काठमाडौ, २०६६ कार्तिक ९ -
माओवादी अध्यक्ष पुष्पकमल दाहालले मधेसमा पनि सशक्त आन्दोलनको वातावरण तयार पार्न निर्देशन दिएका छन् । पार्टीको मधेस राष्ट्रिय मुक्ति मोर्चा क्रान्तिकारीको सोमबार राजधानीमा भएको बैठकमा उनले मधेसमा संगठन मजवुत पार्दै पार्टीले थाल्ने आन्दोलनलाई सशक्त पार्न निर्देशन दिएको सहभागी एक नेताले बताए । बैठकमा मधेस राज्य अन्र्तगतको मिथिला, भोजपुरा र अवध क्षेत्रका नेताहरुको उपस्थिति थियो ।
माओवादीले कार्तिक १५ गतेसम्म दलहरुसँग सहमति नभए सशक्त आन्दोलन गर्ने निर्णय यसअघिनै गरिसकेको छ ।
बैठकमा मोर्चाको कार्तिक २१ देखि २३ गतेसम्म बीरगंजमा हुने महाधिवेशनको तयारीबारे पनि छलफल भएको थियो । यसअघि असोज २२ गतेदेखि गर्ने भनिएको मोर्चाको महाधिवेशन आवश्यक तयारी नपुगेको भन्दै स्थगीत गरिएको थियो ।
No comments:
Post a Comment