नयाँ दिल्ली, भदौ ५ - वाणिज्य मन्त्री र सचिवहरुलाई दिल्लीमा उनीहरुका भारतीय समकक्षीसँग नेपाल-भारत व्यापार सन्धिको संशोधनमा छलफल गर्न लगाएर प्रधानमन्त्री माधवकुमार नेपाल पहिल्यै तय गरिएको कार्यक्रम अनुसार शुक्रबार मुम्बई पुगेका छन् ।
भारतको आर्थिक राजधानीमा नेपाली प्रधानमन्त्रीले केही व्यापारीहरुलाई सम्बोधन गर्दै नेपालमा लगानी गर्न बोलाए भने भारतीय स्टक एक्स्चेन्ज र हालैमात्र सञ्चालनमा आएको समुद्री पुलको अवलोकन गरे । भारतीय हवाई सेवाको विमानबाट मुम्बई पुगेका प्रधानमन्त्री विमानस्थलबाट सिधै शहरका दुई ठाउ बान्द्रा र ओर्लीलाई जोड्ने सुमद्रमाथिको पुल हेर्न पुगेका थिए । लामो विवाद र निर्माण अवधी पछि बनेको पुल दुई महिना अघि सञ्चालनमा आएको थियो ।
मुम्बईको एक रात प्रधानमन्त्री नेपालले गत नोभेम्बरमा आतंककारी हमलामा परेको ट्राइडेन्ट ओवरोय होटलमा विताएका छन् । दिल्लीमा पनि उनी ओवरोयमै बसेका थिए ।
भारतीय कि्रकेट बोर्डका अध्यक्ष सशांक मनोहरले प्रधानमन्त्रीलाई होटलमै भेटेका छन् । बोर्डले नेपाली क्रिकेट क्षेत्रमा गर्ने सहयोगबारे कुनै कुरा भएको थिएन ।
आफ्नो राजधानी शहरमा फोहोरका समश्याबाट चिन्तित प्रधानमन्त्रले बृहन्मुम्बई महानगरपालिको फोहोर व्यवस्थापन तरिकाबारे पनि जानकारी लिएका छन् ।
यता दिल्लीमा वाणिज्य मन्त्री राजेन्द्र महतो, मुख्य सचिव माधव घिमिरे, वाणिज्य सचिव पुरुषोत्तम ओझा, परराष्ट्र सचिव ज्ञानचन्द्र आचार्य प्रधानमन्त्रीसँग मुम्बई जाने कार्यक्र रद्ध गरी व्यापार सन्धीको संशोधित खेस्रामाथि भारतीयहरुसँग छलफल गरेका छन् । बुझिए अनुसार तेस्रो मुलुकबाट ल्याइएको सामान नेपाल या भारत हुदै एक अर्को मुलुकमा निर्यात गर्ने प्रावधान हटाइने छ । दिल्ली आउदा नेपाली पक्षले त्यो बुदाँ विना सहमति नजनाउने र भारतलाई मनाउने सोच राखेको थियो । चीनिया सामान नेपाल हुदै भारतीय बजार छिरेर आफ्ना उत्पादनको कारोबारमा क्षति पुर्याउने डरले भारतले त्यो बुदाँमा पटक्कै सहमति जनाएन । त्यसैले सन्धीलाई समान तुल्याउन भारत आएका तेस्रो देशका सामान पनि नेपाल आयान गर्न पाइने बुदा हटाइएको छ । शनिवार दिल्ली हुदै नेपाल फर्किने योजनामा रहेका प्रधानमन्त्रीको यात्रा तालिकामा हल्का वदलाव गरेर कुनै वेला सन्धीको संसोधित स्वरुपमा हस्ताक्षण हुने सम्भावना रहेको नेपाली पक्षबाट बुझिएको छ । 'कुराकानी भइरहेको छ, शनिवारसम्ममा हस्ताक्षर होला,' वाणिज्य सचिव ओझाले शुक्रबार दिउसो कान्तिपुरसँग भने ।
Source:[http://ekantipur.com/nepali/kolmain.php?&nid=210756]
No comments:
Post a Comment