क्यालिफोर्निया भदौ २७ (एजेन्सी)-
संसारको सबैभन्दा ठूलो सोसल नेटवर्किङ साइट फेसबुकले स्लो इन्टरनेट कनेक्सन हुनेहरुलाई लक्षित गरी 'फेसबुक लाइट' लन्च गरेको छ । फेसबुकको मुख्य साइट भन्दा यो छिटो र सजिलो रहेकेा बताइएको छ । मूख्य फेसबुक साइटमा प्रयोग गरिएका केही सेवाहरु लाइट भर्सनमा भने नरहने फेसबुकले जनाएको छ । प्रारम्भमा फेसबुकले यो भर्सनकेा वेबसाइट स्लो इन्टरनेट भएका विकासशील देशहरुमा उपलब्ध गराइने बताएको थियो । फेसबुकले हाल फेसबुक लाइट भारत र अमेरिकामा मात्र चलाउन मिल्ने बताए पनि नेपालबाट समते फेसबुक लाइट चलाउन सकिने थाहा भएको छ ।
फेसबुकका अनुसारका यसका २५ करोड भन्दा बढि प्रयोगकर्तामध्ये ७० प्रतिशत अमेरिका बाहिरका छन् । दक्षिण पूर्वी एशिया र युरोपमा फेसबुकका नयाँ प्रयोगकर्ता सबैभन्दा तीव्र गतिमा बढिरहेका छन्। फेसबुकले स्लो इन्टरनेट हुनेहरुको लागि फेसबुक लाइट ल्याउने तयारी गरिरहेको खबर पहिलो पटक गएको महिना नै सार्वजनिक भएको थियो ।
No comments:
Post a Comment