प्रधानमन्त्री र हिलारी भेटवार्ता आज/भियतनामले दूतावास खोल्ने

अब्दुल्लाह मियाँ/कोपनहेगन (कान्तिपुर)- 

प्रधानमन्त्री माधवकुमार नेपाल र अमेरिकी विदेशमन्त्री हिलारी क्लिन्टनबीच शुक्रबार भेटवार्ता हुंदैछ । विहीवार सांझ भेटको समय तय गरिएपनि जलवायु परिवर्तनसम्वन्धि सम्मेलनमा युरोपियन युनियन (इयु) संगको छलफल लम्बिएपछि भेटवार्ता सारिएको प्रधानमन्त्रीका विदेश मामिला सल्लाहकार राजन भट्टराईले जानकारी दिए । प्रधानमन्त्री नेपालले विहीवार भियतनामका प्रधानमन्त्री, नर्वेका वातवारण र अन्तराष्टिय विकास र डेनमार्कका विकास सहयोगमन्त्रीसंग छुट्टाछुट्टै भेटवार्ता गरेका थिए ।  जलवायु परिवर्तनसम्वन्धि विश्व सम्मेलनलाई सम्वोधन गर्न प्रधानमन्त्री नेपाल मंगलवार कोपनहेगन आएका थिए । उनी शनिवार स्वदेश र्फकने कार्यक्रम छ ।  भेटका क्रममा भियतनामले छिट्टै नेपालमा दूतावास स्थापना गर्ने जानकारी गराएको छ । प्रधामन्त्री नेपाल र समकक्षी ङुएन टान डुङवीच भएको भेटवार्तामा उक्त जानकारी दिएको हो । 

राजदूत छन्, दूतावास र कर्मचारी छैनन्

क्यानडा, दक्षिण अफ्रिका, ब्राजिल र कुवेतका लागि राजदूत छन् तर उनीहरू बस्ने ठाउँ छैन

पर्शुराम काफ्ले/नयाँ पत्रिका

काठमाडौं, ३१ भदौ

सरकारले चार देशका लागि पहिलोपटक राजदूत नियुक्त गरेको छ । तर, कर्मचारी नहुँदा दूतावासको समेत ठेगान लागेको छैन ।