सीमानाकामा स्वाइन फ्लूको बढ्दो त्रास

पोखराबाट बालिका काठमाडौ रिफर -नेपालगञ्जमा एक युवक निगरानीमा
काठमाडौं ३२ साउन(दैनिकी)

मणिपाल शिक्षण अस्पताल, पोखराले स्वाइनफ्लूको आशंकामा एक बिरामीलाई काठमाडौँ रिफर गरेको छ।
रुघाखोकी र ज्वरो आएपछि शुक्रबार साँझ उपचारका लागि बाबुआमासँग अस्पताल पुगेकी दुई वर्षीया बालिका अंशु थापालाई गरिएको र्‍यापिट टेस्टका आधारमा स्वाइनफ्लू रहेको आशंका रहेपछि राजधानीस्थित टेकु अस्पताल रिफर गरिएको मणिपाल अस्पतालले जनाएको छ ।
अंशु तनहुँको धारापानी गाविस वडा नं. ४ बस्ने बाबु देवी थापा र अञ्जु थापाकी सन्तान हुन् ।
यसैबीच भारतबाट नेपालगन्ज नाका हुदै घर फर्किदै गरेका एक युवकलाई स्वाइन फ्लु संक्रमण भएको आशंकामा भेरी अञ्चल अस्पतालमा भर्ना गरी आइसुलेन रुममा राखिएको छ।
भारतको पौडी गडबालबाट घर फर्कँदै गरेका रुकुम कोटजहारीका २२ वर्षीय भूपेन्द्र मल्ललाई नेपालगन्ज नाकामा रहेको स्वाइन फ्लु हेल्प डेस्कले स्वाइन फ्लू संक्रमण भएको आशंकामा थप अनुसन्धानका लागि भेरी अञ्चल अस्पतालमा पठाएको हो।

Source:[http://www.dainikee.com/newsdetail-9624.html}