अवैध आयातले कागज उद्योग प्रभावित

रामकुमार श्रेष्ठ(नयापत्रिका)

नेपालमा प्रतिवर्ष ५० हजार टन कागज आवश्यकता पर्नेमा नेपाली उद्योगले ४० हजार टन मात्र पूर्ति गर्ने गरेका छन् । अपुग १० हजार टन कागज अन्य देशबाट आपूर्ति गरिन्छ । दिन-प्रतिदिन अवैध रूपमा भारतीय कागजको आयातलाई नेपाल सरकारले नियन्त्रण गर्न नसक्दा नेपाली कागजको व्यापार ५० प्रतिशतले घटेको छ ।  भारतीय कागज नेपाल ल्याउँदा 'न्युज पि्रन्ट' कागजको भन्सार पाँच प्रतिशत र 'राइटिङ पि्रन्ट' कागजको भन्सार २९ प्रतिशत रहेकोमा अवैध व्यापार गर्नेहरूले राइटिङ पि्रन्ट कागजलाई न्युज पि्रन्ट कागजको नाममा ल्याउने गरेकाले कागतको अवैध आयात बढेको व्यवसायीहरूले बताएका छन् ।
उनीहरूले न्युज पि्रन्टको नाममा राइटिङ पेपर ल्याउँदा सरकारलाई प्राप्त हुने राजस्वसमेत गुमेको बताएका छन् ।

नेपाल र भारत खुल्ला सिमानाका कारण भैरहवा, वीरगन्ज, विराटनगरलगायतका नाकाबाट भारतीय कागजको अवैध आयात हुने गरेको पाइएको छ । भारतीय कारगजको अवैध आयातमा भन्सार-कर्मचारीको मिलेमतो हुने गरेको आशंकासमेत गरिँदै आएको छ ।

गत चार महिनादेखि नेपाली कागज उद्योगहरूमा उत्पादित तयारी कागज बिक्री हुन नसक्दा गोदाममै थन्केर रहेको भृकुटी पल्प एन्ड पेपर मिल गैँडाकोटका प्रबन्धनिर्देशक डा. जेपी सेमवालले बताएका छन् ।

नेपाल-भारत खुल्ला सिमानाका कारण अवैध रूपमा कागजको तस्करी हुँदा नेपाली कागजको व्यापार प्रभावित भएको डा. सेमवालले नयाँ पत्रिकालाई बताए ।

नेपालभरि अहिले एभरेस्ट पेपर मिल जनकपुर, बाबा कागज कारखाना, रिलायन्स कागज कारखाना भैरहवा, एमके पेपर मिल नवलपरासी, भृकुटी पल्प एन्ड पेपर मिल नवलपरासी गरी ६ वटा कागज कारखाना सञ्चालनमा रहेका छन् ।

नेपालमा प्रतिवर्ष ५० हजार टन कागज आवश्यकता पर्नेमा नेपाली उद्योगले ४० हजार टन मात्र पूर्ति गर्ने गरेका छन् । अपुग १० हजार टन कागज अन्य देशबाट ल्याउनुपर्नेमा भन्सारको फितलोपनका कारण ३० हजार टन अवैध भारतीय कागज नेपाल भित्रिने गरेको भृकुटी कागज कारखानाका महाप्रबन्धक एसके जैनले बताए ।

नेपालमै कागज उत्पादनमा अग्रस्थानमा रहेको नवलपरासी गैँडाकोटको भृकुटी पल्प एन्ड पेपर मिलमा पनि विगत ४ महिनादेखि उत्पादित कागजको बिक्री घटेका कारण अत्यधिक मात्रामा गोदाममै भण्डारण भएर रहेको छ भने नवलपरासीकै रामनगर भूमहीस्थित एमके पेपर मिलमा पनि यस्तै अवस्थामा रहेको मिलका प्रबन्धनिर्देशक ध्रुव पोखरेलले बताए ।