मोबाइलको गुणस्तर सुध्रेन • उपकरण ल्याउने कम्पनीलाई प्रमाणपत्र

योगेश खतिवडा/काठमाडौ, २०६६ पुस २० - मोबाइल सेवा गुणस्तरहीन भएको आलोचना भइरहेको बेला नेपाल टेलिकमले सिडिएमए र जिएसएम मोबाइलको उपकरण आपूर्ति गर्दै आएको जेडटिईलाई 'सन्तोषजनक कार्य सम्पादन' को प्रमाणपत्र दिने तयारी गरेको छ । टेलिकमले भित्र्याउन लागेको नेक्स्ट जेनेरेसन नेटवर्क (एनजिएन) का लागि आह्वान गरेको टेन्डरमा जेडटिईलाई सहभागी गराउन यो प्रयास भएको सम्बद्ध स्रोत बताउँछ । बोलपत्र आह्वानअनुसार टेलिकमलाई विगतमा उपकरण उपलब्ध गराएको कम्पनीले यस्तो सर्टिफिकेट प्रस्तावसँगै बुझाउनुपर्छ । त्यसैले जेडटिईलाई प्रमाणपत्र दिन लागिएको हो । लामो समयदेखि मोबाइलको गुणस्तरमा सुधार हुन नसकेपछि उक्त कम्पनीलाई प्रमाणपत्र दिइएको थिएन । 

युटिएलका सवा लाख फोनबाट चोरीका कल

नयाँ पत्रिका /यदु देवकोटा

युनाइटेड टेलिकम लिमिटेड (युटिएल) का करिब सवा लाख फोनबाट अवैध रूपमा विदेशमा फोन भइरहेको पुष्टि भएको छ । नेपाल दूरसञ्चार प्राधिकरणले गठन गरेको छानबिन समितिले नै युटिएलका मोबाइल तथा सिडिएमए फोन दुरुपयोग भइरहेको ठहर गरेको छ । 

टेलिकमलाई तामाकोसीको सेयर

काठमाडौं/ 

नेपाल विद्युत् प्राधिकरण माथिल्लो तामाकोसी परियोजनामा नेपाल टेलिकमलाई सेयर दिन सहमत भएको छ । टेलिकमले सेयर माग गरे पनि प्राधिकरणले ऋण दिन आग्रह गरेको थियो । टेलिकमले ऋण नदिने अडान लिएपछि प्राधिकरण सेयर दिन लचिलो भएको ऊर्जा मन्त्रालयका एक अधिकारीले जानकारी दिए । प्राधिकरणले टेलिकमसँग ६ अर्ब रुपैयाँ माग गरेको छ ।

नक्कली एसएमएसले मोबाइल ग्राहक ठगिए

रामचन्द्र भट्ट, काठमाडौं असोज १९-

आइतबार दिनभरि नेपाल टेलिकमका अधिकांश मोबाइल उपभोक्ताले एक खालको सन्देश प्राप्त गरिरहे। मोबाइल उपभोक्ताले प्राप्त गरेको सन्देशको व्यहोरा थियो, 'आज टेलिकमले मोबाइल टेलिफोन सुरु गरेको १० वर्ष पुरा गरेको अवसरमा १० जनालाई यस्तो एसएमएस पठाउँदा २ सय रुपैयाँको रिचार्ज निःशुल्क पाउनेछन्।'

मध्य तथा सुदूर पश्चिममा मोबाइल अवरुद्ध

प्रियास्मृती ढकाल बाँके १८ असोज

आइतबार बिहानैदेखि मध्य तथा सुदूरपश्चिमाञ्चलको मोवाइल सेवा अवरुद्ध भएको छ। पूर्वपश्चिम महेन्द्र राजमार्गअन्तर्गत बाँकेको कोहलपुर र दाङ्गको लमही सडकखण्डकोबीचमा अप्टिकल फाइबर काटिका कारण मोवाइल सेवा अवरुद्ध भएको नेपाल टेलिकमको क्षेत्रीय कार्यालय नेपालगञ्जका निमित्त प्रमुख नामाकर न्यौपानेले जानकारी दिए। अप्टिकल फाईबर काटिएका कारण प्रिपेड, पोष्टपेड, स्काई, सि.डि.एम.ए सेवा ठप्प भएको छ। जसका कारण यस क्षेत्रका करिब ४ लाख सेवाग्राही मर्कामा परेका छन ।

प्रिपेड मोबाइलमा मासिक १० करोड रिचार्ज

मनोज अधिकारी, पोखरा, असोज १६- नेपाल टेलिकमको प्रिपेड मोबाइलका लागि पोखरामा मात्रै मासिक १० करोड रुपैयाँ बराबरको रिचार्ज हुने गरेको छ। पोखरा कार्यालयबाट मासिक ८ देखि १० करोड रुपैयाँको रिचार्ज कार्ड बिक्री हुने गरेको टेलिकम पोखराले जनाएको छ। टेलिकमले पोखरा कार्यालयमार्फत गण्डकी र धवलागिका १० जिल्लामा गत माघदेखि रिचार्ज कार्ड बिक्री गर्न थालेको हो। टेलिकमकाअनुसार पोखरा राजधानीपछि सबैभन्दा बढी रिचार्ज कार्ड कारोबार हुने सहर समेत हो।

पोस्टपेड मोबाइलभन्दा तारवाला महँगो

रामचन्द्र भट्ट, काठमाडौं, असोज ७-

 नेपाल टेलिकमले सञ्चालन गरेका तीन प्रकारको टेलिफोन महसुलमै एकरुपता छैन।  टेलिकमको मोबाइल, सिडिएमए र तारवाला फोनबाट कल गर्दा लाग्ने एसटिडी महसुलको बीचमा एकरुपता नभएको हो। मोबाइलबाट भन्दा पनि तारवाला फोनबाट एसटिडी फोनको महसुल महंगो पर्ने गरेको छ।

टेलिकमले माथिल्लो तामाकोशीमा १ अर्बको लगानी गर्ने

दिनेश कार्की, काठमाडौं, भदौ २४-

माथिल्लो तामाकोशी जलविद्यूत आयोजनामा नेपाल टेलिकमले ऋण लगानी गर्ने भएको छ। सवैभन्दा सस्तो आयोजनाको रुपमा पहिचान भएको तामाकोशीमा टेलिकमले १ अर्ब रूपैयाँ लगानी गर्ने सम्बन्धी पत्र नेपाल विद्यूत प्राधिकरणलाई पठाएको छ। टेलिकमले जलविद्यूत क्षेत्रमा लगानी गर्ने इच्छा व्यक्त गर्दै आएको थियो। टेलिकमसँग नाफामुलक क्षेत्रमा लगानीयोग्य रकम मात्रै २६ अर्ब ८ करोड रुपैयाँ जगेडा कोषमा रहेको छ।

प्राधिकराणका कार्यकारी निर्देशक जिबेन्द्र झाले टेलिकमले लगानीका लागि तत्परता देखाएको बताए। झाले भने(...लगानीसम्बन्धी थप कूराहरु छिटै हूनेछन्।' प्राधिकरणका अर्का एक स्रोतका अनूसार टेलिकम तामाकोशीजस्तो आकर्षक आयोजनामा एकैचोटी ऋण सम्झौता गर्न चाहन्छ। लगानीका लागि अपर तामाकोशी हाइड्रोपावर लिमिटेड र प्राधिकरणले टेलिकमलाई केही समयदेखी आग्रह गर्दै आएका थिए।

यसअघि ऋण लगानीका लागि निजी बैंकहरुको सहवित्तियकरणले ६ अर्ब रुपैयाँ लगानी गर्ने प्रतिबद्धता गरिसकेका छन्। यसैगरी नागरिक लगानी कोषसँग २ अर्ब ऋण लिनका लागि सहमतिपत्रमा पनि हस्ताक्षर भइसकेको छ।

सम्झौताको लागि सहवित्तियकरण समुहले परियोजनाको वित्तिय र प्राविधिक अध्ययन(ड्यु डिलिजेन्स स्टडी) छ। आगामी तीन महिनासम्ममा अध्ययन पुरा गर्ने र त्यसको आधारमा प्राधिकरणसँग ऋण सम्झौता हूने सहवित्तियकरणको अगूवा बैंक हिमालयन बैंकका प्रमूख कार्यकारी अधिकृत अशोक सम्शेर जबराले बताएका छन्।

सहवित्तियकरणको सम्झौताको आधारमा परियोजनामा कर्मचारी सन्चय कोषले १२ अर्ब रुपैयाँ लगानी गर्ने प्रतिबद्धता जाहेर गरिसकेको छ।

परियोजनामा ऋण सहयोगका लागि प्राधिकरणले नेपाली सेनाको सैनिक कल्याणकारी कोषलाइ पनि अनूरोध गर्दै पत्र पठाएको परियोजनाका निर्देशक मृगेन्द्रबहादूर श्रेष्ठले बताए। माथिल्लो तामाकोशीमा लगानी गर्न सेना सकारात्मक छ।' उनले भने(...हामी सेनाको थप प्रतिक्रियाको प्रतिक्षामा छौं।'

दोलखा जिल्लाको लामाबगरमा रहेको ४ सय ५६ मेगावाट क्षमताको यो आयोजना आगामी सन २०१३ सम्ममा निर्माण पुरा गर्ने लक्ष्य प्राधिकरणको रहेको छ। परियोजनालाई निर्माण गर्न ३३ अर्ब रुपैयाँ लागत लाग्ने अनूमान गरिएको छ।

परियोजना व्यवस्थापनले निर्माण प्रकृयालाई अगाडि बढाउन सिभिल ठेक्का गरिसकेको छ भने इलेक्ट्रोमेकानिकल र हाइड्रोमेकानिकल ठेक्काको लागि केही दिन भित्रै बोलपत्र आब्हान गरिने कार्यकारी निर्देशक झाले बताए।

परियोजनामा अहिले पहुँच सडक बनाउन सिंगटी देखि लामाबगर सम्मको २८ दशमलव ५ किलोमिटर बाटो बनिरहेको पिरियोजनाका निर्देशक श्रेष्ठले बताए।

घट्यो टेलिफोन आइएसडी महसुल

नयाँ पत्रिका

काठमाडौं, २२ भदौ

नेपाल टेलिकमले अन्तर्राष्ट्रिय कल (आइएसडी) को महसुल दर घटाएको छ । १ असोजदेखि लागू हुने गरी टेलिकमले आइएसटिडी महसुल दर कटौती गरेको हो ।

एक्सेस कोड १४२५ र १४४५ प्रयोगमार्फत गरिने बजेट कलको महसुल हाल प्रतिमिनेट २५ रहेकामा समूहअनुसार प्रतिमिनेट १७ रुपैयाँसम्म कटौती गरेको टेलिकमले जनाएको छ । अब उपभोक्ताले अमेरिका, क्यानडा, मलेसिया, चीन, सिंगापुर र हङकङ फोन गर्दा प्रतिमिनेट ८ रुपैयाँ तिर्नुपर्नेछ ।

यसैगरी जापान, दक्षिण कोरिया र थाइल्यान्डको प्रतिमिनेट १२, साउदी अरब, युएई, कतार, बहराइन, इजरायल र अष्ट्रेलियाको प्रतिमिनेट २० तथा अन्य मुलुकको प्रतिमिनेट २४ रुपैयाँ महसुल तोकिएको टेलिकमले जनाएको छ । भारतबाहेकका सार्क मुलुक र एक्स्सेस कोड ०० भएका मुलुकमा बजेटकल सुविधा छैन ।

टेलिकमले भारतका लागि भने बजेटकल व्यवस्था गरी प्रतिमिनेट ६ रुपैयाँ महसुल तोकेको छ । यसैगरी एक्सेस कोड ०० मार्फत हुने अन्तर्राष्ट्रिय कल महसुल दर पनि घटाइएको छ । सार्क मुलुकमध्ये भारत, पाकिस्तान, बंगलादेश र श्रीलंकाको महसुल दर चौबीसै घन्टा १२ रुपैयाँ बनाइएको छ । हाल ती मुलुकमा बिहान ६ देखि राति ८ बजेसम्मको प्रतिमिनेट २० रुपैयाँबाट र राति ८ देखि बिहान ६ बजेसम्म प्रतिमिनेट १५ रुपैयाँ महसुल रहेको छ ।

सार्क मुलुकमध्येकै मालदिभ्स र भुटानका लागि भने उपभोक्ताले प्रतिमिनेट १५ र अफगानिस्तानका लागि प्रतिमिनेट २४ रुपैयाँ तिर्नुपर्ने छ । बजेट कल प्रयोग नगरी अन्य मुलुकमा कल गर्दा भने प्रतिमिनेट ३० रुपैया तिर्नुपर्ने छ । यसअघि ती मुलुकमा कल गर्दा प्रतिमिनेट ५० तिर्नुपथ्र्यो ।

यसैगरी पि्रपेड कलिङ कार्डमार्फत एक्सेस कोड १४२४ प्रयोग गरी गरिने अन्तर्राष्ट्रिय कलमा पनि टेलिकमले कटौती गरेको छ । कलिङ कार्डमार्फत गरिएको कलमा उपभोक्ताले अमेरिका तथा क्यानडामा प्रतिमिनेट ४ रुपैयाँमा कुरा गर्न पाउनेछन् । यसअघि ती मुलुकमा प्रतिमिनेट ६ रुपैयाँ लाग्ने गथ्र्यो । यसैगरी भारत, चीन, सिंगापुर, हङकङ र थाइल्यान्डमा हाल प्रतिमिनेट ८ रुपैयाँ लाग्ने गरेकामा घटाएर ५ रुपैयाँ बनाइएको छ । मलेसिया र दक्षिण कोरियामा कल गर्दा हाल प्रतिमिनेट ८ रुपैयाँ तिरिरहेका उपभोक्ताले अब भने ६ रुपैयाँ मात्र तिरे पुग्नेछ । बंगलादेश, पाकिस्तान र ताइवानमा हाल कायम प्रतिमिनेट ८ रुपैयाँ महसुल दर भने टेलिकमले घटाएको छैन ।

टेलिकमले भारतमा हुने ट्रान्सबोर्डर कलको प्रतिमिनेट ५ रुपैयाँ घटाएर ३ रुपैया बनाएको छ भने स्याटलाइट फोनमा हुने कल महसुल दर भने प्रतिमिनेट २ सय ४० रुपैयाँ तोकेको छ । जिएसएम मोबाइलबाट अन्तर्राष्ट्रिय कल गर्दा भने तोकिएको महसुलमा एयर टाइम चार्ज लाग्नेछ । टेलिकमले सार्वजनिक गरेको परिमार्जित महसुलमा कर समावेश नभएको कम्पनीले जनाएको छ ।

अन्य मुलुकको महसुलमा कटौती गरेको टेलिकमले १३ मुलुकको महसुल दर बढाएको छ । प्रतिमिनेट ५० रुपैयाँमा कल गर्न सकिने ती मुलुकको महसुल वृद्धि गरी प्रतिमिनेट ८० पुर्‍याइएको छ । टेलिकमले उत्तर कोरिया, पपुवान्युगिनी, पूर्वी टिमोर, क्युबा, सोमालिया, अन्टार्टिकालगायत मुलुकको महसुल वृद्धि गरेको हो ।