माओवादी आन्दोलन जनाबरको जस्तो: नेता ओली

विजय नेपाल पोखरा, ११ कात्तिक

नेकपा एमालेका वरिष्ठ नेता केपी शर्मा ओलीले माओवादीले आन्दोलनका नाममा गरेका ब्यवहारलाई जनाबरले गर्ने क्रियाकलापको संज्ञा दिएका छन् । "वार्ता र छलफलमार्फत् समस्याको समाधान गर्नुपर्नेमा काँग्रेस र एमालेका कार्यकर्तामाथि माओवादीको ढुंगामुढा प्रहार बोल्न नसक्ने जनाबरले गर्ने ब्यवहार हो", उनले भने । नेपाल सम्बत् ११३० को अवसरमा नेकपा एमाले पोखरा नगर कमिटीले बुधबार पोखरामा आयोजना गरेको शुभकामना एवं चियापान कार्यक्रममा बोल्दै उनले भने, "जनाबरले प्रतिक्रिया दिन सिंग अघि सार्छ, बाटो छेकेर ढुंगामुढा गर्ने माओवादी ब्यवहार पनि जनाबरको जस्तो छ ।"

'चीनले जिम्मेवारीको पाठ सिकायो'

'माओवादी अध्यक्ष दाहाललाई चीनले जिम्मेवारीको पाठ सिकाएको छ । अब उनी दरखास्त बोकेर भारत जान्छन होला । तर भारतले पनि उनलाई जिम्मेवारीकै पाठ सिकाउने छ ।' 

श्यामसुन्दर शशी/जनकपुरधाम , २०६६ कार्तिक ३ -

एमाले स्थायी कमिटी सदस्य केपी ओलीले चीनले माओवादी अध्यक्ष पुष्पकमल दाहाललाई जिम्मेवार हुन सुझाव दिएर पठाएको बताएका छन् । धनुषामा एमालेको समानान्तर जिल्ला कमिटी गठन गर्न मंगलबार आयोजितअसन्तुष्ट पक्षको भेलाको उद्घाटन गर्न जनकपुर आएका उनले भने, 'माओवादी अध्यक्ष

माओवादीको व्यवहारले सहमितमा ढिलाईःओली

भक्तपुर, २०६६ कार्तिक १ - एमाले नेता केपी ओलीले माओवादीका नेताहरुले पिपलपाते कुरा गरेका कारण दलहरुबीच सहमति हुन नसकेको बताएका छन् । एमाले गाउँ कमिटी बालकोट भक्तपुरले आइतबार बिहान आयोजना गरेको दिपावलीको शुभकामना आदान प्रदान कार्यक्रममा उनले साझा सहमति र आन्दोलन दुबै थरीका कुरा गर्ने प्रवृतिका कारण माओवादीलाई विश्वास गर्न नसकिएको बताए ।

ओलीको बोलीः प्रधानमन्त्रीले गलत काम गरे

“सुजाता कोइरालालाई उपप्रधानमन्त्री बनाउनुअघि प्रधानमन्त्रीले राम्ररी सोचबिचार गर्नुपर्थ्यो”

सञ्जीव चापागाई ,झापा २९ असोज

नेकपा एमालेका वरिष्ट नेता केपी शर्माओलीले आफ्नै दल नेतृत्वको वर्तमान सरकारको कर्यशैलिप्रति असन्तुष्टी जनाएका छन। झापाको दमकमा बिहीबार बिहान कायकर्ता भेटघाटका क्रममा नेता ओलीले देशको नेतृत्व सम्हाल्ने जिम्मा एमालेको काँधमा आउनु राम्रो कुरा भए पनि वर्तमान सरकारको कार्यशैली सन्तोषजनक नभएको टिप्पणी गरे। सुजाता कोइरालालाइ उपप्रधानमन्त्री बनाइएको कार्यप्रति असन्तुष्टि जाहेर गदै नेता ओलीले भने– “प्रधानमन्त्री माधवकुमार नेपालले हालका समयमा कसैको दबाबमा आएर गलत कार्य गर्नुभएको छ, यसले सिङ्गो सरकारलाइनै असर पुग्छ।”