बिहिवार, 20 अगष्ट
विराटनगर, ४ भदौ (नागरिक) - एकीकृत नेकपा माओवादीका अध्यक्ष पुष्पकमल दाहालले प्रधानमन्त्री माधव नेपालको भारत भ्रमण असफल रहेको दाबी गरेका छन्। परराष्ट्र मन्त्री सुजाता कोइरालाले अन्तिम समयमा आएर भ्रमण रद्द गर्नु र भारतसँग वाणिज्य सन्धी नहुनेले भ्रमण असफल भएको पुष्टि भएको उनले बताए।
दाहालले अब छिट्टै माओवादीकै नेतृत्वमा राष्ट्रिय सरकार बन्ने बताएका छन्। कार्यकर्ता प्रशिक्षणका लागि धरान जाने क्रममा बिहीबार विराटगर विमानस्थलहरुमा पत्रकारहरुको जिज्ञासमा दाहालले वर्तमान सरकारले शान्ति प्रक्रियालाई टुगोमा पुर्याउन र नयनँ संविधान लेख्न नसक्ने बताए। संविधानसभाको ठूलो दल भएका कारण माओवादीकै नेतृत्वमा राष्ट्रिय सरकार बन्नु पर्ने दाहालको भनाइ थियो।
अध्यक्ष दाहालसँगै वरिष्ठ उपाध्यक्ष मोहन वैद्य, उपाध्यक्षहरू बाबुराम भट्टराई, नारायणकाजी श्रेष्ठ, महासचिव रामबहादुर थापालगायतका नेताहरू त्यसतर्फ लागेका हुन्।
पार्टीअन्तर्गतको कोचिला, किराँत र लिम्बुवान राज्यसमितिअन्तर्गतका कार्यकर्ताहरूलाई प्रशिक्षण दिनका लागि उनीहरू धरान गएका हुन्।
Source:[http://www.nagariknews.com/politics/party-politics/4169-2009-08-20-08-00-22.html]
No comments:
Post a Comment