माओबादीले चाहे १० दिनमै संविधान बन्छ

उत्तम रिजाल, असोज १९ (दमक) - 

एकिकृत नेकपा माओबादीका केन्द्रीय सचिव सिपी गजुरेलले माओवादीले चाहेमा १० दिनमै संविधान बन्ने दाबी गरेका छन्। सोमबार झापाको दमकमा क्रान्तिकारी पत्रकार संघले आयोजना गरेको पत्रकार भेटघाटका प्रमुख अतिथी रहेका गजुरेलले तिहारपछि माओवादीले आन्दोलन गर्ने बताए। 

गजुरेलले नागरिक सर्वोच्चता कायम नभएसम्म र राष्ट्रपतिको कदम नसच्चिएसम्म माओवादीले आन्दोलनलाई नरोक्ने बताए। "संसदमा संकल्प प्रस्तावमा छलफल भएमा भने सोच्न सकिन्छ," गजुरेलले भने - "शिर्ष नेताले हात मिलाउँदैमा केहि हुन्न यो सामान्य प्रक्रिया हो। "