प्रधानमन्त्रीले सबै माग पत्रहरु हेरिसकेपछि जायज मागहरु सम्बोधन गर्नका लागि सरकारले ध्यान केन्दि्रत गर्ने 
काठमाडौ, २०६६ आश्विन ३१ - हिमाल पारीको जिल्ला मुस्ताङका जनताले प्रधानमन्त्रीसंग कोर्ला नाका खुलाउन, वाटो निर्माण गर्न, बृक्षारोपण, धमी खोलामा जलविद्युत, नरसिं गुम्वाको मर्मतसंहारलगायतका परियोजना माग गरेका छन् । त्यसका अलवा प्रजातन्त्र पुनस्थापना पछि पहिलो पटक पुगेका कार्यकारी प्रमुखलाई कम्तीमा ३० वटा ज्ञापन तथा माग पत्र लिखित रुपमा उनीहरुले थमाए । 'त्यहाँका जनताले अरु के के कुराको माग गरेका छन्, हामीले ज्ञापन र मागपत्र पढ्न पाएका छैनौं' प्रधानमन्त्रीसंगै रहेका राजनीतिक सल्लाहकार रघुजी पन्तले टेलीफोनमा ईकान्तिपुरसंग भने ।
