रेल्वेलाई लेखा परीक्षण गर्न निर्देशन

ब्यवस्थापिका संसद अन्तर्गत सार्वजनिक लेखा समितिले नेपाल रेल्वे कम्पनी लिमिडेडलाई आउँदो माघ महिनाभित्र लेखा परीक्षण गर्न निर्देशन दिएको छ।
समितिको बिहीबार बसेको बैठकले रेल्वे कम्पनीले गत ०५८ सालदेखि लेखा परीक्षण नगरेको देखिएपछि समितिले सो निर्देशन दिएको हो।
जनकपुर–जयनगर रेल सेवाबाट नागरिकले पाएको सुविधा, मर्मतको योजना र भावी कार्ययोजनाका बारेमा जानकारी लिन बिहीबारको बैठकमा श्रम तथा यातायात ब्यवस्था मन्त्रालयका सचिव बाबुराम आचार्य र रेल्वे कम्पनीका निमित्त महाप्रवन्धक यमुना पंजियारलाई बोलाएको थियो।
समितिले कम्पनीका कर्मचारीको यथार्थ विवरण र सेवाका सम्बन्धमा सबै कागजपत्र ७ दिनभित्र उपलब्ध गराउन पनि निर्देशन दिएको छ। समितिले रेल्वे सेवाका बारेमा छलफल गर्न आउंदो भदौ १७ गते श्रम तथा यातायात ब्यवस्था र भौतिक योजना तथा निर्माण मन्त्री र यातायात ब्यवस्था विभागका प्रमुखलाई बोलाएर जानकारी लिने निर्णय पनि गरेको छ।
योबाहेक नमूना रेलको सम्बन्धमा संबन्धित पक्षसँग छलफल गरिएको थियो ।
सरकारले नमूना रेल बनाउने महत्वाकांक्षी योजना बनाएपछि सम्बन्धित पक्षसँग जानकारी लिइएको समितिका सभापति नारायण दाहालले जानकारी दिए ।

Source:[http://www.dainikee.com/newsdetail-9719.html]