काठमाडौ, भदौ १९ - नेपाल र चीनको स्वशासित क्षेत्र तिब्बतबीच आर्थिक तथा व्यापार सम्बन्धलाई बढाउने उद्देश्यले बिहीबारदेखि तिब्बतमा नेपाल-चीन/तिब्बत आर्थिक तथा व्यापार मेला २००९ सुरु भएको छ।
तिब्बत स्वशासित क्षेत्रका अध्यक्ष साम्बा फुन्सोक र वाणिज्य सचिव पुरुषोत्तम ओझाले संयुक्तरुपमा सो मेलाको उद्घाटन गरेका थिए। सो अवसरमा सचिव ओझाले नेपाल-चीनबीचको परम्परागत मैत्री सम्बन्धबारे चर्चा गर्दै आर्थिक तथा व्यापार मेलाबाट पनि थप सहयोग पुग्ने विश्वास व्यक्त गरे।
तिब्बत स्वशासित क्षेत्रका उपाध्यक्ष देङ सियाग्याङ्ले विगत लामो समयदेखि तिब्बतको वैदेशिक व्यापारका लागि नेपाल प्रमुख विन्दु रहँदैआएको बताए।
तिब्बतका लागि नेपाली वाणिज्यदूत ङइन्द्रप्रसाद उपाध्यायले पनि नेपाल-तिब्बतबीचको व्यापारबारे बोलेका थिए। पाँच दिनसम्म सञ्चालन हुने उक्त मेलामा नेपाल र तिब्बतका गरी १७१ उद्यमी सहभागी रहेका छन्। मेलामा नेपाली उत्पादनका ५८ वटा स्टल रहेका छन्। रासस
No comments:
Post a Comment