संजीव चापागाई झापा २२ असोज
उपप्रधान एवम भौतिक योजना तथा निर्माण मन्त्री विजयकुमार गच्छदारले वर्तमान सरकार ढलेर आफ्नो नेतृत्वमा सरकार बनाउने भन्ने कुरा माओवादीको दीवा सपना मात्रै रहेको बताएका छन । झापाको भद्रपुरमा बिहीबार आयोजिजत पत्रकार भेटघाट कार्यक्रममा उपप्रधानमन्त्री गच्छदारले वर्तमान सरकार ढल्ने र माओवादी नेतृत्वमा सरकार बन्ने भन्ने दुबै कुरा असम्भब रहेको बताए । उपप्रधानमन्त्री गच्छदारले वर्तमान सरकार बहुमत प्राप्त सरकार भएकाले यही सरकारले संविधान निर्माण र शान्ति प्रकृयालाई निष्कर्षमा पुर्याउने दाबी गरे ।
माओवादीलाइ पनि सत्ताको लुछाचुडी र साना कुरामा नअल्झी सरकारमा सामेल हुन गच्छदारले आग्रह गरॆ ।
वर्तमान राजनितीक गतिरोध तिहार अघिनै समाप्त हुने र त्यसका लागि सहमतिको प्रयास तीब्र गतिमा अघि बढेको समेत उनको भनाई थियो ।
माओवादी कांग्रेस र एमाले तीन ठूला दल आ-आफ्नै स्वर्थमा अडिग रहेकाले गतिरोध अन्त्य हुन नसेकेको पनि उनले उल्लेख गरे ।
मधेसी जनाधिकार फोरम लोकतान्त्रिकका अध्यक्षसमेत रहेका गच्छदारले राजनीतिक गतिरोध अन्त्य गरी मुलुकलाई निकास दिन नसक्नुमा तीन ठूला दलनै दोषि रहेको दोहोर् याए ।
मुलुकका सामु विद्यमान दुई जिम्मेवारी संविधान निर्माण र शान्ति प्रकृयालाई तार्किक निष्कर्षमा पुर् याने कार्य पुरा गर्न सबै दल एकजुट हुनुपर्नेमा गच्छदारको जोड थियो ।
सहमतिको विकल्प नभएको अैल्यउदै उहाले राष्ट्रपति र सेनापतिका विषयमा संविधान संसोधन गरेर सहमती जुटाउन सकिने वताउनुभएको छ ।
No comments:
Post a Comment