काठमाडौं, १४ असोज (दैनिकी)
सरकारी स्वामित्वको नेपाल टेलिभिजनमा सुनसरीबाट एक अज्ञात व्यक्तिले फोन गरी बम राखिएको बताएपछि त्यहाँको समाचारकक्षमा आतंक सिर्जना भएको छ । नेपाल टेलिभिजनका कार्यकारी समाचार सम्पादक मनोहरि थापाले दिएको जानकारीअनुसार ०२५५६०४३१ नम्बरबाट समाचार कक्षको टेबुलमुनि बम राखिएको खबर दिएपछि तत्कालै नेपाल प्रहरी सशस्त्र प्रहरी र नेपाली सेनाको टोलीले बमको खोजी गरेको थियो । गोपीकृष्ण ढकाल नाम गरेका व्यक्तिले फोन गरेको बताइएको छ ।"हामीले फोन आएपछि नेपाल प्रहरी सशस्त्र प्रहरीको पशुपतिनाथ गण तथा नेपाली सेनालाई खबर गर्र्यौ' सुरक्षाकर्मीहरुले खोजी गर्दा बम भने फेला परेन" थापाले दैनिकीसँग भने ।
काठमाडौं प्रहरीका प्रमुख नवराज सिलवालले सञ्चारमाध्यमजस्तो संवेदनशील स्थानमा ब्लफ कल गरी त्रास सिर्जना गर्नेमाथि प्रहरीले कडा कारवाही गर्ने बताए ।
No comments:
Post a Comment