काठमाडौं, १ भदौ (दैनिकी)
नेपाल पर्यटन वर्ष २०११ सफल बनाउन विभिन्न मन्त्रालय तथा सरकारी निकायहरुबाट गर्नु पर्ने पहिचान गरिएका झण्डै २५ भन्दा बढी काम पर्यटन परिषदको समर्थन लिएर कार्यान्वयन गराइने भएको छ।
पर्यटन वर्ष २०११ राष्ट्रिय अभियान मूल आयोजक समितिको सोमबार बसेको बैठकले २०११ लाई राष्ट्रिय अभियानको रुपमा सफलतापुर्वक कार्यान्वयनको लागि मूल समितिमा अझ ब्यापक प्रतिनिधित्व गराउन निर्णय पनि गरेको छ।
यस्तै, मूल समितिअन्तर्गत एक पूर्ण अधिकार सहितको कार्यान्वयन समिति गठन गरी कार्यक्रमहरु कार्यान्वयन गर्ने पनि निर्णग गरिएको छ।
पर्यटन तथा नागरिक उड्डयन मन्त्री एवं मूल आयोजक समितिका अध्यक्ष शरत सिंह भण्डारीको अध्यक्षतामा बसेको बैठकमा १४ वटा कार्यगत उपसमिति तथा ५ वटा क्षेत्रीय उपसमितिहरुले तयार गरिएको कार्यक्रम र हाल सम्म गरेको प्रचारप्रसारका विषयमा समितिका सदस्य सचिव तथा नेपाल पर्यटन बोर्डका कार्यकारी प्रमुख प्रचण्डमान श्रेष्ठले जानकारी दिए।
बैठकमा विभिन्न मन्त्रालयका सचिवहरुले नेपाल पर्यटन वर्ष सफलता बनाउनका लागि आफ्नो मन्त्रालयसंग सम्बन्धित विषयहरुमा पूर्ण प्रतिवद्दता ब्यक्त गरेका थिए। यस्तै निजी ब्यवसायीहरुले पनि अभियानको सिलसिलामा पर्यटन क्षेत्रमा गर्नु पर्ने सुधारका बारे सुझावहरु दिएका थिए।
मूल समितिको बैठकमा राष्ट्रिय योजना आयोगकासदस्य डा. पुष्कर बज्राचार्यलगायत विभिन्न मन्त्रालयका सचिवहरु, सरकारी निकायका प्रतिनिधिहरु, पर्यटन ब्यवसायी संघ संस्थाका अध्यक्षहरु, पर्यटन तथा नागरिक उड्डयन मन्त्रालयका पदाधिकारीहरु लगायत ५८ जनाको सहभागिता थियो।
Source:[http://www.dainikee.com/newsdetail-9636.html]
No comments:
Post a Comment