'दुई ठाउँबाट हार्ने प्रधानमन्त्री, नराम्ररी हार्ने उपप्रधानमन्त्री अनि जमानत जफ्त भएकाहरु मन्त्री हुनुभन्दा ठूलो लोकतन्त्रको उपहास के होला ?' 
अबधेशकुमार झा/इनरुवा, २०६६ आश्विन ३० - मधेशी जनअधिकार फोरमका अध्यक्ष उपेन्द्र यादवले सुजाता कोइरालालाइ उपप्रधानमन्त्री बनाएर जनमत र लोकतन्त्रको उपहास भएको बताएका छन् । कार्यकर्ता प्रशिक्षण कार्यक्रममा भाग लिन शुक्रबार
सुनसरी पुगेका अध्यक्ष यादवले सदरमुकाम इनरुवामा सञ्चारकर्मीसित कुरा गर्दे नेपालमा सत्ताको वागडोर जनमत नभएकाहरुको हातमा गएकाले मुलुक गम्भीर खाडलमा फस्दै गएको बताए । 'दुई ठाउँबाट हार्ने प्रधानमन्त्री, नराम्ररी हार्ने उपप्रधानमन्त्री अनि जमानत जफ्त भएकाहरु मन्त्री हुनुभन्दा ठूलो लोकतन्त्रको उपहास के होला ?' उनले प्रश्न गरे । गिरिजाप्रसादको बुढेसकालको पुत्रीमोह र माधवकुमार नेपालको सतामोहको मोर्चाले भ्रष्टहरुको जमात खडा गरि वर्तमान सरकार निर्माण गरेको यादवको आरोप थियो ।
वर्तमान सरकार आफ्नै रबैयाले असफल भइसकेको बताउँदै उनले तत्काल राष्ट्रिय सहमतिको सरकारको आवश्यकता औल्याए । वर्तमान सरकारको लापरवाहीका कारण समयमै संविधान बन्नेमा शंका उब्जिएको भन्दै उनले दाबी गरे । उनले ढोका थुनेर बजेट पास गराउने कार्य नेपालमा सम्भव नरहेको तर्क गर्दे त्यो तानाशाही नेपाली जनताले नस्वीकार्ने बताए । फोरममा रहेका अवसरवादी, गद्धार र फटाहाहरु फुटेर सरकारमा गएको आरोप लगाउदै उनले ती अवसरवादीलाई मधेशका जनताले अब नस्वीकार्ने दाबी गरे ।
No comments:
Post a Comment