'यो त अति भयो, मलाई किन काम नदिएको होला, तपाईंले एकपटक प्रधानमन्त्रीलाई सोधिदिनुहोला है,' मन्त्री लक्ष्मीलाल कर्णले आशावादी हुदै भने
सागर पण्डित/काठमाडौं (नयाँ पत्रिका)
जनताका धेरै गुनासा छन् । तर, नेपाल न हो, मन्त्रीका गुनासा झन् ठूला छन् । मन्त्री भएको तीन महिनासम्ममा कुनै पनि जिम्मेवारी नपाएपछि लक्ष्मीलाल कर्ण आफँ दिक्क छन् । सद्भावना पार्टीका अध्यक्ष राजेन्द्र महतो आपूर्तिमन्त्री छन् । दलहरूबीच मात्र होइन, दलहरूभित्रको समीकरण पनि मिलाउन प्रधानमन्त्री माधवकुमार नेपालले सद्भावनाका लक्ष्मीलाल कर्णलाई विनाविभागीय मन्त्री बनाइदिएका छन् । तर, तीन महिनासम्म पनि भूमिका नपाएपछि उनी आफैँ कुण्ठित भएका छन् ।
