कपिल भट्ट/कैलाली, ३० पुष
चौथौ चरणको आन्दोलन गरिरहेको एकीकृत नेकपा माओवादीले बिहीबार धनगढीमा पनि भारत-नेपालबीच भएको सन् १९५० को सन्धी जलाएको छ । धनगढीको एलएनचोकमा आयोजित कार्यक्रममा माओवादीहरूले भारत-नेपालबीचको सन् १९५० को सन्धी असमान भएको भन्दै जलाएका थिए । सो अवसरमा माओवादी नेता लेखराज भट्टले आफ्नो पार्टी जारी राखेको आन्दोलन राष्ट्रिय स्वाधिनताको रक्षाका लागि भएको दोहोर्याए ।
उनले भारतसँग भएका सबै असमान सन्धीसम्झौता खारेज हुनुपर्ने दोहोर्याउँदै नेपालको राजनीतिकमा भारतीय पक्षबाट खुला हस्तक्षेप भइरहेको चर्चा गरे । कार्यक्रममा माओवादी सम्बद्ध जनवर्गीय संगठनका नेता कार्यकर्ताहरूको सहभागिता रहेको थियो । माओवादीले चौथे चरणको कार्यक्रम अर्न्तर्गत विहीबार देश भरी कार्यक्रम सञ्चालन गरेको छ ।
No comments:
Post a Comment