चिनियाँ रथी आउँदै

काठमाडौं (नागरिक)-

चिनियाँ जनमुक्ति सेनाका रथी सायु ताई चार दिने नेपाल भ्रमणका लागि आगामी शुक्रबार नेपाल आउने भएका छन्।  नौ सदस्यीय सैनिक टोली नेतृत्व गरी आउने सायुले उपप्रधान तथा परराष्ट्रमन्त्री कोइराला, रक्षामन्त्री विद्या भण्डारी र सेना प्रमुख छत्रमान सिंह गुरुङलाई भेट्ने परराष्ट्र मन्त्रालय स्रोतले जनाएको छ। 'यो नियमित भ्रमण हो' परराष्ट्रका चीन डेक्स प्रमुख अरुण धितालले भने। टोली तीन दिनको भ्रमणपछि स्वदेश फर्किनुअघि लुम्बीनी जाने कार्यक्रम छ।