माओवादी गणराज्य घोषणाप्रति राष्ट्रपति चिन्ता यथावत/हामी प्रतिकार गछौं: गच्छेदार

काठमाडौं (कान्तिपुर) -

राष्ट्रपति रामवरण यादवले माओवादीको गणराज्य घोषणा कार्यक्रम फिर्ता नलिएको भन्दै असन्तुष्टि व्यक्त गरेका छन् । राष्ट्रपतिभवन पुगेका कार्यवाहक प्रधानमन्त्री विजयकुमार गच्छेदारसँग उनले त्यसलाई रोक्न सरकारले पर्याप्त काम गर्न नसकेको भन्दै असन्तुष्टि जनाएका थिए । 'राष्ट्रपतिज्यूले माओवादीले गणतन्त्र घोषणा कार्यक्रम स्थगित नगरेकोमा चिन्ता व्यक्त गर्नुभयो' गच्छेदारले राष्ट्रपतिसंगको भेटपछि संवाददाताहरुसंग भने, 'म माओवादीसंग अन्तरिम संविधानविरोधी र संविधनसभालाई वाइपास गर्ने यो कार्य बन्द गर्न आग्रह गर्दछु ।' गच्छेदारले सत्तारुढ मधेसवादी तीन दलले माओवादीको कार्यक्रमबिरुद्ध गरेको निर्णयको जानकारी राष्ट्रपतिलाई गराएका थिए । मधेसी जनअधिकार फोरम -लोकतान्त्रिक), तराई मधेस लोकतान्त्रिक पार्टी र सदभावना पार्टीको बैठक बसी बुधबार नै माओवादीले घोषणा गरेको गणराज्य र कैलालीलगायतका स्थानमा गरिएको बन अतिक्रमणका कार्यक्रमको कडा विरोध गरेका थिए ।

'उपेन्द्रप्रवृत्तिले मधेसी हक स्थापित हुँदैन'

काठमाडौं (नयाँ पत्रिका )

उपप्रधानमन्त्री एवं मधेसी जनअधिकार फोरम (लोकतान्त्रिक) का अध्यक्ष विजय गच्छदारले मधेसी अधिकारका लागि उठेको आवाजलाई उपेन्द्रप्रवृत्तिले समेट्न नसक्ने बताएका छन् । विभिन्न पार्टी परित्याग गरी फोरम प्रवेश गरेका नवआगन्तुकलाई स्वागत गर्न पार्टीको केन्द्रीय कार्यालयमा आयोजित कार्यक्रममा उपप्रधानमन्त्री गच्छदारले भने, 'फोरम लोकतान्त्रिक राष्ट्रिय पार्टी हो, त्यसैले फोरमलाई मधेस, पहाड, हिमाल सबै क्षेत्रको प्यारो पार्टी बनाउनुपर्छ ।' तोकिएकै समयभित्रै संविधान घोषणा हुने वातावरण तयार गर्न जिम्मेवार दलहरू इच्छुक नदेखिएकाले मुलुक ठूलै राजनीतिक संकटतर्फ धकेलिने सम्भावनासमेत रहेको गच्छदारले बताए । गच्छदारले नेपाल सद्भावना पार्टीका संस्थापक केन्द्रीय सदस्य एवं केन्द्रीय सल्लाहकार समिति सदस्य दिलिपकुमार धाडेवा, कांग्रेस गौर नगर समितिका पूर्वसभापति मनोज शर्मा, फोरम संस्थापन पक्षका बारा जिल्ला सभापति सइद हवारीलगायतका नेतालाई सदस्यता प्रदान गरी आफ्नो पार्टीमा स्वागत गरेका थिए ।

सरकार परिवर्तन हुदैनः गच्छदार

महेन्द्रनगर(कान्तिपुर)-

उपप्रधानमन्त्री विजयकुमार गच्छदारले सरकार हल्ला कै भरमा परिवर्तन नहुने दाबी गरेका छन् । उनले ठूला दलले सरकार परिवर्तनको हल्ला गरेर अस्थिरता श्रृजना गर्न खोजेको आरोप लगाए ।  आइतबार बिहान महेन्द्रनगरमा मधेशी जन अधिकार फोरम (लोकतान्त्रिक) कञ्चनपुरले आयोजना गरेको पत्रकार भेटघाट कार्यक्रममा बोल्दै मन्त्री गच्छदारले अहिलेको सरकार बदलिने हल्ला गरेर अन्यौल श्रृजना गर्ने कोसिस भइरहेको दाबी गरे । माओवादी अध्यक्ष पुष्पकमल दाहाल र कांग्रेस सभापति गिरिजाप्रसाद कोइरालाबीच सिंगापुरमा भेट हुँदैमा सरकार परिवर्तन नहुने बताए । उनले सरकार परिवर्तनमा कांग्रेस पनि सहमत हुन नसक्ने दबी गरे । उनले उच्चस्तरीय राजनीतिक संयन्त्र बैधानिक नभई राजनैतिक समझदारी र सहमति कायम गर्दै दलहरुबीचको द्वन्द अन्त्यका लागि बन्न लागेको उनको धारणा थियो ।

यो देश माओवादीको मात्र होइनः गच्छदार

नयाँ पत्रिका /भोला पासवानौं

उपप्रधानमन्त्री विजयकुमार गच्छदारले २२ दलको संयुक्त सरकार ढालेर नयाँ सरकार बनाउने दिवास्वप्न नदेख्न मओवादीलाई चेतावनी दिएका छन् । मधेसी दलित अधिकार संघर्ष समिति, काठमाडौंद्वारा आइतबार आयोजित सामूहिक पार्टी प्रवेश कार्यक्रममा मधेसी जनअधिकार फोरम लोकतान्त्रिकका अध्यक्षसमेत रहेका उपप्रधानमन्त्री गच्छदारले भने, 'अल्पमत रहेको माओवादी महिनौँदेखि संसद् अवरुद्ध पारेर अलोकतान्त्रिक प्रक्रियाबाट सरकार बनाउने सपना देख्दै छ । त्यो कदापि पूरा हुँदैन ।'

पहिला लडाकुलाई निशस्त्र बनाउः गच्छेदार

सेना, हतियार र अर्धसैनिक दस्तालाइ पहिला व्यवस्थापन गर्नुपर्यो 

काठमाडौ -

उपप्रधानमन्त्री विजयकुमार गच्छेदारले माओवादीसंग जुनसकै सहमति गर्नुपूर्व लडाकुलाई निशस्त्र गर्नुपर्ने शर्त अघि सारेका छन् । 'सेना, हतियार र अर्धसैनिक दस्तालाइ पहिला व्यवस्थापन गर्नुपर्यो' गच्छेदारले विहीवार राजधानीमा आयोजित कार्यक्रममा भने 'त्यस पछि मात्रै उनीहरुसंग कुनै प्रकारको सहमति हुन्छ ।' 

सरकार परिवर्तन गर्न खोजे मधेशवादी दलहरुले संसद अवरोध गर्ने

बुटवल,, कार्तिक १० (दैनिकी)

मधेशी जनअधिकार फोरम लोकतान्त्रिकका अध्यक्ष तथा उपप्रधानमन्त्री विजयकुमार गच्छदारले संसद अवरोध गरेर सरकार परिवर्तन गर्न माओवादीले खोजेको भए उसको नेतृत्वमा सरकार वने त्यो सरकारलाई ढाल्न मधेशवादी दलहरुले संसद अवरोध गर्ने चेतावनी दिनुभएको छ । उहाँले विधि सम्वद्ध रुपमा संसदमा वहुमत प्राप्त गरी वनेको सरकारविरुद्ध संसद अवरोध गरेर सरकार गठन गर्न माओवादीले चाहेको भए अव संसद घेर्न मधेशवादी सभासदहरु समेत पछि नहट्ने बताउनुभयो । रिपोर्टस क्लब नेपाल लुम्विनी समन्वय समितिद्धारा आज भैरहवामा आयोजित साक्षात्कार कार्यक्रममा वोल्दै उपप्रधानमन्त्री गच्छदारले संसदमा रहेका मधेशी सभासद्हरु एक भै अव वन्ने सरकारलाई समेत राजिनामा दिन लगाउने चेतावनी दिनुभयो ।

तीन ठूला दलप्रति गच्छदार क्रुद्ध

'माओवादी, कांग्रेस, एमालेको मात्रै देश होइन', मधेसी पत्रकार समाजको प्रथम महाधिवेशन उदघाटनको क्रममा शनिबार उनले राजधानीमा भने, 'चौथो शक्तिको रुपमा रहेको मधेसवादी दललाई उपेक्षा गरियो भने तीन पार्टीले र समग्र मुलुकलेनै अझ ठूलो संकटको सामना गर्नुपर्छ ।' काठमाडौ, २०६६ आश्विन २४ - उपप्रधानमन्त्री विजयकुमार गच्छदारले प्रमुख तीन दलको मनोमानिमा राज्य पुर्नसंरचना गर्ने षडयन्त्र भइरहेको आरोप लगाएका छन् । उनले माओवादी, कांग्रेस र एमालेको सहमतिमा हुन लागेको त्यस्तो षडयन्त्र मधेसवादी दलको लागि मान्य नहुने समेत

गतिरोध अन्त्य नहुनुमा तीन ठूला दल मुख्य दोषिः गच्छदार

संजीव चापागाई झापा २२ असोज

उपप्रधान एवम भौतिक योजना तथा निर्माण मन्त्री विजयकुमार गच्छदारले वर्तमान सरकार ढलेर आफ्नो नेतृत्वमा सरकार बनाउने भन्ने कुरा माओवादीको दीवा सपना मात्रै रहेको बताएका छन । झापाको भद्रपुरमा बिहीबार आयोजिजत पत्रकार भेटघाट कार्यक्रममा उपप्रधानमन्त्री गच्छदारले वर्तमान सरकार ढल्ने र माओवादी नेतृत्वमा सरकार बन्ने भन्ने दुबै कुरा असम्भब रहेको बताए । उपप्रधानमन्त्री गच्छदारले वर्तमान सरकार बहुमत प्राप्त सरकार भएकाले यही सरकारले संविधान निर्माण र शान्ति प्रकृयालाई निष्कर्षमा पुर्याउने दाबी गरे ।

माओवादीको उग्रप्रदर्शनले मन्त्रीहरुलाई टेन्सन ; तागत भए गोली हानः गच्छदार

काठमाडौं २९ भदौ (दैनिकी)

उपप्रधानमन्त्री विजयकुमार गच्छदारले तागत भए एकीकृत माओबादी कार्यकतालाई गोली हान्न चुनौती दिएका छन।
माआवादी कार्यकर्ताले पूर्व निधारित कार्यक्रमअनुसार प्रधानमन्त्री र मन्त्रीहरुको सार्वजनिक कार्यक्रम बहिस्कार र कालो झन्डा प्रदर्शनलाई तीब्र पादै लगेपछि उपप्रधानमन्त्री गच्छदारले सक्ने भए गोली हान्न चुनौती दिएका हुन।