काठमाडौ, २०६६ आश्विन १ -
माओवादी अध्यक्ष पुष्पकमल दाहालले संविधान संशोधन गरेर भएपनि राष्ट्रपति कदमको बारे निकास निकालिने बताएका छन् । बिहीबार हङकङबाट फर्केका दाहालले त्रिभुवन अन्तर्राष्ट्रिय विमानस्थलमा संचारकर्मीसँग कुरा गर्दै अरु दलसँग छलफल अघि बढाएर निकास निकाल्ने जानकारी दिए ।
माओवादीले राष्ट्रपतिको कदम नसच्याएसम्म व्यवस्थापिका संसदको बैठक लामो समयदेखि अवरुद्ध गर्दै आएको छ । अवरोधका कारण गत साउनमा सरकारले प्रस्तुत गरेकाे वजेटमाथि पनि व्यवस्थापिका संसदमा छलफल हुन सकेको छैन् ।
आफ्नो हङकङ बसाई क्रममा त्यहाँस्थित नेपालीसँग बर्तमान राजनीतिक परिस्थितिको बारेमासमेत छलफल भएको उनले बताए । साथै आफ्नो भ्रमण सफल रहेको समेत उनले दाबी गरे । अध्यक्ष दाहाल आइतबार पार्टीको आन्तरिक कामका लागि हङकङ गएका थिए ।
No comments:
Post a Comment