मनोज बस्नेत
काभ्रे, भदौ ५ - शान्ति तथा पुर्नस्थापना मन्त्री रकम चेम्जोङले अयोग्य लडाकुलाई शिविरबाट ननिकालेका कारण माओवादी लडाकुको व्यवस्थापन गर्न सरकारलाई समस्या परेको बताएका छन् ।
माओवादीले अयोग्य चार हजार बाल लडाकुहरुलाई सेनाको रुपमा राखेको भन्दै उनले बालबालिकाको प्रयोग गरेर आपूुसंग धेरै संख्यामा लडाकु भएको माओवादीले देखाउन चाहने बताए ।'संयुक्त राष्ट्र संघले समेत अयोग्य भनी छुट्याइराखेका चार हजार बालबालिकाहरुलाई माओवादीले लडाकुको रुपमा शिविरमा राखेको छ' उनले भनेे ।
शुक्रबार, निजी तथा आवासिय विद्यालय अर्गनाइजेशन -प्याब्सन) ले काभ्रेको बनेपामा आयोजना गरेको २०६५ सालको एस.एल.सी.मा उत्कृष्ट विद्यार्थी एवम् शतप्रतिशत उतिर्ण गराउन सफल विद्यालय सम्मान कार्यक्रममा बोल्दै उनले यस्तो धारणा राखेका हुन् ।
'माओवादी आफ्नै घमण्डको कारणले सरकारबाट हट्यो, उसलाई अहिले सम्म पनि आफूसंग सेना छ भनेर घमण्ड छ' उनले भने । बालबालिकालाई सेना भन्नु अन्तर्राष्ट्रिय कानुन विपरित रहेको भन्दै उनले बालबालिकालाई माओवादी शिविरबाट हटाउनु पर्ने धारणा व्यक्त गरे ।
माओवादीले शिविर भित्र बालबालिकाहरुलाई मानसिक एवम् शारिरीक रुपमा पीडा दिइरहेको छ उनले आरोप लगाए ।
Source:[http://ekantipur.com/nepali/kolmain.php?&nid=210720]
No comments:
Post a Comment