सेयर उकालो

काठमाडौं, भदौ २२ - साताको पहिलो दिन आइतबार नेप्से उकालो लागेको छ । दुई दशमलव १७ अंकको वृद्धिले परिसूचकलाई ६ सय ६२ दशमलव ५७ अंकमा पुर्‍याएको छ । यो वृद्धिमा सबैभन्दा ठूलो सहयोग अन्य समूहले गरेको छ । १० दशमलव ५८ अंकले बढेयो यो समूहमा नेपाल दूरसञ्चार कम्पनीको सेयरमूल्य ९ रुपैयाँले वृद्धि भएको छ । विकास बैंक र वित्त समूहमा सुधार आए पनि वाणिज्य बैंक, जल विद्युत् र बिमा समूह भने बढ्न सकेनन् । आइतबार ११ करोड ७४ लाख रुपैयाँ बराबरको सेयर खरिद बिक्री भएको थियो|