काठमाडौंमा २० अगस्तमा अस्ट्रेलियन शैक्षिक मेला हुने भएको छ । अष्ट्रेलिया पढ्न चाहने विद्यार्थीलाई शिक्षाका अवसरबारे जानकारी दिन मेला आयोजना गरिएको मंगलबार राजधानीमा आयोजित पत्रकार सम्मेलनमा जानकारी दिइएको हो । मेलामा अष्ट्रेलियाका २८ शिक्षण संस्था र सरकारका प्रतिनिधिले शैक्षिक अवस्थाबारे जानकारी गराउने जनाइएको छ ।
अष्ट्रेलियन दूतावास नेपालको सहकार्यमा अष्ट्रेलियन टे्रड कमिसन, अष्ट्रेलियन एजुकेसन इन्टरनेशनल, अष्ट्रेलियन डिपार्टमेन्ट अफ इमिग्रेसन एन्ड सिटिजनसिप अष्ट्रेलियन एजुकेसन इन्टरनेसनलबाट अस्ट्रेलियन डिपार्टमेन्ट अफ एजुकेसनले मेला संयोजन गरेका हुन् ।
मेला नेपालमा पहिलोपटक अष्ट्रेलियन दूतावासको सहयोगमा हुन लागेको हो । मेलामा नेपाली विद्यार्थीले पाउने सुविधा र आवश्यकताबारे जानकारी गराइने भएकाले उनीहरूलाई इच्छाअनुसारका विषय र ठाउँ रोज्न सघाउने आयोजकको अपेक्षा छ । पत्रकार सम्मेलनमा नेपालका लागि अष्ट्रेलियन राजदूत सुशन ग्रेसले अन्तर्राष्ट्रिय विद्यार्थीलाई अष्ट्रेलियन सरकार उच्च गुणस्तरीय शिक्षा प्रदान गर्न सकारात्मक रहेको जानकारी दिइन् ।
No comments:
Post a Comment