सुजाता साता लामो अफ्रिका भ्रमणमा

काठमाडौं(नागरिक)- 

परराष्ट्रमन्त्री सुजाता कोइराला दक्षिण-दक्षिण समुहको मन्त्रीस्तरीय सम्मेलनमा भाग लिन आइतबार केन्याको राजधानी नैरोबी जाने भएकी छन्। विकासोन्मुख मुलुक सदस्य रहेको दक्षिण-दक्षिण समुहसम्बन्धी राष्ट्रसंघीय उच्चस्तरीय तीन दिने सम्मेलन आउँदो मंगलबार सुरु हुँदैछ। सम्मेलनमा आपसी राजनीतिक, आर्थिक, सामाजिक, सांस्कृतिक लगायत विभिन्न किसिमका सहयोग आदानप्रदानबारे छलफल हुनेछ।  मन्त्री कोइराला शनिबार स्वदेश फर्किने कार्यक्रम छ।