काठमाडौँ (नागरिक)-
आयातित इन्धन डिजेलमाथिको निर्भरता अन्त्य गर्न युनिटी लाइफ इन्टनेशनल लिमिटेडले सजीवनबाट दुई वर्षभित्र स्वदेशमै एक अर्ब लिटर बायोडिजेल उत्पादन गर्ने भएको छ। कुनै उपभोगमा नआइ खेर गएको जमिन र सामुदायिक वन क्षेत्रको २ लाख ४० हजार हेक्टरमा सजीवन रोप्ने तयारी भइरहेको युनिटीका प्रबन्ध निर्देशक विष्णु क्षेत्रीले जानकारी दिए। उनका अनुसार यसका लागि हाल देशका विभिन्न ठाउँको १० हजार हेक्टरमा सजीवनको बिरुवा तयार गरिएको छ। मुलुकमा हाल वार्षिक करिब ५१ करोड लिटर डिजेल खपत हुने गरेकोमा त्यति नै परिमाणमा स्वदेशमै बायोडिजेल उत्पादन गर्न सकिने बताउँदै उनले अब डिजेल हामीले खरिदबाट नभई झाडीबाट निकाल्न सक्छौँ भने। यसैबीच सो लिमिटेडले पूर्वाञ्चलस्तरीय मेडिकल कलेज निर्माण गर्न झापाको गौरादहमा २० बिघा जमिन खरिद गरिसकेको पनि बताइएको छ।
- रासस
No comments:
Post a Comment