माओवादीसामु आत्मसमर्पण गर्न नहुने
काठमाडौं(नागरिक)- कङ्ग्रेसका युवाहरुले नेतृत्व युवा पुस्तामा सार्न माग गरेका छन्। राजधानीमा आयोजित एक कार्यक्रममा उनीहरुले युवाको हातमा नेतृत्व भएमात्र प्रजातन्त्र सुरक्षित हुन सक्ने तर्क पनि गरे।
कार्यक्रममा बोल्दै युवा नेता चन्द्र भण्डारीले अब कङ्ग्रेसको नेतृत्व युवा पुस्तामा जानुपर्ने बताए । र, भने- माओवादीसामु कुनै हालतमा आत्मसमर्पण गर्नुहुँदैन। कार्यक्रममा कङ्ग्रेस नेता सुशील कोइरालाले जनताले नसोचेको परिवर्तन मुलुकमा भएकाले त्यसलाई संरक्षण गर्न सकिन्न कि भन्ने शङ्का उब्जेको भनाइ राखेका थिए। उनले प्रजातन्त्र विरोधीले जति आक्रमण गरे पनि जित भने प्रजातन्त्रकै हुने पनि उल्लेख गरेका थिए।
कार्यक्रममा प्राय: सबैले अबको नेतृत्व युवा पुस्तामा नआए कङ्ग्रेसलाई गरिखान गाह्रो पर्ने धारणा राखेका थिए।
No comments:
Post a Comment