माओवादीको पाँचौ विस्तारित बैठकले पनि राष्ट्रियताको मुद्दा चर्काउने निर्णय गरेपछि पार्टीभित्र विवाद चर्किदा त्यो ओझेलमा पर्‍यो। भारतविरुद्धको नारा दस्तावेजमै सीमित भयो। सरकारमा गएपछि पोहर मंसिरमा भएको खरिपाटी राष्ट्रिय भेलाले भारतविरुद्ध संघर्ष गर्ने दस्तावेज पारित गर्‍यो, जसले तत्कालिन दाहाल सरकार र भारतबीचको सम्बन्ध चिस्याउनमा पहिलो भूमिका खेलेको थियो।

वास्तवमा खरिपाटी भेलामा दाहालले प्रस्तुत गरेको पहिलो दस्तावेजमा उनले भारतविरोधी कुनै पनि शब्द उल्लेख गरेका थिएनन्। भेलाले दाहालको दस्तावेज अस्वीकार गरेर मोहन वैद्यको दस्तावेज पनि मिश्रित गर्नुपर्ने निर्देश गरेपछि त्यसमा भारतविरोधी शब्द परेको हो। त्यसको पाँच महिना नबित्दै दाहाल सरकारले प्रधानसेनापति रुकमांगत कटवाललाई हटाउने निर्णयपछि भारत र माओवादीबीचको सम्बन्धमा खुल्लै तित्तता सुरू भयो। गत वैशाख २१ गते राजीनामा दिनेक्रममा दाहालले घुमाउरो पारामा भारतको इशारामा सत्ता गिरेको भन्दै उसलाई विदेशी प्रभुको संज्ञा दिएका थिए।

राष्ट्रपतिको 'असंवैधानिक कदम' सच्चाउनका लागि माओवादीले यसबीचमा दुई चरणमा आन्दोलन गरिसकेका छन्। तिहारलगत्तै दाहालले हङकङ र बेइजिङको भ्रमण गरेका थिए। उपाध्यक्ष वैद्य, विदेश विभाग प्रमुख कृष्णबहादुर महरासहितको त्यो भ्रमणमा चीनले माओवादीलाई राष्ट्रिय सरकार बनाउन सुझाव दिएका थिए।

नेपाली कांग्रेसका सभापति गिरिजाप्रसाद कोइरालाको सिंगापुर उपचारक्रममा दाहाल र महराले भारतीय मध्यस्ततामा वार्ता गर्न खोजेका थिए। तर भारतीय पक्षले दाहाललाई भावी प्रधानमन्त्री नबन्न सल्लाह दिएपछि उनी भारतप्रति संशकित भएका थिए। स्रोतका अनुसार, भारतले अप्रत्यक्षरुपमा बाबुरामको नाम लिएपछि पार्टीभित्रको हार्डलाइनर समूह भारतविरुद्धमा उत्रिनुपर्ने निश्कर्षमा पुगेको हो।

कम्युनिष्टका निम्ति राष्ट्रियताको मुद्दा भनेको सैद्धान्तिक र वैचारिक मुद्धा हो। तर माओवादमा भने जुन वेला भारतसँग कार्यनीतिक असन्तुलन हुन्छ, त्यतिखेर राष्ट्रियताको मुद्दा चर्काएको पाइन्छ।

आफू सत्तामा भएका बेला कालापानी, सुगौली सन्धि, सुस्ताको प्रसंग नउठाएकोमा पार्टीभित्रै दाहालको आलोचना भएको थियो।

दाहाललाई नजिकबाट चिन्नेहरू भन्छन्, उनको बोलीमा लगाम छैन। हुन पनि यसअघिका उनका अभिव्यक्तिलाई उनले पटक-पटक आफै सच्चाएका छन्। के यही बोलीमा उनी अडिग रहन्छन्? पार्टीभित्र अल्पमतमा परेका दाहालले भारतविरोधी अभिव्यक्ति दिएर आफूलाई हार्डलाईनरको कित्तामा उभ्याउन त खोजेका होइनन्? या, प्रधानमन्त्री बन्न नदिएको आक्रोशपूर्ण अभिव्यक्ति मात्र हो? यी प्रश्नहरू अनुत्तरित छन्।

दाहालले प्रधानमन्त्रीबाट राजीनामा दिएलगत्तै माओवादीलाई लिट्टे बनाउन खोजिएको आरोप लगाएका थिए। परोक्ष रूपमा उनको संकेत भारततिर थियो। पुस ४ गतेको स्थायी समिति बैठकमा भारतविरोधी कार्यक्रम सञ्चालन गर्दा सम्भावित घटनाक्रम विश्लेषण गरिएको थियो, जसमा भारतले खासै हानी पुर्‍याउन नसक्ने उनीहरूको निश्कर्ष थियो।

माओवादीको बुझाइमा भारतले उसलाई सिधै चिढ्याउन चाहँदैन। न त उसले नेपालमा आफ्ना सेना पठाई आन्तरिक हस्तक्षेप गर्न सक्ने स्थिति छ। नेपाली जनतामा पूरै भारत विरोधी मनोभाव रहेको र चीनसँग माओवादीको सम्बन्ध सुध्रिएको मूल्यांकन पनि माओवादीको छ। नेपालका माओवादीको सक्रियतामा कम्पोसा, दक्षिण एसियाली फेडेरेशन नामक संस्था गठन गर्नु भारतीय संस्थापन पक्षविरुद्धको अभिव्यक्ति थियो। किनकि, जतिखेर भारत र माओवादीबीचको सम्बन्ध चिसिन्छ, त्यतिखेर मात्र कम्पोसाका मुद्दा उठ्छन्।

भारतको उत्तर प्रदेश, विहार, पश्चिम बंगालमा त्यहाँका माओवादी गतिविधि तीब्र हुँदै जानु र नेपालीभाषीले दार्जिलिङमा गोर्खाल्याण्डको आवाज उठिरहेका बेला दाहालको अभिव्यक्ति आउनुलाई ऊ विरुद्धको अभियानका निम्ति उपयुक्त अवसरका रुपमा लिइएको हुनसक्छ। माओवादीको विश्लेषणमा, भारतीय सेनामा ठूलो मात्रा नेपाली छन्, जागिर उता खाए पनि दिल र दिमाग यतै छन्। भारतले माओवादीलाई वेवास्ता गरेपछि आक्रोशपूर्ण अभिव्यक्ति आएको एकथरिको भनाइ छ।

माओवादी कार्यकर्तामा जतिखेर ब्यापक निराश छाउँछ, त्यतिखेर हेडक्वार्टरले सनसनीपूर्ण योजना ल्याउने गरेको छ। अहिले यो तुरुप दाहालले त्यतिकै फ्याँकेका होइनन्।

आजको कार्टून !

काठमाडौ (कान्तिपुर)- 

'सरकारी तहबाट प्रस्ताव ल्याए नेपाली सेनालाई जुनसुकै बेला, जस्तोसुकै सहयोग गर्न तयार रहेको भारतीय अधिकारीहरूले बताएका छन् । सरकारमार्फत सेनालाई हरतरहले सघाउन उनीहरू तयार छन्,' 

भारतले नेपाललाई दुई अर्बभन्दा बढीको सैन्य सहयोग दिने भएको छ । प्रधानसेनापति छत्रमानसिंह गुरुङको भ्रमणका क्रममा भारतले यस्तो सहयोगको औपचारिक प्रतिबद्धता जनाएको हो । आठदिने औपचारिक भ्रमण सकेर शनिबार फर्केका सेनापतिले आइतबार सैनिक मुख्यालयमा वरिष्ठ अधिकृतहरूलाई सहयोगको भारतीय प्रतिबद्धताबारे जानकारी दिए । यता सेनापति भारतमै रहेका बेला नेपाल आएको मेजर जनरल जिया जियाओनिङको नेतृत्वको सात सदस्यीय चिनियाँ सेनाको प्रतिनिधिमण्डलले पहिले सहमति भएर रोकिएको सहित ४१ करोड रुपैयाँ बराबरको सैन्य सहयोग दिने घोषणा गरेको थियो । 

उपत्यकाका पाँच स्थानमा फ्लाई ओभर

विज्ञान अधिकारी/काठमाडौं (नागरिक)- 

सरकारले उपत्यकाको सवारी व्यवस्थापनको लागि पाँच वटा फ्लाई ओभर(सवारी चल्ने सडक) निर्माण गर्ने भएको छ। उपत्यकामा बढ्दो सवारी साधन र ट्राफिक जामले हैरानी भएपछि सरकारले उपत्यका विभिन्न व्यस्त सडकमा फ्लाई ओभर निर्माण गर्न लागेको हो। 'हामी आफ्नै स्रोतबाट पाँच वटा फ्लाई ओभर निर्माणको तयारीमा छौ,' भौतिक योजना तथा निर्माण मन्त्रालयका सहसचिव तुलसी प्रसाद सिटौलाले नागरिकसँग भने, 'यसका लागि विभिन्न क्षेत्रको सम्भाब्यता अध्ययन गर्दछौ। उनका अनुसार यही वर्ष फ्लाइ ओभर निर्माणको सम्भाब्यता अध्ययन हुनेछ। मन्त्रालयका अनुसार आठ वटा स्थानमा सम्भाब्यता अध्ययन गरिने र पहिलो चरणमा पाँच वटा मात्र निर्माण गरिनेछ। सिटौलाले सवारी व्यवस्थापनको लागि फ्लाई ओभर आवश्यक भइसकेकोले आगामी वर्षदेखि निर्माण सुरु हुने जानकारी दिए।

मधेस एक प्रदेश नभए नयाँ संविधान नमान्ने चेतावनी

नेपालगन्ज (नयाँ पत्रिका)

मधेसी जनअधिकार फोरम नेपालले समग्र मधेस एक प्रदेश माग सम्बोधन नभए नयाँ संविधान नमान्ने चेतावनी दिएको छ । फोरम अध्यक्ष उपेन्द्र यादवले आफ्नो माग पूरा नभए मुलुक विखण्डनमा जान चेतावनी दिँदै त्यस्तो संविधान बहिष्कार गर्ने चेतावनी दिएका हुन् । एकीकृत माओवादीले आफूखुसी स्वायत्त राज्य घोषणा गर्नु असंवैधानिक भएको टिप्पणीसमेत नेता यादवको थियो । आइतबार फोरम बाँकेले आयोजना गरेको पत्रकार सम्मेलनमा नेता यादवले मधेसमा ९८ र मुलुकभरि एक सय २५ जातिको बसोवास रहेको भन्दै जातजातिका नाममा गणराज्य घोषणा गर्नु मुख्र्याइँ रहेको दाबी गरे । नेता यादवले माओवादीले गणराज्य घोषणा गरेर मुठभेड गराउन खोजेको आरोप पनि लगाए । माओवादीले बाँके, बर्दिया, दाङ, कञ्चनपुर र कैलालीलाई थारुवन गणराज्य घोषणा गरेपछि फोरमका केन्द्रीय नेता यस क्षेत्रमा दैनिकजसो कार्यक्रम गरी त्यसको विरोध गरिरहेका छन् । 'गणराज्यबारे राजनीतिक सहमतिबाट समस्याको छिनोफानो गर्न सकिन्छ,' अध्यक्ष यादवले भने, 'तर माओवादी आफूखुसी गणराज्य घोषणा गर्दै हिँडिरहेको छ ।'

आन्दोलन नजिते संविधानसभा भंग हुन्छ: भट्टराई

काठमाडौँ (नागरिक)-

एकीकृत नेकपा माओवादीका उपाध्यक्ष बाबुराम भट्टराईले अहिलेको आन्दोलन जसरी पनि जित्नुपर्ने बताएका छन्। संविधानसभा भंग गर्ने षड्यन्त्रमा दलहरु लागेको आरोप लगाउँदै उनले आन्दोलन नजिते संविधानसभा भंग हुने ठोकुवा गरे। 'यो आन्दोलन हामीले जितनौं भने संविधानसभा भंग हुनेवाला छ', नयाँ वानेश्वरको कोणसभालाई सम्बोधन गर्दै भट्टराईले भने, 'त्यसैले यो संघर्ष हामीले जित्नैपर्छ।' हड्तालको पहिलो दिन तनावग्रस्त बनेको नयाँ बानेश्वरमा माओवादीले सोमबार कोणसभा आयोजना गरेको हो। सभालाई सम्बोधन गर्दै नेता भट्टराईले राष्ट्रिय सरकार अहिलेको आवश्यकता भएको बताए। '१४ जेठसम्म संविधान निर्माण राष्ट्रपति शासनको षड्यन्त्र हुँदैछ' भट्टराईले चेतावनी दिँदै भने- '१४ जेठमा संविधानसभा भंग भए सरकार र राष्ट्रपति पनि त्यतिबेलै सकिनेछन्, त्यसपछि जनताले सडकबाट संविधान जारी गर्नेछन्।'

आजको कार्टून !

जातीय युद्ध निम्त्याएको मन्त्री श्रेष्ठको आरोप

भक्तपुर (नयाँ पत्रिका)

सामान्य प्रशासनमन्त्री रवीन्द्र श्रेष्ठले जातीय आधारमा स्वायत्त गणराज्य घोषणा गर्ने अधिकार एकीकृत माओवादीलाई कसैले नदिएको बताएका छन् । एमाले बागेश्वरी गाउँ अधिवेशन उद्घाटनमा उनले गणराज्य घोषणा गर्ने अधिकार संविधानसभालाई मात्र भएको बताए । संविधानसभाबाहेक अरूलाई गणराज्य घोषणा गर्ने अधिकार कसैमा नभएको उनको दाबी थियो । मन्त्री श्रेष्ठले माओवादीले शान्तिसम्झौता, कानुन र संविधानसभालाई समेत मिचेर गणराज्य घोषणा गरेको आरोपसमेत लगाए ।माओवादीले जातीय गणराज्य घोषणा गरेर जातीय युद्ध निम्त्याएको उनले बताए । माओवादीले निम्त्याएको जातीय युद्धको भुमरीमा ऊ आफैँ फस्ने मन्त्री श्रेष्ठको भनाइ थियो । मन्त्री श्रेष्ठले सरकारले दिएको सम्पूर्ण सुरक्षा प्रयोग गरेर प्रचण्ड संविधानसभाविरुद्ध लागेको बताउँदै उनले शान्तिको बाटोमा आउनुपर्ने कि क्रान्तिको बाटो रोजेर फेरि जंगल जानुपर्ने बताए । सरकारी र व्यक्तिको जग्गा कब्जा गरेर सुकुम्बासीको नाममा माओवादीले जग्गा बाँडेर गैरकानुनी कार्य गरेको उनको आरोप छ ।

बन्द अराजक ठाउँठाउँमा आगजनी र तोडफोड

झडपमा घाइते भएका डीएसपी दीलिप चौधरीको अवस्था चिन्ताजनक

काठमाडौं (दैनिकी)

माओवादीको तीन दिने आमहड्तालको पहिलो दिन ठाउँठाउँमा झडप भएको छ । माओवादी कार्यकर्ताहरुले बन्दको अवज्ञा गरेको भन्दै देशका विभिन्न स्थामा सवारीमाथि तोडफोड गरेका छन् भने केही जलाइदिएका छन्। काठमाडौंको बानेश्वरमा माओवादी कार्यकर्ता र प्रहरीबीच झडप हुँदा प्रहरी नायव उपरीक्षक दिलिप चौधरी सभासद यशोदा सुवेदीसहित केही प्रहरी र प्रदर्शनकारी गम्भीर घाइते भएका छन्। घाइते डीएसपी चौधरीको अवस्था चिन्ताजनक छ । नयाँ बानेश्वरमा करिब तीन घण्टा झडप भएको थियो। झडपमा घाइते भएका डीएसपी दीलिप चौधरीको अवस्था चिन्ताजनक छ। नयाँ बानेश्वरमा झडपका क्रममा लडेपछि प्रदर्शनकारीहरुले घेरेर उनलाई कुटपिट गरेका थिए। चौधरी कै कमान्डमा रहेको प्रहरीले दोस्रो चरणको आन्दोलनका क्रममा सिंहदरबार घेराउ गर्ने क्रममा हनुमानथान नजिक प्रदर्शनकारीमाथि बल प्रयोग गरेको भन्दै माओवादी पत्रिका जनदिशाले उनको नाम पनि ‘जनताको निगरानीमा’ भनी छापेको थियो।

संविधानसभा विघटन भए बन्दूक हुनेले शासन गर्छ

काठमाडौ (कान्तिपुर) - 

माओवादी उपाध्यक्ष बावुराम भट्टराईले संविधानसभा विघटन भए मुलुकमा बैधानिक संस्था समाप्त हुने भन्दै त्यसपछि बन्दूक हुनेहरुले शासन गर्ने बताएका छन् । उनले जेठ १४ गते संविधानसभाको अस्तित्व समाप्त पारेर दलहरुले राष्ट्रपति मात्र बैधानिक संस्थाको रुपमा रहन्छन भनि गरेको प्रचार भ्रामक भएको टिप्पणी गरे । 'बैधानिक ढंगले राष्ट्रपति शासन लागू गर्न अहिलेको संविधानले नदिने भएकाले उहाँहरुले जेठ १४ गते संविधानसभालाई मर्न दिने र त्यसपछि कु गर्ने अनि त्यो अवस्थामा राष्ट्रपतिमात्र बैधानिक संस्था रहन्छन भन्ने भ्रामक प्रचार गरिरहनुभएको छ ।' रेडियो कान्तिपुरलाई आइतबार दिएको अन्र्तवार्तामा उनले भने, 'संविधानसभा विघटन भए राष्ट्रपति पनि रहदैनन । यहाँ बैधानिक संस्था भन्ने केही हुदैन । देश पूरै अराजकतातिर जान्छ । जसको शक्ति उसको भक्ति भनेजस्तै जसको हातमा बन्दुक छ । त्यसैले यहाँ शासन गर्छ ।'

लगानीकर्ता कल्याणकारी कोषको स्थापना हुने

रोशन अधिकारी/काठमाडौ (कान्तिपुर)-

सेयर बजारमा सूचीकृत विभिन्न कम्पनीमा दाबी नपरेको लाभांशको रकम जम्मा गरेर लगानीकर्ता कल्याणकारी कोष स्थापना हुने भएको छ । सेयर बजार प्रवर्द्धनका लागि गठन गरिने उक्त कोषबारे धितोपत्र बोर्डले अध्ययन थालेको छ 'प्रारम्भिक चरणमा बैठक भएको हो,' बोर्ड अध्यक्ष सुरवीर पौडेलले भने, 'अध्ययनको काम भैरहेको छ ।' कम्पनीहरूले लगानीकर्तालाई दिएको लाभांशमध्ये दाबी नपरेका सबै रकम बैंकमा ठूलो मात्रामा जम्मा हुँदै आएको छ । कति रकम छ भन्ने यकिन भने छैन । 'त्यो पनि अध्ययन गर्नुपर्छ,' पौडेलले भने, 'त्यसै भन्न सकिँदैन ।' कम्पनीले सबै लगानीकर्तालाई लाभांश वितरण गरे पनि कतिपयले सूचना नपाएर वा अन्य कारणबाट यस्तो रकम बैंकमै जम्मा हुने गरेको हो । कम्पनी ऐनमा यस प्रकारको कोषको व्यवस्था छ । लाभांश वितरण भएको ५ वर्षम्म कसैले दाबी नगरे त्यो कोषमा राख्ने व्यवस्था ऐनमा छ । कोष व्यवस्थापन तथा सञ्चालन गर्न रजिस्ट्रार, धितोपत्र बोर्डको अध्यक्ष वा प्रतिनिधि र धितोपत्र बजार सञ्चालन गर्नेमध्येबाट धितोपत्र बोर्डले नियुक्त गरेको एकजना प्रतिनिधि हुनुपर्छ । 

आजको कार्टून !

यही सरकारलाई पूर्ण समर्थन छः भारतीय प्रधानमन्त्री

एकराज पाठक/कोपनहेगन (नागरिक)- 

प्रमुख प्रतिपक्षी दल माओवादीसँग वार्ताको माध्यमबाट सहमति कायम गरी मिलेर जानुपर्ने सुझाव डा. सिंहले दिएको र राष्ट्रिय राजनीतिक सहमतिका लागि आˆनो सरकारमार्फत् नेपालले गरेका प्रयासहरुको जानकारी डा. सिंहलाई गराएको पनि प्रधानमन्त्री नेपालले जानकारी दिए । 

भारतीय प्रधानमन्त्री डा.मनमोहन सिंहले प्रधानमन्त्री माधवकुमार नेपालको वर्तमान सरकारलाई नै भारतको पूर्ण समर्थन रहेको र यही सरकारले नेपालमा शान्ति प्रक्रियालाई निश्कर्षमा पुर्‍याई निर्धारित समयमै नयाँ संविधान निर्माण गर्ने आशा व्यक्त गरेका छन् । जलवायु परिवर्तनसम्बन्धी विश्व सम्मेलनमा सहभागी हुन शुक्रबारमात्र यहाँ आएका डा.सिंहले प्रधानमन्त्री नेपालसँगको भेटमा नेपालको यही सरकारले नै नेपाली जनताको इच्छाबमोजिम नयाँ संविधान निर्माणको काम गर्ने अपेक्षा गरेका थिए । 'तपाईंजस्तो सक्षम व्यक्ति प्रधानमन्त्री रहेकोले नेपालका सबै राजनीतिक पार्टी एवम्ं पक्षलाई मिलाएर लानुहुन्छ र सार्थकरुपमा राजनीतिक निकास दिने काममा पूर्ण सफल हुनुहुन्छ भन्नेमा हामी विश्वस्त छौ' भेटपछि डा. सिंहको भनाइ उद्धृत गर्दै प्रधानमन्त्री नेपालले पत्रकारहरुसँग भने । नेपाली जनताको इच्छाबमोजिम नेपालको स्थायित्व एवम् विकासका लागि जे जस्तो सहयोग गर्न पनि भारत सरकार तत्पर रहेको प्रतिबद्धता सिंहले व्यक्त गरेको जानकारी पनि प्रधानमन्त्री नेपालले दिए ।

नेपाल एकीकरण गर्दाको मुख्य किल्ला सर्वसाधारणका लागि खुला

डडेल्धुरा (नागरिक)- 

नेपाल एकीकरणका क्रममा अमर सिंह थापाले स्थापना गरेको प्रमुख प्रशासकीय किल्ला अमरगढी सर्वसाधारणका लागि खुला गरिएको छ। सशस्त्र द्वन्द्वको बेला नेपाली सेनाले सुरक्षाको कारण देखाउँदै किल्लामा सर्वसाधारणलाई प्रवेश रोकेको थियो। बृहत् शान्ति सम्झौतापश्चात् स्थानीयवासीहरुको दवाबका कारण जिल्लास्थित सर्वदलीय संयन्त्र, अमरगढी नगरपालिका, स्थानीय प्रशासन र नेपाली सेनासँगको छलफलपछि किल्ला खुला गर्ने निणर्य भएको हो। प्रजातन्त्रको पुनःस्थापनापश्चात् २०५४ सालमा यस किल्लाको नामबाट अमरगढी नगरपालिका घोषणा गरी एक वर्षसम्म यस किल्लामा पुर्णरुपमा प्रवेश खुल्ला गर्दै नेपाली सेनालाई हटाइएको थियो। २०५७ सालदेखि पुनः प्रवेश निषेध गरी नेपाली सेनालाई खटाइएको थियो। किल्ला प्रवेश खुल्ला गराइएपछि ऐतिहासिक तथा पुरातात्विक स्थलको प्रचारप्रसार भई भावी पुस्ताका लागि मार्ग प्रशस्त हुने समाजसेवी नरबहादुर विष्टले बताए।

'मिथिला राज्यको माग जायज'

श्यामसुन्दर शशि/काठमाडौ (कान्तिपुर)-

माओवादी उपाध्यक्ष बावुराम भट्टराईले स्थानीयवासीहरुले उठाउँदै आएको स्वायत मिथिला राज्यको मांग जायज रहेको बताएका छन् । शनिवार विहान जनकपुरमा आयोजित पत्रकार सम्मेलनमा उनले भने-'मिथिला यस मुलुककै सबभन्दा पुरानो संस्कृति हो । स्वायत्त मिथिला राज्यको मांग उचित र तर्कसंगत हो ।' शुक्रवार विभिन्न राजनीतिक दल तथा संघ संस्थाहरुको विरोधको बीच डा.भट्टराईले स्वायत मधेस राज्यको घोषणा गरेका थिए । मधेसी जनअधिकार फोरम लोकतान्त्रिकले त्यतिवेलै समग्र मधेस एक स्वायत प्रदेशको घोषणा गरेको थियो भने मिथिला राज्य स्थापना संघर्षसमितीले स्वायत मिथिला राज्य घोषणा हुनु पर्ने मांग गरेका थिए । उनले माओवादीले गरेको गणराज्यको घोषणा सांकेतिक र दवावमुलकमात्र भएको बताए । उनले भने, 'मैथिल जनताले चाहेमा स्वायत्त मिथिला राज्यको पक्षमै हाम्रो पार्टी पनि हुनेछ ।'

आजको कार्टून !

प्रधानमन्त्रीको मस्ती, अरूलाई सास्ती

सुशील भट्टराई/काठमाडौं (नागरिक)- 

प्रधानमन्त्री माधवकुमार नेपाललाई लिएर कोपनहेगन जान लागेको थाई एयरवेजको जहाज गत सोमबार दिउँसो ५० मिनेट ढिला उड्यो। प्रधानमन्त्रीकै कारण थाइ उडान ढिलो भयो। यसले त्यस दिन अधिकांश उडान र अवतरण प्रभावित भए। केही अन्तर्राष्ट्रिय उडान 'डाइभर्ट' गरिए भने केही आन्तरिक उडान रद्द गरिए। दिउँसोका कतिपय उडान राति अबेरसम्म भइरहेका थिए। यसअघि 'भिभिआइपी उडान' हुँदा आधा वा पौने घन्टामात्र उडान रोकिन्थ्यो। यसपालि विमानस्थल व्यवस्थापनले दुई घन्टा उडान रोकेको आन्तरिक वायुसेवा सञ्चालकहरूले बताए।

हुलै बाँधेर भन्सार छलिन् आइजिपीकी श्रीमतीले

मोहन भट्टराई/विराटनगर (नयाँ पत्रिका)

अर्थ मन्त्रालयका राजस्व सचिव कृष्णहरि बास्कोटाले विराटनगरमा पत्रकार सम्मेलन गरी सरकारी कर्मचारी र उनका परिवारले भारतको बजारमा कुनै पनि सामान खरिद गरेको पाइए कारबाही गर्ने ठोकुवा गरिरहेकै बेला नेपाल प्रहरीका आइजिपी रमेश चन्द ठकुरीकी श्रीमतीले पारिवारिक दलबलसहित भारतीय बजार जोगबनीबाट हजारौँका सामान खरिद गरेकी छन्, अचम्म नै हो- उनले एक रुपैयाँ पनि राजस्व तिरेकी छैनन् । आइजिपी ठकुरीकी श्रीमती देविना चन्दले भारतीय बजारबाट हजारौँ मूल्यबराबरका सरसामान खरिद गरी काठमाडौं फर्केकी छन् । प्रहरी परिवार महिला संघकी अध्यक्षसमेत रहेकी चन्दले नेपाल सरकारको ना१झ ८४१ र बा६च ८९१९ नम्बरको पजेरो गाडी लिएर भारतीय बजारबाट सामान खरिद गरेकी हुन् ।

प्रधानमन्त्री र हिलारी भेटवार्ता आज/भियतनामले दूतावास खोल्ने

अब्दुल्लाह मियाँ/कोपनहेगन (कान्तिपुर)- 

प्रधानमन्त्री माधवकुमार नेपाल र अमेरिकी विदेशमन्त्री हिलारी क्लिन्टनबीच शुक्रबार भेटवार्ता हुंदैछ । विहीवार सांझ भेटको समय तय गरिएपनि जलवायु परिवर्तनसम्वन्धि सम्मेलनमा युरोपियन युनियन (इयु) संगको छलफल लम्बिएपछि भेटवार्ता सारिएको प्रधानमन्त्रीका विदेश मामिला सल्लाहकार राजन भट्टराईले जानकारी दिए । प्रधानमन्त्री नेपालले विहीवार भियतनामका प्रधानमन्त्री, नर्वेका वातवारण र अन्तराष्टिय विकास र डेनमार्कका विकास सहयोगमन्त्रीसंग छुट्टाछुट्टै भेटवार्ता गरेका थिए ।  जलवायु परिवर्तनसम्वन्धि विश्व सम्मेलनलाई सम्वोधन गर्न प्रधानमन्त्री नेपाल मंगलवार कोपनहेगन आएका थिए । उनी शनिवार स्वदेश र्फकने कार्यक्रम छ ।  भेटका क्रममा भियतनामले छिट्टै नेपालमा दूतावास स्थापना गर्ने जानकारी गराएको छ । प्रधामन्त्री नेपाल र समकक्षी ङुएन टान डुङवीच भएको भेटवार्तामा उक्त जानकारी दिएको हो । 

कोइरालाले दाहालाई भने- आन्दोलन छाड्नोस्

काठमाडौँ (नागरिक)- 

माओवादीले आह्वान गरेको आम हड्ताल मिति नजिकिँदै गर्दा कांग्रेस सभापति गिरिजाप्रसाद कोइरालाले एनेकपा माओवादी अध्यक्ष पुष्पकमल दाहाललाई आन्दोलन छाड्न आग्रह गरेका छन्। मुलुक शान्ति प्रक्रिया बिथोलिने र संविधान नबन्ने दिशातर्फ गइरहेकोमा गम्भीर चिन्ता जनाउँदै कोइरालाले दाहाललाई भने 'अहिलेको समय आन्दोलनको हैन, आन्दोलन छोड्नोस्।' माओवादीले चौथो चरणको आन्दोलनमा शिविरभित्रका लडाकू बाहिर निकाल्ने बताइरहेकै बेला कोइरालाले मुलुक शान्ति प्रक्रिया बिथोलिने र संविधान नबन्ने दिशातर्फ लागेकोमा चिन्ता जनाएका हुन्। मुलुकको समसामयिक राजनीतिक अवस्था बारे छलफल गर्न कोइराला निवास पुगेका माओवादी अध्यक्ष दाहाल कोइरालाको भनाइप्रति गम्भीर बनेका थिए। आधा घण्टा बढी चलेको छलफलमा अध्यक्ष दाहालले आफ्नो पार्टीले उठाएका सामान्य मुद्दाहरुलाई सम्बोधन गरिदिन कोइरालासमक्ष आग्रह गरेका थिए। 'राष्ट्रपतिको कदम बारे हामीले उठाएका सामान्य मुद्दालाई कुनै न कुनै ढंगबाट सम्बोधन गरिदिनु पर्यो' दाहालको भनाइ उदृत गर्दै दुई नेताको बैठकमा सहभागी कांग्रेस केन्द्रीय सदस्य कृष्ण सिटौलाले भने- 'उहाँले पार्टीका साथीहरुसँग बसेर कुरा गर्छु भन्नु भएको छ।'

आजको कार्टून !

सेनालाई सहयोग गर्न भारत र चीनको होडबाजी

भोजराज भाट/ काठमाडौं (नागरिक)- 

छिमेकी मुलुक भारत तथा चीनबीच नेपाली सुरक्षा निकायलाई सैन्य सहयोग गर्ने होडबाजी चलेको छ। पछिल्लो दुई महिनायता चीन र भारतका झन्डै आधा दर्जन प्रतिनिधिमण्डलले नेपाली सुरक्षाका चार वटै अंगलाई विभिन्नतवरमा सहयोग गर्ने प्रतिवद्धता जनाएका छन्। बुधबार मात्रै चीनले नेपाली सेनालाई आगामी पाँच वर्षभित्र ३० करोड ५२ लाख रूपैयाँ बराबरको सैनिक सहयोग दिने भएको छ। 0चिनियाँ जनमुक्ति सेनाका मेजर जनरल जाई जियाओनिङ र नेपाली सेनाका व्यवस्था तथा युद्धकार्य महानिर्देशक गौरवसमशेर जबराले बुधबार सम्झौतापत्रमा हस्ताक्षर गरेका छन्। सहयोग रकममध्ये २० करोड रूपैयाँजतिको सैनिक विकास निर्माण कार्यमा संलग्न सामग्री दिने सहमति भएको छ। मेजर जनरल जियाओनिङको नेतृत्वमा मंगलबार नेपाल भ्रमणमा आएको सात सदस्यीय टोलीले बुधबार विहान रक्षामन्त्री विद्यादेवी भण्डारी र रक्षासचिव नवीनकुमार घिमिरेसँग शिष्टाचार भेटघाट गरेको थियो। भेटमा चिनियाँ टोलीले पूर्व सरकारलाई दिने भनेको १० करोड बराबरको सैन्य सहयोग एक महिनाभित्रै उपलब्ध गराउने प्रतिबद्धता जनाएको छ।

माओवादी लडाकु रित्तो हात घर फर्किने

काठमाडौं (नया पत्रिका)-

माओवादी जनसेनाका शिविरमा रहेका अयोग्य लडाकुलाई समाजमा पुनस्र्थापना गर्न दाताहरूले ८० करोड दिएका छन् । तर, लडाकुलाई एक रुपैयाँ पनि नदिई घर पठाउन सरकार, माओवादी र राष्ट्रसंघीय निकाय सहमत भएका छन् ।  तीन वर्षदेखि शिविरमा रहेका चार हजार लडाकुलाई खाली हात घर पठाउन तीन पक्ष सहमत भएका हुन् । सहमतिअनुसार बिदाइ हुने सदस्यहरूलाई बसपार्कसम्म पुर्‍याउने तथा घरसम्म पुग्न सुरक्षा-भत्ता उपलब्ध गराइनेछ । २७ डिसेम्बर -१२ पुस देखि अयोग्य लडाकुलाई ४० दिनभित्र घर पठाउने कार्ययोजनामा राष्ट्रसंघका प्रतिनिधिको मध्यस्थतामा सरकार र माओवादी प्रतिनिधिले बुधबार हस्ताक्षर गरेका हुन् । 'संयुक्त राष्ट्रसंघको नेतृत्वमा सन् २००७ मा सम्पन्न प्रमाणीकरण प्रक्रियामा योग्य नठहरिएका माओवादी सेनाका सदस्यहरूको बिदाइका लागि नेपाल सरकार, माओवादी र संयुक्त राष्ट्रसंघबीच कार्ययोजनामा' हस्ताक्षर भएपछि ती लडाकु घर र्फकने निश्चित भएको हो । स्रोतका अनुसार माओवादी आफ्नो योजनाअनुसार १८ वर्ष पुगेका लडाकुलाई घरपरिवार वा संगठनमा पुनस्र्थापना गर्ने भूमिका खेल्न सहमत भएको छ । त्यस्तै, सरकारले उसको योजनामा सहमत भएर आउने लडाकुलाई सहयोग गर्ने र राष्ट्रसंघीय निकायले ८० करोडको प्याकेज खुला राख्ने आन्तरिक सहमतिपछि कार्ययोजनामा हस्ताक्षर भएको हो । 

प्रधानमन्त्री भेटघाटमा ब्यस्त/ओबामा र मनमोहन आज आउने

अब्दुल्लाह मियाँ/कोपनहेगन (कान्तिपुर)- 

प्रधामन्त्री माधवकुमार नेपाल र नर्वेका अन्तराष्ट्रिय विकास र वातावरणमन्त्री इरिक सोल्हेमवीच बिहीबार यहाँ भेटवार्ता भएको छ । प्रधानमन्त्री बसेको होटल कोङ अर्थरमा भएको भेट वार्तामा शान्ति प्रक्रियालाई निष्कर्षम पुर्‍याउन नर्वेले सक्दो सहयोग गर्ने बताएको प्रधानमन्त्रीका विदेश मामिला सल्लाहकार राजन भट्टराईले जानकारी दिए । इरिकले नेपालको वर्तमान राजनीतिक परिस्थितिबारे चासो राखेका थिए । उनले नर्वे नेपालमा दिगो शान्ति स्थापना भएको हेर्न चाहेको प्रधानमन्त्रीलाई बताएका थिए ।  आजै बेलुकी पौने ६ बजे प्रधानमन्त्री नेपाल र अमेरीकी परराष्ट्रमन्त्री हिलारी क्लिन्टनबीच पनि भेटवार्ता हुँदैछ । त्यस्तै, मलेशियाली र भियतनामका प्रधानमन्त्रीका साथै डेनमार्कका विकास सहयोगमन्त्रीसँग पनि आजै छलफल हुने सल्लाहकार भट्टराईले जानकारी दिए । आजै बेलुकी डेनमार्ककी रानीले आयोजना गर्ने रात्रीभोजमा प्रधानमन्त्री सहभागी हुने कार्यक्रम छ । 

विशेष राहत कोटाको चामल सदरमुकाममै वितरण

वीरबहादुर गिरी/जाजरकोट (नयाँ पत्रिका)-

जिल्लाका भोकमरीपीडित सर्वसाधारणलाई सरकारले उपलब्ध गराउँदै आएको विशेष राहत कोटाको चामल सदरमुकाम खलंगामै बिक्रीवितरण हँुदै आएको छ । गाउँका डिपोमा पुर्‍याउने गरी ल्याइएको चामल सदरमुकाम-वरपरका बजारमा बिक्री गरिँदै आएको हो । जिल्ला आउनुपर्ने ७ हजार ५ सय क्विन्टल चामलमध्ये ६ हजार ५ सय क्विन्टल मात्र उपलब्ध भएको थियो । भोकमरी प्रभावित क्षेत्रका ४ स्थायी र ८ अस्थायी डिपोमा कोटा चामल ढुवानी गर्न खाद्य संस्थान शाखा कार्यालयले ४ दर्जन स्थानीय व्यक्ति तथा राजनीतिक कार्यकर्ता खटाएको थियो । ढुवानी जिम्मा लिएका ती व्यक्तिले सम्बन्धित ठाउँमा चामल नपुर्‍याई कागजी रूपमा मिलाएर १ करोडभन्दा बढी रकम भुक्तानी लिइसकेका छन् । ठेकेदारले चामल सम्बन्धित ठाउँमा नपुर्‍याएर सदरमुकामलगायत आफूअनुकूल स्थानमा बेच्ने गरेका छन् । सदरमुकामका व्यापारीले ठेकेदारबाट चामल सस्तो मूल्यमा खरिद गरी बजारमा बिक्री गर्दै आएको सर्वसाधारणको गुनासो छ । सोना मनसुली चामल मूल्य प्रतिक्विन्टल २ हजारसम्ममा खरिद गरेको शान्ति चौताराका एक व्यापारीले बताए । अहिले सो चामल सदरमुकामको शान्ति चौतारा, रानागाउँ र खलंगाबाहिर खोलेपुज्न, थलह, मोर्कलगायत बजारमा बिक्रीका लागि राखिएको स्थानीय टोपबहादुर थापाको दाबी छ ।

आजको कार्टून !

भारतीय प्रहरीले गल्ती स्विकारे

भैरहवा (नयाँ पत्रिका)

नेपाली प्रहरी र सर्वसाधारणमाथि कुटपिट गर्ने भारतीय सीमा सुरक्षाबल एसएसबीले गल्ती स्विकारेको छ । सोमबार साँझदेखि तनावग्रस्त बनेको रूपन्देहीको सीमा-नाका कुटपिटमा संलग्नलाई कारबाही गर्न भारतीय पक्ष तयार भएपछि मंगलबार दिउँसोबाट सामान्य बनेको छ । भारतीय सीमा सुरक्षा बल -एसएसबी) ले सोमबार नेपाली भूमिमा आएर गर्भवती महिलासहित नेपाल प्रहरीलाई समेत कुटपिट गरेको थियो । त्यसको विरोधमा भएको प्रदर्शनका कारण सोमबार साँझ पाँच बजेदेखि रूपन्देहीको बेलहिया नाका तनावग्रस्त बनेको हो ।  नेपालका सुरक्षा अधिकारी, नागरिक समाज, स्थानीय राजनीतिक दल र भारतीय सुरक्षा अधिकारी तथा सुनौली व्यापारमण्डलका पदाधिकारीबीच सम्पन्न बैठकले घटनामा संलग्नलाई कारबाही गर्ने निर्णय भएको छ । बैठकले आगामी दिनमा यस प्रकारका घटना हुन नदिनका लागि दुवै देशका प्रतिनिधि सम्मिलित १४ सदस्यीय समितिसमेत गठन गरेको छ ।

सेनालाई चीनले ३० करोड ५२ लाख सहयोग गर्ने

काठमाडौँ (नागरिक)- 

चीन सरकारले नेपाली सेनाको क्षमता अभिवृद्धि गर्न ३० करोड ५२ लाख रुपैयाँ सहयोग गर्ने भएको छ। चिनियाँ रक्षामन्त्रालयका तर्फबाट जिया जाइकोलिङको नेतृत्वमा आएको छ सदस्यीय टोलीले बुधबार बिहान रक्षामन्त्री विद्यादेवी भण्डारी र रक्षा सचिव नवीनकुमार घिमिरेसितको भेटमा यस्तो प्रतिवद्धता जनाएका हुन्। भेटमा तत्कालीन रक्षामन्त्री रामबहादुर थापाको चीन भ्रमणमा क्रममा चीन सरकारले गर्ने भनेको १ अर्ब ९० करोड रुपैयाँ सहयोगको प्रतिवद्धतालाई एक महिनाभित्र कार्यान्वयन गर्ने आश्वासन चिनियाँ टोलीले दिएको छ। यस्तो सहयोग विकास निर्माण सम्बन्धी क्षेत्रमा खर्च हुने रक्षा सचिव घिमिरेले 'नागरिक'लाई बताए। भेटमा चिनियाँ पक्षले सीमा क्षेत्रमा निरन्तर भेटघाट गर्ने र त्यहाँ विभिन्न भवन बनाउने प्रस्ताव राखेका थिए। जवाफमा नेपाली टोलीका तर्फबाट सचिव घिमिरेले सीमासम्बन्धी क्षेत्र रक्षा मन्त्रालयले मात्र हेर्ने नभई गृह र परराष्ट्र मन्त्रालयसित पनि समन्वय गर्नुपर्ने हुँदा छलफल गरी पछि जवाफ फर्काउने जानकारी दिएका थिए। 

माओवादी गणराज्य घोषणाप्रति राष्ट्रपति चिन्ता यथावत/हामी प्रतिकार गछौं: गच्छेदार

काठमाडौं (कान्तिपुर) -

राष्ट्रपति रामवरण यादवले माओवादीको गणराज्य घोषणा कार्यक्रम फिर्ता नलिएको भन्दै असन्तुष्टि व्यक्त गरेका छन् । राष्ट्रपतिभवन पुगेका कार्यवाहक प्रधानमन्त्री विजयकुमार गच्छेदारसँग उनले त्यसलाई रोक्न सरकारले पर्याप्त काम गर्न नसकेको भन्दै असन्तुष्टि जनाएका थिए । 'राष्ट्रपतिज्यूले माओवादीले गणतन्त्र घोषणा कार्यक्रम स्थगित नगरेकोमा चिन्ता व्यक्त गर्नुभयो' गच्छेदारले राष्ट्रपतिसंगको भेटपछि संवाददाताहरुसंग भने, 'म माओवादीसंग अन्तरिम संविधानविरोधी र संविधनसभालाई वाइपास गर्ने यो कार्य बन्द गर्न आग्रह गर्दछु ।' गच्छेदारले सत्तारुढ मधेसवादी तीन दलले माओवादीको कार्यक्रमबिरुद्ध गरेको निर्णयको जानकारी राष्ट्रपतिलाई गराएका थिए । मधेसी जनअधिकार फोरम -लोकतान्त्रिक), तराई मधेस लोकतान्त्रिक पार्टी र सदभावना पार्टीको बैठक बसी बुधबार नै माओवादीले घोषणा गरेको गणराज्य र कैलालीलगायतका स्थानमा गरिएको बन अतिक्रमणका कार्यक्रमको कडा विरोध गरेका थिए ।

आजको कार्टून !

भारतीय मन्त्रीहरुसंग सेनापति गुरुङको भेट

नयाँ दिल्ली (कान्तिपुर)

भ्रमणमा रहेका सेनापति छत्रमान सिंह गुरुङ्ले मंगलवार दुई भारतीय मन्त्रीलाई भेटेका छन् । भारतीय राष्ट्रपतिबाट यहाँको सेनाको मानार्थ महारथीको उपाधी पाएका गुरुङ्ले दिल्लीमा विदेश मन्त्री एसएम कृष्णा र रक्षा मन्त्री एके एन्थोनीसँग शिष्टाचार भेट गरेका हुन् । उनले दुबै मन्त्रालयका सचिव र भारतीय राष्ट्रिय सुरक्षा सल्लाहकार एमके नारायणनलाई पनि भेटेका छन् । सबै भेटहरूमा दुई देशबीचको सैनिक र जनस्तरीय सम्बन्धबारे कुरा भएको बताइएको छ । 'दुई देशका सेनाहरुको सम्बन्ध कुनै पनि राजनीतिक हस्तक्षेप विना सूचारु रहनुपर्छ भन्ने कुरा भयो,' दिल्लीस्थित नेपाली दूतावासका सैनिक सहचारी कर्णेल अशोक नरसिंह राणाले इकान्तिपुरसँग भने- 'नेपाल र भारतका सेनाहरुबीचको सम्बन्ध व्यवसायिक मात्र नभएर पारिवारिक तहमा समेत भएको र जनस्तरको सम्बन्ध पनि उत्तिकै घनिष्ट भएको बारे कुरा भयो ।' आठदिने भ्रमणमा आएका गुरूङ बुधबार दक्षिण भारतमा जाने कार्यक्रम छ ।

नेपालभित्रै पसेर नेपाली प्रहरी कुटे भारतीय प्रहरीले

मुकेश पोखरेल/भैरहवा (नयाँ पत्रिका) -

भारतीय सीमा सुरक्षा बल एसएसबीले हतियारसहित नेपाली भूमिमा प्रवेश गरी नेपाल प्रहरीका जवान र सर्वसाधारणलाई कुटपिट गरेको छ । चिनी लिन गएका विद्यार्थीलाई लखेट्दै सुनौली नाकाबाट नेपाल प्रवेश गरेका भारतीय प्रहरीले प्रहरी मात्र होइन, गर्भवती महिलालाई समेत कुटेर घाइते बनाएका छन् ।  एसएसबीको कुटपिटबाट इलाका प्रहरी कार्यालय बेलहियाका प्रहरी जवान एकबहादुर रुजाल घाइते भएका छन् । रिजालको हातमा गम्भीर चोट लागेको छ । उनको स्थानीय अस्पतालमा उपचार भइरहेको छ । एसएसबीको कुटाइबाट चन्दन श्रेष्ठ, राजकुमार बस्नेत र दानबहादुर रायमाझी घाइते भएका छन् ।

वन मन्त्री र प्रतिनिधि सम्मेलन केन्द्र गएनन्

सुविधामा आएका पदाधिकारी नर्वे भ्रमणमा

सुबोध गौतम, कोपनहेगन (नागरिक)- 

वन मन्त्री दीपक बोहराले नेतृत्व गरेको सरकारी टोलीमा आएका पदाधिकारी र मन्त्रीले यहाँ आएको छ दिन भइसक्दा पनि जलवायु परिवर्तनसम्बन्धी सम्मेलनमा भाग लिएका छैनन्। उनीहरुको मुख्य कार्यक्रम 'पर्वतारोहीहरुको र्‍याली गत शुक्रबार नै सकिएको थियो। वातावरण मन्त्रालयले सरकारी टोलीका प्रतिनिधिको हैसियतले वन मन्त्रीको टोलीमा आएका पदाधिकारीलाई सम्मेलनभित्रका छलफल र बैठकमा उपस्थित हुन कार्यविभाजन गरेको छ। तर उनीहरु अहिलेसम्म बैठकमा उपस्थित भएका छैनन्। सरकारी सुविधामा आएका यी पदाधिकारीको कुनै पनि काम यहाँ देखिएको छैन। वातावरण सचिव डा. उदयराज शर्माले राष्ट्रिय प्रकृति संरक्षण कोषबाट सरकारी टोलीमा परेका कोष सदस्य-सचिव जुद्धबहादुर गुरुङ र सिद्धार्थवज्र वज्राचार्यसँग सम्मेलन केन्द्रमा अहिलेसम्म भेट नभएको जानकारी दिए।

आजको कार्टून !

१० लाखको रगतमा पौडी खेल्ने मन्तव्यप्रति आपत्ति

काठमाडौं (नागरिक)- माओवादी अध्यक्ष पुष्पकमल दाहालले 'अबको आन्दोलन १० लाखको रगतमा पौडी खेलेर भए पनि सफल पारिने' भनी दिएको मन्तव्यप्रति 'हिंसा अन्त्य' ले आपत्ति प्रकट गरेको छ।  जिम्मेवार नेतालाई रक्तपात तथा हिंसा भड्किने अभिव्यक्ति नदिन पनि उसले अनुरोध गरेको छ। कुनै पनि दल वा समूहले आफ्ना माग सम्बोधन गर्नका निम्ति हिंसापूर्ण आन्दोलन गर्ने सार्वजनिक अभिव्यक्तिले आम नागरिकको शान्तिप्रतिको चाहनामाथि कुठाराघात गर्ने पनि हिंसा अन्त्यद्वारा जारी विज्ञप्तिमा उल्लेख छ। दाहालले जनयुद्धदेखि शान्ति सम्झौतासम्म विषयक फोटो प्रदर्शनी उदघाटनका क्रममा भनेका थिए- अबको आन्दोलन १० हजार हैन, १० लाखको रगतमा पौडी खेलेर भए पनि सफल पारिनेछ। हिंसा अन्त्यमा कुलचन्द्र गौतम, सिके लाल, आनीछोइङ डोल्मा, राजेश हमाल, मदनकृष्ण श्रेष्ठ, हरिवंश आचार्य र अमृत गुरुङ छन्।

अब बन्दका बेला मजदुरले पारिश्रमिक नपाउने

सुजित महत/वीरगन्ज (कांतिपुर)- 

उद्योगी व्यवसायीले गैरकानुनी बन्द हडतालमा संलग्न मजदुरलाई काम नगरेको दिनको पारिश्रमिक नदिने भएका छन् ।नेसनल मेडिकल कलेजको श्रम विवाद (फरक प्रकृतिको संस्था) लाई लिएर माओवादीसम्बद्ध ट्रेड युनियनले अनिश्चितकालका लागि उद्योग प्रतिष्ठान बन्द आह्वान गरेपछि व्यवसायीले यस्तो निर्णय गरेका हुन् । उद्योग वाणिज्य महासंघ कुशकुमार जोशीसम्मिलित टोली र माओवादी मजदुरबीच भएको वार्तामा उद्योगीले 'नो वर्क नो पे' को अडान राखेका थिए । शनिबारसाँझको वार्तामा कलेजको श्रम विवाद समाधानका लागि वीरगन्ज उद्योग वाणिज्य संघले पहल गर्ने सहमतिसमेत भएको छ । उद्योग खोल्ने पनि सहमति भएको छ । 'सहमतिपत्रमा केही उल्ल्ोख नगरे पनि 'नो वर्क नो पे' को अडानमा छौं,' संघका अध्यक्ष ओमप्रकाश सिकारियाले भने । महासंघले 'नो वर्क नो पे' को अडान नछाड्ने घोषणा गरिसकेको छ । माओवादीले गैरकानुनी हडताल गराएकाले आफूहरू अडानबाट पछि नहट्ने संघका सदस्य विजय सरावगीले बताए ।

नेपाली भूमिमा भारतीय "रेखदेख"

सुव्रत न्यौपाने/झापा (नयाँ पत्रिका )

झापाको मेचीनगर-११ स्थित भान्सा खोलाका एक दर्जनभन्दा बढी घरपरिवार भारतीय अतिक्रमणको चपेटामा परेका छन् । बर्ष देखि बसोवास गर्दै आएको नेपाली भूमिलाई भारतीय पक्षले 'रेखदेख' गर्न थालेपछि उनीहरू घरको न घाटको बनेका छन् । भारतले ०४३ सालमै नेपाली भू-भाग मिचेर एकलौटी रूपमा सीमास्तम्भ गाडेको स्थानीय समाजसेवी कृष्णप्रसाद उप्रेतीले बताए । चार वर्षदेखि मेचीनगर-११ को करिब २० बिघा भूमि भारतीय सीमा सुरक्षा बल -एसएसबी) ले रेखदेख गर्दै आएको छ ।

प्रधानमन्त्री कोपनहेगन प्रस्थान

काठमाडौ (नागरिक)- 

 

प्रधानमन्त्री माधवकुमार नेपाल डेनमार्कको कोपनहेगनमा भइरहेको संयुक्त राष्ट्रसंघीय जलवायु परिवर्तन सम्बन्धी शिखर सम्मेलनमा भाग लिन सामेबार त्यसतर्फ प्रस्थान गरेका छन् ।  थाइ एयरवेजको विमानबाट दिउँसो साँढे २ बजे त्यसतर्फ गएका हुन् । उनले मुलुकको राजनीतिक गतिरोध सहमतिबाट अन्त्य हुने विश्वास व्यक्त गरे ।  'जलवायु परिवर्तनले विकाशशील राष्ट्रहरुलाई पारेको प्रभावका बारे विश्वको ध्यानाकर्षण गराउनेछु' विमानस्थलमा संवाददाताहरुसंगको संक्षिप्त कुराकानीमा उनले भने । उनको विधाइका लागि सभामुख सुभाष नेम्वाङ, मन्त्रीहरु र उच्च पदस्थ अधिकारीहरु आएका थिए ।  प्रधानमन्त्री नेपालले बुधबार शिखर सम्मेलनमा सम्बोधन गर्नेछन् । उनको भ्रमण टोलीमा ३८ जना छन् । टोलीमा प्रधानमन्त्री पत्नी गायत्री नेपाल, प्रधानमन्त्रीका सल्लाहकारहरु रघुजी पन्त, राजन भट्टराई, विष्णु रिजाल,बिज्ञान तथा प्रविधि राज्यमन्त्री इन्द्रप्रसाद ढुंगेल, ८ सभासद, ९ पत्रकार, मुख्य सचिव र परराष्ट्र मन्त्रालयका अधिकारीहरू र दुई अंगरक्षक छन् । 

आजको कार्टून !

आम्दानीको स्रोत बन्यो माहुरी

कमल थापा/रुकुम (नयाँ पत्रिका)

वर्षभर खान पुग्ने स्रोत खोज्दै आएका काँडा गाविसका किसानले मौरीपालनलाई आम्दानीको मुख्य स्रोत बनाउन थालेका छन् । एपिपिएसपीको सहयोगमा नेपाल जनजाति सरोकार केन्द्र रुकुमले मौरीपालनसम्बन्धी कार्यक्रम लागू गरेपछि काँडावासीले आम्दानीको दर्बिलो स्रोत फेला पारेका हुन् । वर्षभर उत्पादित अन्नले हुनेखानेलाई मात्र ६ महिना पुग्ने गरेकामा मौरीपालनपछि जीविकोपार्जनमा सहयोग पुगेपछि किसानले महलाई आम्दानीको मुख्य स्रोत बनाएका हुन् । ६ महिना आलु खाएर छाक टार्ने किसान महपालन सुरु गरेपछि त्यसबाट प्राप्त आम्दानीले आर्थिकस्थिति फेरिन थालेको बताउँछन् । पूर्वी रुकुम काँडाका भीमबहादुर पुनले मौरीपालनअघि वर्षमा ६ महिना आलु र फापर खानुपर्ने बाध्यता भए पनि अहिले त्यो अवस्था नरहेको बताए । अहिले उनको बारीमा आलु फल्दैन । मौरीपालनबाट बढी आम्दानी पाउन थालेपछि उनले आलुको विकल्प रोजेका हुन् ।

भारतीय सुरक्षाकर्मीद्वारा ज्यादती

सर्लाही (नागरिक)- 

महोत्तरी जिल्लाको पश्चिमवर्ती सम्सी नाकामा गएराति भारतीय सीमा सुरक्षा बल (एसएसबी) का जवानहरुले नेपालको भूमिमा आई सर्वसाधारणलाई कुटपिट गरेका छन्। सम्सीस्थित दसगजा क्षेत्रमा भारतको कन्हया बेस क्याम्पबाट नायव निरीक्षक अर्जुन प्रधानको नेतृत्वमा आएका भारतीय सुरक्षाकर्मीहरुले सम्सी-५ निवासी बौवाजी राउतको जग्गामा बनाएको टहरा समेत भत्काएका छन्। सोही ठाउँको श्याम महतोको चिया नास्ता र पान पसल तोडफोड गरेका छन् भने करिब आधा दर्जन पसलेहरुलाई कुटपिट गरी घाइते बनाएका छन्। राति करिब साढे आठ बजेको समयमा आएका भारतीय सीमा सुरक्षा बलका जवानहरुले भोलि बिहानसम्म सम्पूर्ण पसलेहरुलाई त्यस ठाउँबाट आ-आफ्नो पसल हटाउन आदेश दिएका छन्। साथै त्यहाँबाट पसलहरु नहटाए आइतबार फेरि आएर सुरक्षाकर्मीहरुले कुटपिट गर्ने चेतावनी दिएको स्थानीय विजय यादवले बताएका छन्। भारतीय सुरक्षाकर्मीले नेपालको भूमिमा प्रवेश गरी घर भत्काउने र कुटपिट गर्ने कार्यले सम्सीका नेपाली जनता त्रसित भएका छन्। (रासस)

स्पाइस जेटले नेपालमा उडान गर्ने

काठमाडौ (कान्तिपुर)- 

भारतीय विमान कम्पनी स्पाइस जेटले सन् २०१० देखि काठमाडौंमा उडान गर्ने भएको छ । स्पाइसजेटले काठमाडौं-दिल्ली र बैंगलोर-काठमाडौं दैनिक उडान गर्ने कम्पनीका उपाध्यक्ष कमल हिंगोरानीले बताए । बोइङ ७३७-८०० र ७३७-९०० बाट २०१० को जुन महिनादेखि कम्पनीले उडान थाल्नेछ । यो भारतको दोस्रो ठूलो र सस्तो हवाई कम्पनी हो । 'हामीले पर्यटन तथा नागरिक उडड्न मन्त्रालयबाट छिट्टै अनुमति पाउनेछौं,' हिंगोरानीले भने । कम्पनीले आन्तरिक उडानमा पाँच वर्ष पूरा गरेको अवसरमा नेपालमा हवाई सेवा सुरु गर्न लागेको हो । 'कम्पनीले स्थापना भएको पाँच वर्षमा अन्तर्राष्ट्रिय उडान थाल्ने उद्देश्य लिएको थियो,' उनले भने । स्पाइसले २० वटा जहाजबाट दैनिक १ सय २५ आन्तरिक उडान गर्दै आएको छ ।  आफ्नो विमानमा अन्य कम्पनीको तुलनामा भाडादर सस्तो हुने स्पाइसको नेपालस्थित जिएसए जेनिथ ट्राभलका प्रबन्धनिर्देशक जोय दिवानले बताए ।

व्यावसायिक बन्दै छ गोलभेडा खेती

भीम चापागाईं/इलाम (नयाँ पत्रिका)

जिल्लाको पूर्वी पञ्चकन्या गाविसमा व्यावसायिक गोलभेडा खेती फस्टाउँदै गएको छ । इलाममा नगदेबालीका रुपमा अन्य खेती गरिँदै आए पनि व्यावसायिक रूपमा गरिएको गोलभेडा खेतीबाट किसानले बढी फाइदा लिन थालेका हुन् । पञ्चकन्या गाविसका डेढ दर्जन परिवारले व्यावसायिक गोलभेडा खेती सुरु गरेका छन् । जिल्लाका पञ्चकन्यासहित पूर्वी गोदक, लक्ष्मीपुर, शान्तिपुर, फिक्कल, गोर्खे, पशुपतिनगर, कन्याम, कोल्बुङलगायत गाविस माअहिले व्यावसायिक रूपमा गोलभेडा, कोबी, आलु, इस्कुस, काँक्रा, फर्सी, मटर, धनियाँ खेती गर्न थालिएको छ । त्यसबाट भएको आम्दानीले स्थानीय परिवारको गुजारा चलाउन र बालबालिकालाई विद्यालय तथा क्याम्पसमा पढाउनसमेत पुग्ने गरेको किसानको भनाइ छ ।

पञ्चकन्याका एक किसानले गोलभेडा खेतीबाट ६ महिनामै १२ लाख रुपैयाँ आम्दानी गर्न सफल भएका छन् । पञ्चकन्याका भेषराज गड्तौलाले गोलभेडाबाट वैशाखदेखि असोजसम्ममा १२ लाख रुपैयाँ आम्दानी गरेको बताए ।

'२ लाख लागत खर्च कटाउँदा १० लाख रुपैयाँ चोखो आम्दानी भयो,' गड्तौलाले भने । २० रोपनी क्षेत्रफलको जग्गा भाडामा लिएर गोलभेडा खेती गरेका गड्तौलाको बारीमा फलेका गोलभेडा बेच्न अझै केही बाँकी छ ।

'गत वर्ष १० हजार बोट गोलभेडा खेती गर्दा ५ लाख रुपैयाँ मात्र आम्दानी भएको थियो,' गड्तौलाले भने, 'यो वर्ष भने २० हजार बोट गोलभेडा रोपेकामा हालसम्म ८ सय क्विन्टल बिक्री भइसकेको छ ।'

स्थानीयस्तरमा बजार अभाव र अन्य तरकारी मात्र उत्पादन हुने गरेकाले गोलभेडा बिक्री गर्न भने झापा नै झर्नुपर्ने उनले गुनासो गरे । उत्पादित गोलभेडा झापा लाँदा ढुवानी खर्च बढेकाले सोचेजति आम्दानी लिन नसकेको गड्तौलाले बताए । उनका अनुसार गोलभेडा खेती जटिल भए पनि आम्दानी राम्रो हुने गरेको छ । 'नेपालमै मिहिनेत गर्न सके पैसा कमाउनकै लागि लाखौं रुपैयाँ खर्चेर विदेश जान नपर्ने रहेछ,' गड्तौला भन्छन् ।

चाडवाडको मुख्य सिजनमा प्रतिकिलो ३५ देखि ५० रुपैयाँसम्ममा गोलभेडा बिक्री गर्दा भएको आम्दानी देखेर उनका परिवार मात्र होइन छरछिमेकी पनि सो खेतीप्रति आकषिर्त हुन थालेका छन् ।

गड्तौला परिवारले छिमेकीलाई पनि हौस्याएको छ । स्थानीय डोलेन्द्र भारद्वाजले भने, 'उनको मिहिनेत र आम्दानी देखेर हामीलाई पनि गोलभेडा खेती गर्न जाँगर चलेको छ ।'

विशेषगरी, वषर्ायाममा लगाइएको गोलभेडाबाट राम्रो आम्दानी हुने गर्छ । तर, वषर्ायाममा लाग्ने हुस्सुबाट बचाउन, गोडमेल गर्न र औषधोपचार गर्न भने गाह्रो पर्छ । रातदिन गोलभेडा स्याहारमा जुटेका गड्तौलाका छोरा दीपेन्द्र भन्छन्, 'ढुसीनाशक औषधि खरिद गर्न र छर्किन पनि धेरै समय खर्चिनुपर्छ ।' गोलभेडा खेतीबाट भएको आम्दानीबाट गड्तौला परिवारले घरनजिकै १० रोपनी जमिनसमेत खरिद गरिसकेका छन् ।

पहिलेदेखि तरकारी खेती गरिरहेका गड्तौलाले बन्दा, फूलकोभी, रायो, मुला आदिको बेमौसमी खेती पनि गर्दै आएका छन् । अन्य तरकारी खेतीबाट राम्रै आम्दानी हुने गरेको उनको भनाइ छ ।

जिल्ला कृषि विकास कार्यालयको तथ्यांकअनुसार हिउँदे सिजनमा जिल्लाको ७० हेक्टर क्षेत्रफलमा लगाइएको गोलभेडा खेतीबाट ९ सय १० मेटि्रकटन उत्पादन हुने गरेको छ भने वषर्ायाममा बेमौसमी रूपमा २७ हेक्टर क्षेत्रफलमा गरिएको खेतीबाट ३ सय २४ मेटि्रकटन गोलभेडा उत्पादन हुदै आएको छ ।

कोही लाहुरे कोही भने सपिङ कम्प्लेक्समा

प्रदीप मेन्याङ्बो/धरान (कान्तिपुर)- 

कोही बेलायत जाने तरखरमा छन् । कोही भिषा मिलाउँदै छन् । कोही चाँही बेलायत पुगेर घर, गाडी किनेर बसेका छन् । तर तिनै समुह मध्येका धेरै पूर्व गोर्खाहरु भने धरानमा व्यावसायिक मुलाधारमा सहभागी हुन सुविधा सम्पन्न आधुनिक सपिङ कम्प्लेक्स निर्माणमा जुटेका छन् । पछिल्लो समयमा वि्रटिस गोरखा सैनिकहरुलाई बेलायत सरकारले आवासीय भिषा अधिकार दिए पछि नेपाल छाडेर बेलायत जाने क्रम रोकिएको छैन । तर एउटा समुह भने धरानमा व्यापार व्यावसाय गर्ने उदेश्यले धरानको घण्टाघर पछाडि रहेको १८ धुर जग्गामा गोरखा भूतपुर्व सैनिक परिवार लिमिटेड दर्ता गरेर करिव १० करोड रुपैयाँको भूमिगत फ्ल्याट, कारपार्किङ सहितको सपिङ कम्प्लेस निर्माण गर्न कम्मर कसेर लागेका छन् । सपिङ कम्प्लेक्स चार तलाको हुने छ । गोरखा भूतपुर्व सैनिक परिवार लिमिटेडको अधिकृत पुँजी १० करोड रुपैयाँ रहेकोमा शेयर पुँजी ५ करोड र चुक्ता पुँजी १ करोड ६२ लाख ३० हजार रहेको छ । 

आजको कार्टून !

आज 'बन्द’ छैन ? साँच्चै हो ?! 

एऽऽऽ... त्यसो भे सरी है, गुरुजी !

मेजर बस्नेत विमानस्थलबाटै गिरफ्तार

काठमाडौं (नागरिक) - 

मैना सुनुवार हत्याकाण्डका आरोपी नेपाली सेनाका मेजर निरन्जन बस्नेतलाई सैनिक प्रहरीले गिरफ्तार गरेको छ। संयुक्त राष्ट्रसंघीय मिसन चाडबाट काठमाडौं फर्कने क्रममा उनलाई त्रिभुवन अन्तरार्ष्ट्रिय विमानस्थलबाटै पक्राउ गरिएको नागरिकन्यूजकर्मी सुन्दर खनालले जनाएका छन्। चाड (अफ्रिका) मा शान्ति स्थापनाका लागि खटिएका बस्नेत शनिबार अपरान्ह नेपाल फर्केने क्रममा विमानस्थलबाटै पक्राउ परेका हुन्। सुनुवार हत्याकाण्डका चार आरोपितमध्ये बस्नेतलाई राष्ट्रसङ्घले जिम्मेवारीबाट मुक्त गरेपछि उनी काठमाडौं फर्कंदै थिए। मैनाकी आमा देवीले दोषीउपर कारबाही गर्न प्रधानमन्त्री माधवकुमार नेपाललाई पत्र लेखेको साता दिन नबित्दै बस्नेत मिसनबाट फर्किएका हुन्। देवीले २३ मंसिरमा प्रधानमन्त्रीलाई पत्र लेख्दै दोषीउपर कारबाही गर्न माग गरेकी थिइन्। सन् २००४ मा काभ्रेकी १५ वर्षीया किशोरी मैना सुनारलाई सेनाको ब्यारेकमा लगी हत्या गरिएको घटना गम्भीर मानवअधिकार हनन मुद्दाका रुपमा राष्ट्रिय तथा अन्तर्राष्ट्रिय चासको विषय बनेको थियो।

राष्ट्रपति ओबामाको पत्र नेपाललाई (पत्र र तस्वीरसहित)

राजेन्द्र फुयाल/काठमाडौ (कान्तिपुर)- 

अमेरिकी राष्ट्रपति बाराक ओबामाले प्रधानमन्त्री माधबकुमार नेपाललाई पत्र लेखी राष्ट्रसंघीय शान्ति मिसनमा नेपाल र नेपाली सेनाले पुर्‍याएको योगदानको उच्च प्रशंसा गरेका छन् । संयुक्त राष्ट्रसंघको ६४ औ महासभाका सिलसिलामा गत सेप्टेम्बर २३ मा राष्ट्रपति ओबामा र प्रधानमन्त्री नेपालबीच न्यूयोर्कमा भएको बैठकको स्मरण गर्दै ह्वाईटहाउसले पत्रका साथ तस्वीरसमेत पठाएको हो ।

दूरसञ्चार सेवा विस्तारमा नेपाल सबैभन्दा कमजोर

विष्णु पोखरेल/काठमाडौं (नयाँ पत्रिका)

सूचना प्रविधि विकासमा केही वर्षदेखि फड्को मारिरहेको नेपाल अझै पनि दूरसञ्चार सेवा विस्तारमा एसिया-प्रशान्त क्षेत्रमै सबैभन्दा पछाडि रहेको छ । एसिया-प्रशान्त क्ष्ाेत्रका मुलुकले विस्तार गरेको दूरसञ्चार सेवासँग तुलना गर्दा नेपालको अवस्था कमजोर रहेको दूरसञ्चारसँग सम्बद्ध संस्थाहरूले गरेको अध्ययनबाट पत्ता लागेको हो । केही वर्षदेखि सेवाप्रदायक संस्थाको संख्या वृद्धि भए पनि अझै ७५ प्रतिशतभन्दा बढी नेपाली दूरसञ्चार सेवाको सहज पहुँचबाहिर रहेका छन् ।

बहाना जलवायु परिवर्तन, उद्देश्य घुम्ने

श्रीमतीलाई प्रधानमन्त्रीको डेलिगशनमा राख्न मन्त्री बोहराको दौडधुप-

सुबोध गौतम/कोपनहेगन (नागरिक)- 

जलवायु परिवर्तनसम्बन्धि संयुक्त राष्ट्रसंघीय विश्व सम्मेलनमा भाग लिन आएका सरकारी टोलीका १४ जना प्रतिनिधिले मात्र बहस र छलफलमा भाग लिइरहेका छन। बाँकी प्रतिनिधिका सम्मेलन केन्द्रमा अत्तोपत्तो छैन। वातावरण मन्त्रालयका पदाधिकारीबाहेक अरु प्रतिनिधि सम्मेलन केन्द्र भित्रका छलफलमा भेटिदैनन। परिवारका सदस्यसहित बिहीबार चार जना मन्त्री यहाँ आएपछि यहाँ नेपालका पाँच मन्त्रीको सहभागिता छ। सम्मेलनमा सहभागी एक सरकारी पदाधिकारीका अनुसार वातावरणबाहेक अन्य मन्त्रीको कुनै काम छैन। शुक्रबारको हिमाल बचाउ र्यालीमा भाग लिन अर्थ, पर्यटन, संस्कृति र वन गरी थप चार मन्त्री आएका हुन्। 'यी मन्त्रीको जलवायु परिवर्तन सम्मेलनमा कुनै पनि काम छैन', एक पदाधिकारीले नागरिकसँग भने। उनका अनुसार राष्ट्र प्रमुखको हैसियतले प्रधानमन्त्री र बिषयगत रुपमा वातावरणमन्त्री बाहेक अन्य मन्त्रीहरुको आउन आवश्यक छैन।

जनविद्रोहको सम्भावना बढ्दैछः गजुरेल

राजकुमार कार्की/सिन्धुली (कान्तिपुर) - 

माओवादी सचिव सीपी गजुरेलले जनविद्रोहको संभावना बढ्दै गएको बताएका छन् । सरकार पञ्चायती शैलीमा प्रस्तुत भएकाले जन बिद्रोहको संभावना बढ्दै गएको उनको ठहर छ । क्रान्तिकारी पत्रकार संघले शनिबार बिहान आयोजना गरेको पत्रकार भेटघाट कार्यक्रममा उनले माओवादीको माग पूरा हुने कुनै संकेत नदेखिएकाले एउटा जनबिद्रोह सम्पन्न गरेको पार्टी नचाहदा नचाहदै अर्को बिद्रोहमा जानुपर्ने बाध्यता आइपरेको बिष्लेषण गरे । माओवादीले उठाएको नागरिक सर्वोच्चता र राष्ट्रपतिको कदम सच्चिने संकेत नदेखिएकाले देश मुठभेडमा जाने समेत उनले बताए । माओवादी जिम्मेबार पार्टी भएकाले अहिलेनै मुठभेड र बिद्रोहमा नजाने तर सरकारको रबैयाका कारण परिस्थितिले त्यतै मोड लिएको समेत उनको भनाइ थियो । कांग्रेस र एमाले संविधानसभा बिघटन गराउने खेलमा लागेको सचिव गजुरेलले आरोप लगाए । संविधानसभा बिघटन गर्ने र आयोग गठन गरि संविधान बनाउने खेलमा कांग्रेस र एमाले लगायत सरकारवादी पार्टी लागेका उनले ठोकुवा गरे ।

नेपाल इतिहासमै सबभन्दा भ्रष्ट

सागर पण्डित/काठमाडौ (नयाँ पत्रिका)

नेपालले भ्रष्टाचारमा इतिहास ब्रेक गरेको छ । नेपाल यो वर्ष सबैभन्दा बढी भ्रष्टाचार हुनेमध्येको एक देश बन्न पुगेको छ । ट्रान्सपरेन्सी इन्टरनेसनल (टिआई) ले जर्मनीको बर्लिनमा केही दिनअघि सार्वजनिक गरेको सन् २००९ को वाषिर्क प्रतिवेदनअनुसार नेपाल इतिहासमै सबैभन्दा बढी भ्रष्ट मुलुक भएको छ । टिआईले तयार पारेको एक सय ८० देशको सूचीमा नेपाल एक सय ४५औँ स्थानमा छ ।

आजको कार्टून !

'आफ्ना कार्यकर्ता नियन्त्रणमा राख्ने नसके अध्यक्ष पद त्याग'

मनोज बस्नेत/काभ्रे (कान्तिपुर)- 

प्रधानमन्त्री माधवकुमार नेपालले आफ्ना कार्यकर्तालाई नियन्त्रणमा राख्न नसकेको भन्दै माओवादी अध्यक्ष पुष्पकमल दाहाललाई अध्यक्ष पद त्याग्न चुनौती दिएका छन । एमाले काभ्रे जिल्लाको सातौं अधिवेशन उद्घाटन गर्दै उनले पाँचखालमा उक्त चुनौती दिएका हुन । माओवादीले द्वन्दकालको अराजक गतिविधिलाई शान्ति प्रक्रियामा आएर पनि जारी राखेको आरोप लगाउँदै दाहालले आफ्ना कार्यकर्तालाई पार्टीको नियन्त्रणभित्र राख्न नसकाले अराजक गतिविधीहरु गर्दै शान्ति प्रक्रिया र संविधान निर्माणको कामलाई संकटमा पारेको उनको भनाइ थियो । 'रुकुमकी पत्रकार टिका विष्टको औंला चिरिदिने, खुट्टा चिरिदने, उनका सामानहरुको लुटपाट गर्ने जस्ता क्रुर अमानवीय काम कसले गर्न सक्छ' उनले भने माओवादीका कार्यकर्ताले समाचार लेखेको कारण धम्की दिन्छन, बारम्बार मानसिक यातना दिन्छन त्यसैले यो काम माओवादीका कार्यकर्ताले नै गरेका हुन ।'