टाइगर्स इन्चार्ज पक्राउ

अबधेशकुमार झा/इनरुवा, २०६६ पुस २२ - 

जवरजस्ती चन्दा उठाउदै हिडेको आरोपमा मधेशी मुक्ति टाइगर्सका सुनसरी जिल्ला इन्चार्ज सम्राट सिह भनिने ज्ञानदेब पण्डितलाइ बुधबार प्रहरीले पक्राउ गरेको छ । सरकारसित वार्तामा रहेको भएपनि सर्बसाधारण , उद्योगी ब्यापारीहरु सँग जबरजस्ती धम्कयाएर चन्दा असुल्ने कार्यमा संलग्न रहेको उजुरी परेकाले उनलाइ पक्राउ गरिएको सुनसरीका प्रहरी उपरीक्षक भुपालकुमार भण्डारीले जानकारी दिए । सदरमुकाम इनरुवाको बिहिवारे हटियावाट पक्राउ परेका पण्डितमाथिकानुनी कारवाहीको प्रक्रिया अघि बढाइएको भण्डारीले बताए ।

मोष्ट वाण्टेड पक्राउ/वार्ता टोली सदस्य प्रहरी नियन्त्रणमा

देवनारायण साह/सिरहा (कान्तिपुर)- 

बिभिन्न अपराधिक गतिविधिमा संलग्न रहेको आरोपमा प्रहरीको मोष्ट वाण्टेड सूचिमा रहेका हरकट्टी ५ कुण्डलपुरका हरिगोबिन्द यादवलाई सशस्त्र प्रहरीले सोमबार साँझ पक्राउ गरेको छ । सशस्त्र प्रहरी निरीक्षक होमनाथ पन्थीको नेतृत्वमा खटिएको टोलीले यादवलाई सिरहाको पोखरिया चौकबाट पक्राउ गरेको सीमा सुरक्षा कार्यालय सिरहाले जनाएको छ । पक्राउ परेका यादव इलाका प्रहरी कार्यालय पतारीमा कार्यरत एक प्रहरीको हत्या, गाँजा तस्करी, हरकीमा एक महिलाको बलात्कारलगायतका घटनामा संलग्न रहेको प्रहरीको आरोप छ । यसैबीच, जनतान्त्रिक तराई मुक्ति मोर्चा राजीव समूहका वार्ता टोली सदस्यसहित दुई जनालाई सिरहा सदरमुकाममा चन्दा संकलन गरिरहेको आरोपमा प्रहरीले सोमबार साँझ पक्राउ गरेको छ । सिरहा नगरपालिका घर भएका मोर्चाका वार्ता समितिका सदस्य पारस मुक्ति भन्ने सोभित यादव र ठेगाना नखुलेका इन्द्रदेव मण्डललाई जिल्ला प्रहरी कार्यालय सिरहाले पक्राउ गरेको छ । 

हतियारसहित पक्राउ परेका माओवादी कमाण्डर रिहा

नेपालगन्ज (नागरिक)- 

शान्ति सुरक्षामा खलल पुर्‍याएको आरोपमा जेल चलान गरिएका माओवादी सेनाका बिग्रेड कमाण्डर दीपेन्द्रबहादुर शाही शुक्रबार रिहा भएका छन्। बन्दी प्रत्यक्षीकरणको मुद्दामा पुनरावेदन अदालत नेपालगन्जले उनलाई रिहा गर्न आदेश दिएको थियो। व्यक्तिगत कामको सिलसिलामा कोहलपुरमा आएको बेला स्थानीयसँग विवाद गर्दै गरेको आरोपमा पक्राउ परेका शाहीलाई बाँके प्रशासनले सार्वजनिक सुरक्षा ऐन २०४६ अन्तर्गत पाँच दिनअघि जेल चलान गरेको थियो। प्रशासनका अनुसार स्थानीयसँग विवाद भइरहेका बेला प्रहरीले परिचय पत्र माग्दा उल्टै पेस्तोल देखाएपछि उनलाई पक्राउ गरिएको थियो। माओवादी कार्यकर्ता तथा अधिवक्ता तीर्थ ज्ञवालीले शाहीलाई गैरकानुनी थुनामा राखेको माग दाबी गर्दै दर्ता गराएको निवेदनको आधारमा पुनरावेदन अदालतका मुख्य न्यायाधीश हरिराम कोइराला र न्यायाधीश टङ्कबहादुर मोक्तानको इजलासले थुनामा राख्न नमिल्ने भन्दै शाहीलाई मुक्त गर्ने आदेश दिएको थियो।

रकम लुट्ने भारतीय पक्राउ

कपिलवस्तु (नगारिक)

बैंकमा आउने ग्राहकलाई विभिन्न समस्या देखाई रकम लुटपाटको घटनामा संलग्न रहेको आरोपमा कपिलवस्तु प्रहरीले दुई भारतीय नागरिकलाई पक्राउ गरेको छ। पक्राउ पर्नेमा जोगवनी भारतका राजीव तेली साह र गोरखपुरका मङ्गल साह तेली छन्। वाणिज्य बैंक, तौलिहवा शाखाका कर्मचारीको आग्रहमा उनीहरुलाई पक्राउ गरिएको प्रहरीले जनाएको छ। उनीहरुको साथबाट प्रहरीले नेपाली एक लाख रुपैयाँ बरामद गरेको छ। उनीहरुलाई विशेष सुराकीका आधारमा दशगजाक्षेत्रबाट नेपाल आउँदै गर्दा कृष्णनगरबाट पक्राउ गरेको प्रहरी निरीक्षक कृष्ण केसीले जनाए। प्रहरी उपरीक्षक विक्रमसिंह थापाले आरोपितद्वयलाई जिप्रका, तौलिहवामा राखेर अनुसन्धान सुरु गरिएको बताएका छन्। आरोपितद्वयले पत्रकारसितको संक्षिप्त कुराकानीमा आफूहरु अपराधमा संलग्न भएको स्वीकार गरे। भगवानपुरका स्थानीय गणेश ठकुरीले गत १९ कात्तिकमा रकम निकाल्न आएको समयमा लामो लाइनमा बसेर चेक साटे लगत्तै रु. ५० हजार हराएको बताएका थिए।

माओवादी कमाण्डरलाई ३ महिना जेल

नेपालगन्ज (नागरिक)- 

अनमिनले प्रमाणित गरेको चाइनिज पेस्तोल बोकेर कोहलपुरमा एक स्थानीयसँग विवाद गरेका माओवादी ब्रिग्रेड कमाण्डर दीपेन्द्र शाहलाई बाँके प्रशासनले तीन महिनाका लागि जेल राख्ने आदेश दिएको छ। शान्ति सुरक्षामा खलल पुर्‍याएको आरोपमा उनलाई नजरबन्दमा राख्ने आदेश दिइएको जिल्ला प्रशासन कार्यालयले जनाएको छ। यसअघिझैं हतियारसहित पक्राउ परेका माओवादी कार्यकर्तालाई छाड्न अनमिन र माओवादी नेतृत्वले सक्दो प्रयास गरे पनि गृहमन्त्रीको आदेशमा प्रशासनले जेल पठाएको स्रोतले बतायो। शाह माओवादी लडाकुको रोल्पास्थित पाँचौ डिभिजनका बिग्रेड कमाण्डर हुन्। शनिबार कोहलपुरमा एक होटेलमा विवाद गरिरहेका बेला उनलाई इलाका प्रहरी कार्यालयले पक्राउ गरेको थियो। शाहसँगै रहेका चार जना भने भागेका थिए। माओवादीले भने व्यक्तिगत कामको सिलसिलामा आएका शाहलाई प्रशासनले जेल हालेर शान्ति प्रक्रिया भाँड्ने प्रयास गरेको आरोप लगाएको छ। 

स्वचालित हतियार सहित तस्कर पक्राउ

दीपेन्द्र बडुवाल/नारायणगढ(कान्तिपुर) - 

चितवन निकुञ्जको गस्ती टोलीले स्वचालित हतियार सहित दुई जना चोरी शिकारमा संलग्न व्यक्ति पक्राउ गरेको छ । दोश्रो पटक गैडा मार्ने तयारीमा लागेका नवलपरासीको पिठौली गाबिसका पे्रम महतो र कोल्वहा गाबिसका चिन्तामणी गुरौ पक्राउ परेका हुन । दुबैलाई स्वचालित हतियार एक थान र त्यसमा प्रयोग हुने ५ थान गोली सहित मंसिर ८ गते पिठौली गाविसबाट पक्राउ गरेको कार्यालयले शुक्रबार सांझ जनाएको छ । प्रमुख संरक्षण अधिकृत नरेन्द्रमानबावु प्रधानका अनुसार दुबैले गैंडा मार्ने तयारी पूरा गरेको अवस्थामा पक्राउ परेका हुन । कार्यालयले दुबैलाई हिरासतमा लिएर अनुसनधान जारी राखेको जनाएको छ ।

सशस्त्र समुहहरुलाई हतियार आपुर्ती गर्ने पक्राउमा

नेपालमा सशस्त्र समुहहरुका साथै विभिन्न अपराधिहरुलाई हातहतियार आपुर्ती गर्ने एक जना भारतीय व्यक्तिलाई प्रहरीले आशंकाका आधारमा सोमवार जनकपुरमा पक्राउ गरेको छ।

नन्दन भन्ने व्यक्ति हतियार आपूर्तीकर्ता रहेको र तिनलाई पक्राउ गरी हाल बयान लिने कार्य बाँकी नै रहेको जिल्ला प्रहरी कार्यालय धनुषाका प्रहरी नायब उपरीक्षक उमाप्रसाद चतुर्वेदीले दैनिकी लाई जानकारी दिनु भएको छ। गत आइतवार मात्र मोर्चाका राजन मुक्ति समुह र ज्वाला समुहका एक/एक जना कार्यकर्तालाई हतियार तथा चन्दा माँग गरेको लेटर प्याड सहित पक्राउ गरी लिइएको बयानका आधारमा नन्दनलाई पनि पक्राउ गरिएको हो।

एसएमजी र पेस्तोलसहित ५ पक्राउ

अबधेशकुमार झा/इनरुवा(कांतिपुर)- 

सुनसरी जिल्लामा आपराधिक गतिविधि गर्दै आएका पाचजना भारी परिमाणमा हतियार सहित पक्राउ परेका छन् । नेपाल प्रहरीले भारतीय प्रहरीसित समन्वय गरी सञ्चालन गरेको अप्रेसन अन्तरगत चारजना नेपालमा र एकजना सुनसरीसित सिमा जोडिएको भारतीय वजार बिरपुरमा पक्राउ परेका हुन् ।  सुनसरी प्रहरीले लामो समय देखी थालेको अप्रेसन पछि बिगत दुई दिन यता नेपालमा पक्राउ परेका चारजनालाई बिहीबार पत्रकार सम्मेलन गरि सार्वजनिक गरेको हो । नेपाली क्षेत्रअन्तरगत भारतसित सिमा जोडिएको सुनसरीको हरिपुरबाट पक्राउ पर्नेहरुमा सुनसरी देवानगञ्ज ४ का २३ बर्षीय भगत सिह भनिने सन्तोषकुमार मेहता , कप्तानगञ्ज ५ का २० बर्षीय सन्तोष गुप्ता भनिने सन्तोषकुमार मेहता , सोही ठाउ बस्ने २१ बर्षीय बद्री मेहता र बसन्तपुर ६का कैलु भनिने ३२ बर्षीय भगतनारायण मेहता रहेको सुनसरीका प्रहरी उपरीक्षक राजेन्द्रमान श्रेष्ठले जानकारी दिए ।

नेपालगन्ज,(नागरिक)- 

बाँकेको खजुराखर्द गाविस वडा नं. १ जुगनभरिया गाउँमा जनतान्त्रिक मधेस मुक्ति टाइगर्स समूहका दुई कार्यकर्ताको हत्या भएको छ। बाँकेका प्रहरी नायब उपरीक्षक राजकुमार बैदवारका अनुसार मृतकहरु अन्दाजी २५/२६ वर्षका मुन्ना यादव र गङ्गा पासी हुन्। मृतक आफ्ना कार्यकर्ता भएको सो समूहका पोलिटब्युरो सदस्य भगत सिंहको स्वीकारोक्ति छ। घाँटी रेटिएको तथा गोली हानी हत्या गरिएका ती दुवै जनालाई उनीहरुकै समूहले हत्या गरेको हुनसक्ने प्रहरीले प्रारम्भिक अनुमान गरेको छ।

लुटेरा समात्न 'महिला एम्बुस टोली’

काठमाडौं/ उपत्यकामा सिक्री लुटेराको बिगबिगी बढेपछि प्रहरीले लुटेरा पक्राउ गर्न सादा पोसाकमा महिला प्रहरी परिचालन गरेको छ । एकै दिन चारजनासम्मको सिक्री लुटिन थालेपछि महानगरीय प्रहरी परिसर काठमाडौंले उपत्यकाका २० स्थानको छनोट गरी महिला प्रहरी खटाएको हो । प्रहरीका अनुसार महिला प्रहरीलाई सहयोग गर्न एक सय सर्वसाधारण महिलालाई समेत उपयोग गरिएको छ । महिला प्रहरी र स्वयंसेवी महिला

ज्वाला सिंहका केन्द्रीय सदस्य पक्राउ

विजेता सिंह/जनकपुर, २० असोज

जनतान्त्रिक तराई मुक्ति मोर्चा (ज्वाला सिंह समूह)का केन्द्रिय सदस्य तुलसी भनिने साखीचन्द्र यादवलाई मंगलबार बिहान सशस्त्र प्रहरीले महोत्तरीबाट पक्राउ गरेको छ। महोत्तरी जिल्लाको एकडारा वार्ड न.८ मा रहेको यादवको आफ्नै घरबाट पक्राउ गरेको सशस्त्र प्रहरीका नायब निरीक्षक जनकबहादुर बोहराले जानकारी दिए।  चन्दा आतंक र धम्कीको आरोपमा पक्राउ गरेको यादवको साथबाट प्रहरीले मोर्चाको आवश्यक दस्तावेजहरु बरामद गरेको छ।

पक्राउपरेपछि सशस्त्र समूहका नेता राजधानी ल्याइने

काठमाडौ, २०६६ आश्विन ११ - गृहमन्त्रालयले शस्त्र समूहको केन्द्रीय नेता पक्राउ पर्नासाथ राजधानी पठाउन स्थानिय सुरक्षा निकायलाई निर्देशन दिएको छ । गृमन्त्रालयको यस्तो निर्देशनपछि एक महिना यता पूर्वबाट सशस्त्र समूहका आधा दर्जन भन्दा बढी केन्द्रीय नेतालाई पक्राउ गरेर राजधानी ल्याइएको छ ।

सोलुबाट किरात वर्कर्स कार्यकर्ता पक्राउ

महेश्वर चामलिङ राई, उदयपुर, असोज १ -

किरात जनवादी वर्कर्स पार्टीका कार्यकर्ता भएको आशंकामा ५ जनालाई सोलुखुम्बु प्रहरीले मंगलबार साँझ पक्राउ गरेको छ। सदरमुकामदेखि ३ दिन लाग्ने जुगु गाउँ विकास समिति -४ बाट हतियार र कागजातसहित उनीहरु पक्राउ परेका हुन्। सोलु र ओखलढुङ्गाको सीमास्थलमा पर्ने उक्त

सशस्त्र समूहका चार जना भारतमा पक्राउ

विजेता सिंह/जनकपुर, २५ भदौ

मधेशमा सशस्त्र विद्रोह गरिरहेको मधेश राष्ट्र जनतान्त्रिक पार्टी क्रान्तिकारीका प्रवक्ता रणवीर सिंह (विवश विद्रोही)सहित चार जना केन्द्रिय सदस्यलाई भारतीय प्रहरीले पक्राउ गरेको छ।
मधेस राष्ट्र जनतान्त्रिकका प्रवक्ता विवस विद्रोही, रामबाबु यादव, रामनारायण यादव र रामविलास यादवलाई नेपाल प्रहरीलाई बुझाउने तयारी भइरहेको भारतीय प्रहरीले जनाएको छ। उनीहरुलाई भारतको दरभंगाको अलपट्टीबाट पक्राउ गरिएको हो।
उनीहरुबाट तीन थान पेस्तोल, दुई दर्जन गोली, २ थान नलकटुवासहितका हातहतियार बरामद गरिएको जनाइएको छ। सरकारले तराई क्षेत्रमा विशेष सुरक्षा नीति लागु गरेपछि सशस्त्र समूहका व्यक्तिहरु भारतमा शरण लिन थालेका छन्।
गत दुई महिना पहिले सो पाटीको अध्यक्ष सन्देश भनिने मेनेजर महतोलाई भारतकै जयनगरबाट भारतीय प्रहरीले पक्राउ गरी नेपाल प्रहरीलाई सिरहामा बुझाउदा सिरहा प्रहरीले इन्काउन्टर गरी ढालेको थियो।
अहिले सो पार्टीको अध्यक्षता पार्टीका उपाध्यक्ष रणवीर सिंहले गरिरहेको छन।

तराई कोब्राका इन्चार्ज पक्राउ

कपिलवस्तु/ तराईमा भूमिगत रूपमा सशस्त्र आन्दोलन गर्दै आएको तराई कोब्राका कपिलवस्तु इन्चार्ज दोहनी- १ निवासी राजीव भन्ने देवेन्द्र पाण्डेलाई प्रहरीले पक्राउ गरेको छ । सहयोगी अखिलेश्वर चौधरीसहित पाण्डेलाई मंगलबार राति विशेष सुराकीका आधारमा प्रहरीले कपिलवस्तुको एक अज्ञात स्थलमा पक्राउ गरेको हो ।

प्रहरीका अनुसार पाण्डे एक साताअघि जिल्ला शिक्षा कार्यालय कपिलवस्तुमा बम विस्फोटको घटनामा संलग्न थिए । जिल्ला प्रहरी कार्यालय कपिलवस्तुका प्रहरी उपरीक्षक विक्रमसिंह थापाले पक्राउ परेका दुवैजनालाई आवश्यक अनुसन्धान गरी कारबाही गरिने बताएका छन् ।

कांग्रेस मुख्यालयमा बम विष्फोट गर्ने पक्राउ

विराटनगर, भदौं २४ (नागरिक)-

नेपाली कांग्रेसको केन्द्रीय कार्यालय काठमाण्डौंमा बम बिष्फोट गराउने नेपाल डिफेन्स आर्मीका उज्जवल खरेललाई मोरङ प्रहरीले बुधवार पक्राउ गरेको छ।

जिल्ला प्रहरी कार्यालय मोरङका प्रमुख एसपी देवेन्द्र सुबेदीले दिएको जानकारी अनुसार विराटनगरबाट खरेललाई पक्राउ गरिएको हो। खरेल कांग्रेस मुख्यालयमा बम बिष्फोट गराउने कार्यमा संग्लन रहेको एसपी सुबेदीले बताए।

अनुसन्धानका लागि खरेललाई जिल्ला प्रहरी कार्यालय मोरङको हिरासतमा राखिएको छ। यसअघि, मोरङ प्रहरीले डिफेन्स आर्मीका प्रमुख आरपी मैनाली र रणवीर सेनाका कमाण्डर बिनोद पाण्डेलाई पक्राउ गरिसकेको छ।